近期Minions非常紅, 各界造勢都相當凌厲, Minions絕對可以話係無處不在, 結果就連我家小B都火速愛上. 媽媽見小B 3歲半人仔都未去過戲院睇戲, 所以今日就即管相約朋友仔們一齊去睇Minions喇.
去戲院前, 我哋仲喺新世紀巧遇佢哋添啵, 有個人仔二話不說就話要影相啦...
其實商場仲有好多Minions嘅影相位, 可惜我哋趕時間去上跳舞班, 實在無時間排隊, 所以草草影幾張相就拖著小B離開.
跳完舞食過Lunch, 我哋終於都向戲院進發啦, 事前當小B知道我會帶佢去睇Minions時, 幾乎每一日都問住我幾時去睇, 如今終於都俾小B等到, 小B當然開心啦.
去到戲院見正言哥哥, 善兒姐姐未到, 小B就不停問, 點解咁遲架, 就黎要開場啦, 宜家D人入緊去啦. (好明顯有人好心急囉, 哈哈!!)
見佢不停問, 我就唯有同佢影下相, 分散一下小B注意...
哎呀, 原來小B已經有一米高啦, 下次睇戲媽媽要幫小B買飛了...
(由於今次係小B第一次, 所以我預早已經問咗小B幾次, 想自己坐還是媽媽抱住坐, 結果膽小嘅佢又未曾了解過戲院這地方是怎麼樣一會事就梗係揀媽媽抱住坐啦.)
等呀等...等呀等...正言哥哥同善兒姐姐終於到咗, 快快影張合照就齊齊入場睇戲啦.
今次雖然係小B嘅戲院初睇驗, 但媽媽我非常有信心小B絕對唔會中途叫離場, 所以都好放心帶小B去睇戲, 而結果小B又真係好享受整個過程啵, 下次再有好睇嘅戲一於帶小B去睇先得. ^^
我們的Facebook專頁 -
小b與妹妹b之成長日誌
呢邊都興呀，不過我又無咩興趣，而 hannah 又好似無話要睇，所以慳番，哈哈
回覆刪除其實套戲都幾好笑, 如果無野做都不妨可以考慮一睇 ^^
刪除真係幾好笑，暫時小豆子睇過叮噹，醫神果套大聯盟，同Minions, 只有Minions係笑不停，英雄大聨盟因為打交，小豆子要中途離場呀
回覆刪除黎緊都想睇埋玩轉腦朋友, 朋友話又係好正~
刪除Minions呢期真係爆紅，去到邊都見到佢嘅蹤影
回覆刪除你帶左燒腩仔去睇未呀?!
刪除小B 真係好高呀, 似足媽媽有長腿~ 大個D可以一齊去睇戲一齊笑, 另一種親子活動~ 我都好期待快D同小寶去睇戲呢~
回覆刪除我最期待嘅節目係一齊shopping, 哈哈
刪除小b好enjoy呀，遲d可以視為一個獎勵呀
回覆刪除又得啵，點解我諗唔到架 ^^
刪除Anki第一次都係呢套，都好enjoy,同小b一樣咁叻叻呀！
回覆刪除下次可以再睇戲, 又可以多個親子活動啦, 呵呵~
刪除