2015聖誕系列の聖誕節目停不了

28.12.2015

睇到個Topic都覺得好開心, 不過節目停不了嘅人唔係我而係小B, 3天假期完結後媽媽又要上班嚕, 但小B一樣唔愁無節目, 今日小B就跟咗姨姨去玩喇.

去開姨姨公司嘅聖誕Party前, 小B跟咗姨姨返公司, 而經過今日之後小B仲話鐘意返工多過返學添啵...  當然啦, 今日喺公司有幾個朋友仔一齊玩嘛, 又有野食又有野玩仲有卡通片睇, 小B唔知就梗係以為返工就係咁樣過啦.

最後玩到無嘢玩, 仲有姐姐幫小B化妝添啵!!  ~.~"

你話返工有幾開心呢?!?!?!?!?!

返完半日工, 下午就去咗會所開Party, 有得玩之餘又有好嘢食, 簡直就羨慕死媽媽啦, 唉~

姨姨同事們有交換聖誕禮物環節, 出奇地竟然連小B都有聖誕禮物呢, 你睇小B收到禮物幾開心.

不過離開前小B面上笑容已經不見啦, 皆因有人電力秏盡...姨姨話有個小朋友一上車就馬上ZzzZzz~

多謝姨姨帶小B去玩, 等小B嘅聖誕節目停不了呀, 哈哈!!  ^o^





我們的Facebook專頁 - 小b與妹妹b之成長日誌