K1學校遊戲日

剛過去嘅星期六係學校遊戲日, 因為總校喺東區關係, 所以每年嘅遊戲日都會喺柴灣舉行.  對於奧運校嘅學生黎講就當然係好...鬼遠啦, 但有得玩小朋友又點會唔想參加呢, 所以即使多遠都好, 媽媽單拖還是會帶小B出席.

我哋準時1:30去到目的地, 足球場內已經人山人海, 非常熱鬧, 不過場面就有點混亂喇, 加上各班都不設點名, 所以大家都可以隨意自由發揮.

首先我哋先按班級遊戲進行親子比賽...  

我哋幼兒班係小朋友先跳過籐圈, 然後爸爸媽媽負責拿起畫簿, 小朋友則負責拿著相機再一起走過橋, 最後拿著生果籃摘樹上生果再去餵動物就完成, 過程中最快完成的就可以入決賽, 我哋當然無太認真去做啦, 哈哈~

雖然無真正得獎, 但都要俾小B感受一下得獎嘅一刻.  ^^

之後再排隊玩下攤位遊戲...最終只玩了一個.

最後本打算去排隊玩吹氣彈床, 只可惜天公不造美啊, 當玩攤位遊戲時雨就一直一直的下著, 而且還越落越大, 結果遊戲日典禮儀式都未正式開始, 已經有好多家長小朋友離開.

我哋當然都唔例外啦, 好彩今日有同學仔爸爸做柴可夫, 順便車埋我同小B, 如果唔係又大雨又凍都真係幾狼狽, 不過小B無得玩就頓時變得好失望囉, 唯有寄望明年遊戲日會好好天可以盡情地玩.

 



我們的Facebook專頁 - 小b與妹妹b之成長日誌