最近天氣非常非常熱, 媽媽知道爸爸一定不願上街去, 所以媽媽我就提議帶兩隻小魔怪去游水喇, 那熱得黎不用太過辛苦之餘, 爸爸亦沒有藉口跟我Say No嘛!!
今次游水只得我們一家四口出動, 在沒有外援協助的情況下, 爸爸當然唔肯去沙灘啦. 算...雖然小B無得玩沙, 但附近泳池有滑梯, 相信小B同樣可以玩得好開心.
妹妹B: 我換好三點式等出發啦, 大家話我性唔性感先?!
BB真的是BB, 唔怕死之餘仲好大膽, 爸爸一放妹妹B落水, 妹妹B輕鬆得可以浮起整個身體來, 完全不像家姐般死潑爛潑, 最後玩水更玩到不停咔咔笑呢, 好可愛啊~
至於小B...有得玩, 當然連自己姓什名誰都忘記得一乾二淨啦, 玩了一小時有多還不願走, 結果...回家沖涼後馬上便倒頭大睡.
顯田泳池 - 有個超大嬉水池之外, 最重要是有兩個家庭更衣室, 絕對方便一家大小去更衣沖身, 而且整體感覺亦好乾淨, 所以如果星期六日無節目太熱又不想上街的話, 我一定會即興再提議爸爸去游水, 反正去泳池的路程都只不過約10分鐘左右而已!!
 |
| (Photo Copy from 康民署) |
小朋友真係越細個落水越唔會驚，妹妹B叻叻呀﹗
回覆刪除係呀, 家姐歲半時先第一次游水, 落水時完全係好驚青囉, 相反妹妹咁細個落水就完全唔識驚, 仲玩得好開心~
刪除妹妹好sexy呀 (^ з^)
回覆刪除包包著泳褲仔仲SEXY呀, 哈哈!!
刪除妹妹B三點式好正啊..............做乜無小B三點式相架??嘰嘰~
回覆刪除小B宜家大個女識怕羞, 唔肯俾人睇架啦...所以唯有向妹妹落手, 哈哈~
刪除妹妹B三點式好sexy好靚靚呀~
回覆刪除依個泳池咁好有家庭更衣室，不過應該好多人用？我且肚B去泳池，我一定係著好晒去到淨係著，沖涼都係返屋企先搞囉（衰佬就可以慢慢油埋涼先）
今次又唔算多人啵...都唔洗排隊, 不過可能我地早所以d人未散.
刪除（衰佬就可以慢慢油埋涼先）<---我同你老公個角色一樣, 兩個囡留番俾老公慢慢攪, 哈哈~
so sexy, 同個泳池好正, 但99最近唔俾我地去游水, 因為培正單野~~><
回覆刪除我諗應該唔關泳池事嘅...不過老人家唔俾去就唯有遲d過一排先再去囉~
刪除