K1班親子聖誕吊飾

小B學校真係好鍾意做親子勞作, 而且係每個節日都要做, 雖然唔係強迫性要交, 但有得交總比無得交好, 因為大部份家長小朋友都好踴躍參與, 所以就算我唔想交, 小B都會要求我交...

今次媽媽真係堅Hae, 唔到最後一分鐘都唔動手去做.
(話明到最後一分鐘, 即係其實我真係有諗過放棄唔交啦 :p)

好...Deadline前快手一起動手吧.

小B負責將雪條棍上色...
妹妹負責監督...
爸爸媽媽負責黏貼剪裁相片Size...

不消一會, 聖誕樹相架吊飾終於面世啦...呵呵!!

雖然我哋嘅作品略為求其, 不過我哋又唔係抱住要有獎嘅心態, 所以結果並唔重要, 最重要嘅係當中嘅親子過程.





我們的Facebook專頁 - 小b與妹妹b之成長日誌