Cool妹出戰 - 3rd N班Interview分享 (浸信會)

今日終於都到Cool妹最後一場N班Interview啦, 因為媽媽要帶家姐返學上興趣班關係, 而爸爸又要返工, 所以帶Cool妹去Interview嘅重任就只好落在婆婆身上喇.

根據婆婆消息匯報...

去到學校交過報名費後, 就喺門外嘅小小Playground玩, 不過個Playground真係好細好細, 玩嘅設施亦唔多, 好彩好快就可以入禮堂Interview.  婆婆話今日Interview嘅人唔算好多, 但明明Cool妹朋友仔媽媽報料話勁多人, 仲話好多父母都著得好隆重, 唔知仲以為自己去咗九龍塘D名牌學校添啵, 但可能接見時段唔同啦, 婆婆就係話唔算多人囉.

面試時, Cool妹例牌10問9唔答, 但指令就全部做足, 算係預計中事.

老師問Cool妹姓名, Cool妹唔答, 同Cool妹講早晨, Cool妹唔應, 問邊個帶Cool妹黎, Cool妹唔彩...

然後再考生果配對, 問眼耳口鼻, 這些都通通做對, 完全無難度.

直至老師拿出玩具送俾Cool妹時, 再叫Cool妹講早晨, Bye Bye等, Cool妹才肯同老師講早晨及Bye Bye, 真係市儈到無朋友呀.

最後婆婆話Cool妹最值得讚嘅事, 應該就係離開時會主動拍櫈.

面試結果要等一個月才有, 不過因為這是一所全日制學校, 所以媽媽都好希望學校會收我家Cool妹啊.

雖然Interview表現唔算好好, 但媽媽都已經收貨啦, 無論最終取錄與否, 媽媽都要讚一讚嘅.  ^^





我們的Facebook專頁 - 小b與妹妹b之成長日誌