最近婆婆經常投訴金仔之餘, 還不斷給我說話聽, 話我當初沒有好好想清楚就決定養金仔, 好老實即使再給我一次回到最初, 我仍是會選擇養金仔的, 但我亦不得不承認, 自己於編排時間方面確實做得不好, 以致近年經常忽略了牠, 幸好當家中各人都忙著照顧小B時, 我家細佬還視金仔為唯一, 否則我想金仔的情況一定會更差更壞.
以前金仔集萬千寵愛在一身, 在家中就好像大爺一樣, 人人對牠服侍周到, 而且個個回家後都愛攬著牠, 但這年多...萬千寵愛在一身的人已經變為小B啦, 現在個個回家都只顧著跟小B玩, 完全沒有理會金仔, 最多都是請牠食餅餅而已, 這些日子相信金仔一定好難受, 所以在性格上, 金仔確實有所改變, 當然我所講的改變並非向好的一方面改變啦, 但我還是一直在包容牠. 即使婆婆, 姨姨投訴金仔有多壞, 我都左耳入右耳出, 大不了我就跟金仔大談人生道理, 雖然未知道牠是否完全明白, 但從牠眼神中, 我看得出牠知道我還是關心牠的.
現在小B開始大...小B跟金仔亦有不少互動, 而且看來感情還不錯呢, 各人亦看得出小B好錫金仔之餘, 金仔又會因小B不在家時坐立不安, 金仔甚至會在小B每次被罵或扭計時, 站在小B身旁發出古怪聲呢, 總之見他們倆相處真的覺得好好笑. 而我亦希望遲些妹妹B出世後, 金仔不會再一次感到自己地位不保就好了. 因為金仔好不容易...才能夠接納小B, 所以我同樣希望遲些金仔可以快快接納妹妹B啦.
看來...我除了要認真想想如何跟金仔慶祝生日之餘, 還要認真地抽回多點時間陪牠才行. 我真的不想將來到金仔百年歸老後才去後悔, 所以我要襯著現在還有時間, 盡我的責任去愛牠.
金仔...我希望你知道, 雖然媽媽少了時間陪你, 但我依然好愛你架!! *3*
呢張相, 金仔個樣好似好可憐咁呢...
回覆刪除哈..佢個樣由細到大都係咁架, 楚楚可憐的模樣!! 所以好多時做錯事, 一見到佢呢個樣, 都鬧佢唔落~
刪除如果平均啲，有動物同小b玩係有好影響的
回覆刪除其實小b大左...開始同金仔玩之後, 兩個都已經好左好多, 只係我覺得自己少左太多時間陪金仔, 好似好對佢唔住咁囉!!
刪除咁金仔會唔會呷醋架？不過宜家都好呀，有小B陪金仔，遲啲仲多個小朋友，3個一齊玩^^
回覆刪除初初勁呷醋..宜家已經好左好多, 我見佢都好錫小b, 佢兩個失驚無神會鍚咀咀架, 笑死~
刪除讓小b同金仔玩多d，彌補你地少陪了牠，而遲d妹妹出世，要小b拉麻金仔一齊睇住妹妹！
回覆刪除小b已經成日都同金仔玩...但好多時又會忍唔住出手蝦金仔, 好彩金仔都好忍讓小b, 好肯讓小b~
刪除嘩，金仔好得意呀，成隻公仔咁 ^0^
回覆刪除其實佢真係一隻幾得意既狗仔黎, haha~
刪除金仔有無同你一齊住架?
回覆刪除以前有..不過自小b出世後都無啦, 因為佢係一隻鐘意人陪既狗, 咁平日我地又要返婆婆度睇完小b先返屋企, 晚晚返到屋企都起碼10點lu, 所以佢就跟埋婆婆一齊住, 廢事有朝到黑無人陪佢仲慘~
刪除