Cool妹出戰 - 2nd N班Interview分享 (救世軍)

今日終於都輪到我家Cool妹去救世軍Interview啦, 有家長話今年學校分咗兩日Interveiw, 估計首批Interview係接見輪候號碼較前嘅小朋友, 而今批則接見號碼較後嘅小朋友, 所以即使我哋有機會去Interview都未必一定能夠入讀...  ~.~"

去到學校, 老師安排等候嘅家長及小朋友去課室玩玩具, 不過因為家姐都有返學校嘅關係, 所以家姐拖住妹妹四周圍搵老師Social, 而媽媽就留喺課室填問卷. 

之後突然見到兩位舊同學仔嘅爸爸媽媽出現, 原來佢哋返黎為聖誕聯歡會綵排唱詩歌呢~

好啦...等了大約半小時, 終於都到我哋見校長.  一如以往, 學校係唔考小朋友嘅, 雖然9月時轉了新校長, 但校長對我哋竟然都非常了解, 仲知道倆姊妹係婆婆湊, 厲害厲害.  加上知道家姐剛剛8月才讀完N班關係, 所以知道我對學校都比較熟悉就無特別同我再講教學理念, 只係同我傾下家姐事, 講下妹妹事之類話題就完成整個面試.

至於面試結果會於大約一個月左右有通知, 校長直言要等有人放位先有機會, 所以現階段我可以做的都只有係等..等..等..等..等, 而等嘅過程對我來說當然係相當漫長啦, 唉~





我們的Facebook專頁 - 小b與妹妹b之成長日誌