正日生日

29062014

正日生日剛好是星期日, 我當然選擇跟我的一大班好友一起過啦.  今日我們廿多人一起到了珀麗灣探B+開P...在無數的歡笑聲中渡過了, 開心!!

其實今日除了我是主角之外, 我們還有另一小主角, 他就是我們這一班的新成員...Jay Anderson喇, 歡迎歡迎!!

雖然我爭取了數分鐘時間去抱BB, 但我竟然忘了跟BB拍照呀, 噢...唯有下次見面時再集郵啦.

今日實在太多人, 太多B, 混亂之餘亦有點難控制, 一去到食過薑醋之後就各自四散, 媽媽們忙著照顧小朋友, 爸爸們則忙著吹吹水, 小朋友們就忙著爭玩具, 至於未有小朋友的就忙著跟小朋友們玩, 場面混亂得黎又好好笑.

大人們想小朋友們正正經經影張合照嘛, 結果當然難過登天啦, 最後入鏡算成功, 8個小朋友都在相中出現過, 惦~

玩到外賣到, 又係時候開餐啦!!

基本上小朋友們整天都未有停過下來, 長期處於興奮狀態中, 直至蛋糕出場一刻...

真想不到原來所有小朋友都鐘意蛋糕架, 突然Miffy就成為了小朋友們的焦點啦, 直到大家唱完生日歌...我吹完蠟燭一刻, 小朋友們還是眼定定的望著Miffy, 原來他們都想吹蠟燭呢, 哈哈!!  結果為了滿足小朋友們, 我們唯有不停點蠟燭, 不停唱生日歌, 直至他們逐一吹過蠟燭為止.

我的一班兄弟姊妹們...好多謝你們安排了這個生日Party, 更多謝你們的生日禮物, 我愛你們呀~~~~~~~~

P.S: 由10年前開始認識, 之後一起去浦去玩, 直至近幾年大家一起結婚生B, 我們這一班的成員真的越來越強大, 希望陸陸續續還會有新成員加入啦, 其實我們大家都在等著某幾位姊妹快快生B架, 加油啊!!