早幾日全線日本城均做88折優惠, 從媽媽會得知這消息後, 當然立刻跑去一趟啦, 因家中的電熱水壺又是時候要更換嘛. 我發覺一般電熱水壺的壽命, 平均只得兩年左右, 自搬出來這4年間, 今次已經換上第3個電熱水壺啦, 每次更換的原因都是因為使用時間久了而導致水壺頂部的膠邊老化, 為了大家健康著想, 不得不更換啊, 因為膠邊溶了後膠粒會掉到水裡去, 而最大問題是我們要用這些熱水來開奶奶給小B嘛, 所以襯著日本城減價, 快快去買個新的熱水壺更換.
雖然我們家用了2個電熱水壺都是樂信牌, 同事更問我是否這品牌的電熱水壺才是這樣, 還建議我去買象印來試試, 不過婆婆話以前曾經買過一個過千元的象印電熱水壺來用, 3年後同樣有這個問題出現, 所以我相信未必關品牌事, 而是因為電熱水壺經常煲著熱水才會出現老化情況, 既然兩三年間就要換一個, 最後我還是選回價錢較大眾化的樂信牌.
原價$538, 折後473
最後還買了兩Packs茶包袋, 等遲下陳生幫我炒米茶後, 坐月時用.
原價$12, 折後$10.5
因帶著手多多的小B一起去日本...城, 所以快快手買完要買的東西就走了, 免得周圍摸周圍撞的小B害我要賠錢. ~.~
原本襯著星期日減價最後一天去多一轉日本...城, 買一個小型電飯煲用作煮飯仔給小B, 以及多買一個透明膠箱來放妹妹B的衫仔, 可惜我的Schedule都被小B打亂而去不成, 就連我最想到的一田都無得去呀, 唉...
婆婆屋企用象印就用咗好多年都冇事喎。。所以自己都買返象印。
回覆刪除一田聽聞太多人。。。我都唔敢去，反而去咗吉吉島
我同事都話佢個象印用左7年先要換...
刪除係呀, 一田好似打仗咁, 但我見超市有d野都幾平, 所以想去掃貨嘛, 可惜最後都去唔成丫~
你D水多數KEEP幾多度? 唔好KEEP到去98, 會減慢膠邊老化速度... 我睇過象印說明書講架
回覆刪除咁可能因為真係keep既溫度太高...所以婆婆屋企個個用左3年左右就老化~
刪除因為之前聽過朋友話醫生講電熱水壺D水放得耐會有D物質出咗來，唔少BB飲呢D水開嘅奶會飲到肚痾，所以我屋企係用普通Thermos熱水壺，用咗好多年都無問題呀
回覆刪除我都有聽講過, 不過呢d壺方便好多嘛, 見佢又無乜野, 所以就無理, 哈哈~
刪除我用平價kenwood,已二年多都冇乜問題，不過啲水我keep 60度咋
回覆刪除我地長期keep住全滾架~
刪除