Cool妹出戰 - 2nd N班Interview結果 (救世軍)

雖然呢間學校嘅結果一早已經預計到, 但未到收信一刻我仍然抱住會得嘅心態, 結果...真係唔得囉, 只能夠排後補, 唉~  (大概一早已經有心理準備, 所以又未至於好失望)

但我仍然希望有人會放出學位讓我家Cool妹補上...如果唔係我家Cool妹明年應該無N班讀了, 嗚嗚嗚嗚~

雖然之前Cool妹有個上午班Offer, 但我一心就打算要入讀全日班, 而且經過種種因素考慮後, 加上知道讀半日班婆婆會變得更瀕撲, 考慮到唔想到時因為妹妹返學而令我跟婆婆關係再次變僵, 所以最終還是放棄了半日班Offer.

明明我家Cool妹已經唔係龍B, 無咗龍年效應, 但原來馬B競爭依然同樣地大, 我真沒想過明年救世軍N1班10個小朋友中竟然全都是1月或2月B囉, 就連我地呢個2月中B都只能等..等..等..等待曙光嘅出現.  

暫時仲有一間全日班未出結果, 不過我哋都已經打定輸數, 皆因嗰間學校仲多人爭, 總之就...祝我們好運吧!!!!!!!!





我們的Facebook專頁 - 小b與妹妹b之成長日誌