Blog Blog BB Gathering @ Play House (上水匯)

剛過去嘅星期六, 真係好多謝上水匯Play House嘅邀請, 我哋一班Blog Blog BB又可以玩餐飽啦!!  由於好早之前睇大爺媽個Blog已經知道上水匯Play House有條好吸引嘅彩虹長滑梯, 所以當一知道有得去玩時真係好期待好期待呢, 就算知道爸爸今日要返工我都唔理, 一於捉埋姨姨陪我帶兩隻小魔怪去玩, 因為我唔想放低妹妹喺屋企, 我想倆姊妹都可以一齊去玩嘛, 結果我嘅決定係正確嘅, 皆因今日倆姊妹都真係玩得好開心好盡興...

當初一聽到去上水時, 住市區嘅我都確實有擔心過會喺上水迷路, 不過原來我嘅擔心係多餘嘅, 因為上水匯真係好近火車站, 基本上照港鐵水牌上水匯方向一出, 直行經過上水廣場就到, 所以如果有興趣去玩嘅朋友, 真係不妨一去.

一去到Play House, 雖然覺得地方比較細, 一眼就已經可以望晒整個場, 但Play House設施方面真係好足夠小朋友玩, 所以絕對唔需要擔心地方細就玩唔耐, 就以小B為例, 玩咗兩個鐘頭都未夠喉, 當我哋6點話走時都仲想繼續留低玩呀.

Play House安排好好, 留咗間Party房俾我哋班Blog Blog BB, Blog媽們仲準備定小食俾小朋友呢, 好窩心啊~

由於我哋遲大到嘅關係, 剛好一去到大家就已經正準備入Party房休息...

全部小朋友一齊排排坐食茶點, 好有學校Feel呀, 哈哈!!

胃食嘅妹妹去搶食...

食飽飽, 指定動作當然就係影大合照啦~

大部份小朋友都已經返咗學嘅關係, 今年影大合照亦都比去年容易, 証明呢班Blog Blog BB真係開始大個仔大個女啦.

再黎一張加入媽媽們嘅大合照...

最後當然唔少得有齊全部人嘅大合照啦...

好啦, 影完相, 小B急不及待拖大爺出去玩!!

今日小B幾乎都係跟住大爺, 大爺媽同大爺爸一齊玩, 所以我只係照顧妹妹就得, 所以間中都有時間同Blog媽們吹吹水, 若然下次可以再吹耐D就好啦...

呢條就係好好玩嘅彩虹長滑梯啦, 我見大家都"Sir"得好開心.

仲有大家對呢幾隻馬仔都好感興趣, 爸爸媽媽們都有一齊玩添啵.

唔講咁多啦, 不如去相啦...

幾個傻豬跳彈床跳到訓低咗, 哈哈~

 大爺

小檬

小B

 妹妹

再一次多謝Play House邀請, 今日真係玩得好開心.

另外更要多謝Blog媽們提供嘅靚靚相!!  :p

希望好快再有機會去Play House同呢班Blog Blog BB聚會啦~





我們的Facebook專頁 - 小b與妹妹b之成長日誌