小B兩歲半啦

1.7.2014

話都無咁快, 小B已經足兩歲半大, 朋友們經常話覺得小B大得快, 從外表看來亦開始帶點少女味, 其實媽媽我都覺得係架, 惜日的BB樣已經好難再從小B臉上找到了.  雖然話就話好想妳們快點長大, 但當看著妳們真的長大以後, 心中又好不捨得, 難道做媽媽的都是這麼矛盾嘛?!

30個月大...好早之前就已經步入了Trouble 2階段, 雖然小B未算非常難攪, 但她確確實實比從前反叛得多, 所以最近爸爸媽媽婆婆姨姨都好激心呀, 唯有寄望9月開學後, 小B會變得乖一點啦.

今日雀屎姨姨約了媽媽去High Tea, 既然姨姨單拖都帶一對仔女出來, 那我又豈能不帶小B呢...再者小B從小就喜歡跟他們一起玩嘛.

為了找個中心點又方便大家, 我們只好選擇 - 荃灣.

正所謂未出發先興奮, 我和小B在等候西鐵期間, 有人已經不停問我車車幾時到?  哥哥姐姐邊度等我?  結果呢...一見面又突然扮怕羞, 唉~  (不過我都發覺小B越大就越怕羞似的, 每次出來玩都例必要先熱身, 而小B這種慢熱型亦似足媽媽我, 哈哈.)

原來兩個大人帶著三個年紀相若的小朋友出街是蠻有難度的, 因為當他們三個都不合作要周圍跑時, 我們兩個大人根本就沒可能捉到他們, 當然作為緊張大師的我就死Mark住小B唔放啦, 始終商場人多, 真的怕她會走失嘛.  所以我真心佩服雀屎, 可以經常一拖二出來玩, 見到朋友忙得團團轉時, 媽媽我真心知道自己能力未夠, 短期內都一定不會有膽量這樣挑戰自己, 哈哈~

就讓三隻甩繩馬騮先來張合照吧...
(叫三個一齊望鏡頭, 結果三個都唔聽, 求求期期入鏡當成功.)

High Tea過後, 我們本打算帶三隻馬騮到荃灣公園玩, 只可惜天公不造美, 當我們離開餐廳一刻竟然落大雨呀.  噢...三個小朋友頓時感到非常失望, 最後我們為了避雨就唯有於商場內周圍玩, 周圍逛來打發時間喇.

就這樣我們又渡過了整整一個下午啦~