小B生病了

上星期五早上, 打算叫小B起身返學之際, 原來小B發燒了, 一探體溫之下發現燒到39.x度呀, 難怪小B又熱又攰又唔肯起身啦, 結果快快帶小B睇醫生後, 有個小朋友又突然生猛起來, 原本以為普通發燒感冒, 應該食一兩次藥就會退燒, 而睇醫生後嘅呢一日, 小B都如常食得, 玩得同好瞓得.  但到了星期六凌晨, 呢個小朋友又再發燒啦, 今次仲要係高燒添, 為免夜長夢多, 當然快快塞肛求降體溫啦, 可惜就係一直持續高燒, 體溫大約於39.8 - 40.3度左右徘徊, 不過醫生一早已經講明會高燒, 所以其實我哋又無特別太擔心, 但見佢高燒時燒到瞓低唔願郁又確實幾心痛, 而今日小B亦都燒到無晒胃口, 全日只食了幾啖粥水, 結果星期六就係喺屋企瞓, 瞓, 瞓同休息囉, 直至夜晚變回低燒又再一次生猛起來.  經過一日休息後, 直至星期日小B已經完全無再燒啦, 但鼻水同咳都算幾犀利架, 仲間中會咳到嘔痰呢, 而且都係無胃口, 所以我真係寧願病嘅係自己都唔想見到小B咁辛苦囉, 唉....

當以為小B開始好轉時, 今早又再有微燒, 究竟仲要燒幾多日先會好架?!     

小B你要快快好番呀, 你病時爸爸媽媽都好心痛架!!

加油加油加油~~~~~~~~





我們的Facebook專頁 - 小b與妹妹b之成長日誌