今日觀課活動主題係 - 愉快有效學習
學校安排了早禱後嘅時間俾家長觀課, 據爸爸講述, 當老師安排家長入課室觀課時, 小朋友們同班主任已經正準備進行語文活動之故事閱讀, 期間老師亦有教小朋友發音, 如:碗, 哇, 喂, 水壺, 泳等W音嘅字. 而老師亦有要求每位小朋友跟住讀, 看看他們是否能夠準確發音, 今次小B講W音嘅發音字都尚算清晰, 不過老師亦都有話小B對某幾個音嘅發音字仍有待改進, 例如N音, S音等嘅字, 小B大部份都未能準確讀出呀, 唉~~~
而呢班N班小朋友亦都好叻叻, 雖然今日有家長觀課, 但係佢哋每一個小朋友都依然可以坐定定留心聽老師講, 未有受家長們影響架, 抵讚!!
語文活動完畢, 然後老師就叫小朋友分成兩組, 一組玩貼貼紙油顏色, 一組就玩蒙特梭利教具, 竟然...想玩貼貼紙油顏色嘅只得三位小朋友, 其中兩位都係新插班生, 至於其他小朋友全部都話要玩蒙特梭利教具囉, 再一次証明我家小B對畫畫油顏色真係零興趣, 好彩媽媽無迫小B去上畫班咋.
最後學校安排家長跟校長進行觀課後討論, 雖然校長都有問家長們對今次觀課嘅意見, 不過大部份家長都無發表意見啊, 而且我同爸爸都覺得揀得呢間學校嘅家長一直似乎都幾滿意學校同老師們對小朋友嘅教法, 再者揀得Happy School嘅都唔會係怪獸家長, 只希望小朋友能夠做到愉快學習便可.
說真的, 我, 小B爸同小B都真心好鐘意呢間學校, 但我又唔會話特別要推介俾其他家長, 因為我知道現今有好多家長都唔認同俾小朋友讀Happy School係正確嘅選擇, 覺得Happy幾年之後上小學條路會好辛苦, 所以都係等家長們自己去衡量, 自己去判斷乜嘢學校先係最合適自己小朋友啦.
小B今年就讀得好Happy喇, 希望明年妹妹都同樣讀得Happy啦!!
我們的Facebook專頁 - 小b與妹妹b之成長日誌
有家長在而又未有受家長影響，D 小朋友真係好叻叻呀 ^^
回覆刪除小B K1一定更開心的 ^^
我都希望佢轉校後會繼續開心 ^^
刪除Happy = 真係最重要!
回覆刪除絕對認同^^
刪除其實最緊要小朋友讀得開心，一直都覺得開心既人會特別醒目既，哈哈，所以小b係醒目女
回覆刪除小b爸都係好似你咁講, 話開心嘅人會醒目d, 不過係唔係真就唔知啦, 哈哈~
刪除係hk 讀書好辛苦， 而家可以happy 就 happy 啦。
回覆刪除我地係呢邊都好 hea, hannah 好多野都唔識，但我覺得讀書呢條路咁漫長，比佢玩多陣啦。
hk其實唔係好適合小朋友....可以的話我都想帶佢地去外國讀書~
刪除小b真係好鐘意爸爸，指明爸爸去
回覆刪除你唔知啦, 佢話佢係爸爸個女朋友呀 ^^
刪除我絕對支持Happy School，童年得一次，讀書就到老都仲讀得，Happy至少唔會嚇怕佢哋學習嘅意慾
回覆刪除妹妹來緊都會讀呢間N？
係呀, 妹妹一樣會讀呢間n, 之後k就睇下轉唔轉得番去家姐個間囉, 我懶...唔想重頭再搵過, 所以條路可以的話都跟番家姐咁行.
刪除放暑假又再有覌課曰？我有朋友都讀happy school, 不過都因為擔心升上去追辛苦而有外補，其實家長都希望小朋友happy, 好可惜又要面對現實
回覆刪除我地未放暑假呀, 返到8月中先放~
刪除其實如果唔係因為我太擔心, 我都寧願俾佢繼續happy落去, 不過現實唔容許我咁做, 所以唯有轉間谷少少嘅學校, 爸爸雖然唔反對, 但我知佢想小b可以一直happy落去囉!!