<試用>TePe 專業口腔護理系列

基於我自己一向好怕睇牙醫嘅關係, 所以我特別緊張倆姊妹嘅口腔護理, 今次難得有機會試用唔同品牌嘅口腔護理系列產品, 我當然希望可以一試啦.  據說小朋友嘅牙齒喺乳齒時期就能健康發育的話, 不但可以令換恆齒時長得更好, 仲可以減少日後需要矯正嘅機會, 所以口腔護理都真係咪話唔重要啊.

這就是TePe專業口腔護理系列產品~

(由左至右介紹)
Tepe Tuft - 單頭刷, 帶有彎頸及圓頂形單頭設計, 適用於清潔不平滑嘅臼齒表面
Tepe Mini - 迷你幼兒牙刷, 從第一顆牙齒長出即開始清潔, 推薦給0-3歲幼兒使用
Tepe Kids - 兒童動物牙刷, 較Tepe Mini迷你幼兒牙刷稍大, 推薦給3歲以上兒童使用
Tepe Supreme - 至尊雙層刷毛牙刷, 纖長刷毛設計深入清潔牙縫, 短平刷毛清潔牙齒表面而且按摩牙齦, 推薦給成人使用
Tepe PlaqSearch -  雙色牙菌膜顯示綻, 可將口腔內嘅牙菌膜染色, 並透過新舊牙菌膜嘅分佈狀況, 檢視刷牙是否徹底

其實小朋友開始長出牙仔後, 父母就應該開始要教育佢哋口腔清潔及保健護理嘅常識, 所以早於嬰兒時期, 我哋就已經開始有用清水紗布幫倆姊妹進行口腔清潔啦, 等佢哋慢慢習慣咗個模式之後, 日後要用牙刷刷牙時都唔會太抗拒嘛.  ^^

幸運地...當年家姐開始使用牙刷刷牙就真係無太扭擰, 非常合作.  至於妹妹開始用牙刷刷牙時就無家姐咁合作囉, 但又未至於好抗拒嘅, 我自己就覺得已經總比完全唔肯刷牙好了, 而且最近亦都已經有好大進步.

首先又係我家小小試用專員出場時間...

今次小B試用嘅係Tepe Kids, 刷頭比小B之前用開嘅牙刷稍大.

至於刷毛就不是很柔軟的那款, 不過小B可以接受, 因為媽媽之前買嘅牙刷, 刷毛都差不多是這個硬度.

最近刷牙時愛上唱刷牙歌嘅小B...

向上刷..向下刷..不可放任胡亂刷..la la la la la la la~

唔好以為今次只得小B一個有得試用, 其實媽媽同妹妹都有份試用呢...

媽媽今次試用嘅係Tepe Tuft, 因為媽媽嘅牙齒天生就係比較參差不齊, 一般牙刷係唔能夠完全清潔我嘅牙齒, 所以用佢黎幫手刷下邊位以及不平滑嘅位就最適合不過.  暫時感覺非常良好, 媽媽真心需要一枝單刷頭牙刷幫幫手, 哈哈!!

另外妹妹比較細, 而且剛剛才對刷牙一事無太扭擰, 加上我又新出動咗麵包超人牙刷, 所以暫時就唔同妹妹試用住喇, 等妹妹遲些需要換牙刷時再才試吧.





我們的Facebook專頁 - 小b與妹妹b之成長日誌