高雄墾丁之旅 - Day 3 (越野沙灘車)

今日我哋全日都係行墾丁嘅景點, 基本上墾丁要去嘅景點, 司機都有帶我哋去, 不過其實我哋對於睇山睇石睇水又唔係真係太感興趣, 所以有些地方都已經刪減沒去了, 最後約好司機今早10點才出發.

出發前見有時間就同小B喺酒店門外影下相...

有得去玩嘅小朋友, 連影相都特別合作!!

相對附近5星級渡假酒店而言, 我哋呢間門面都算唔錯架啦...

夠鐘出發啦, 首先第一站我要求司機帶我哋去玩沙灘車!!

你睇小B幾有型  ^^

準備出發, 此時爸爸仲好輕鬆, 但小B就突然開始變得緊張起來... 

因為路面不平, 加上沙灘車都係比較拋嘅, 所以小B咪緊張囉, 途中小B仲猛叫爸爸要小心D同開慢D唔好跌, 結果攪到連爸爸都感到有壓力.

最後爸爸頂唔住, 叫小B過亞父同契姨姨車坐...

你睇小B攬住亞父個樣幾冧, 小B話亞父揸車比爸爸安全喎, 哈哈哈哈~

得番爸爸同媽媽, 爸爸馬上成個醒神起來, 開得比之前更快, 攪到我都有D怕怕, 所以為安全起見, 都係等我車番爸爸出去啦.

但係原來唔快又真係唔夠刺激啵, 結果媽媽為求刺激都同爸爸一樣飛住去呀, 爽~





我們的Facebook專頁 - 小b與妹妹b之成長日誌