食輪狀口服疫苗

7.1假期...爸爸返工, 媽媽又帶家姐去玩, 留低我同婆婆係屋企!!

我唔制呀~~~

(不過我明嘅, 媽媽仲未可以一拖二, 我唯有乖乖聽婆婆話, 留係屋企訓覺啦.)

好彩媽媽同家姐出街前, 都有帶我去街街, 但就只係帶我去搵醫生叔叔食輪狀疫苗第二劑囉, 不過都總好過無街去.

嘩...呢度夠我食輪狀之餘, 仲可以去買好多玩具呀!!  莫非媽媽轉呔, 同我去食完輪狀之後帶我去買玩具?!

原來診所有咁多玩具玩架, 難怪家姐每次都以為自己去左Playhouse啦!!

今日醫生讚我叻叻, 因為檢查時我好合作嘛, 至於體重都係同半個月前去健康院時差不多啦, 而今次醫生幫我度高時, 仲話我高得好好, 唔通我將來會係高妹一名?!  (但係我爸爸媽媽都唔係高人黎啵 @@")

其實輪狀疫苗都幾好食丫, 甜甜地...我兩次都食晒無吐出黎架, 唔知仲以為自己食緊糖水添, 好味.

BB們...你地食左未呢?!