共田牌芭蕉扇

見燒腩媽話共田牌芭蕉扇方為正貨, 回家後馬上看看爸爸早前買回來的芭蕉扇是否正貨來, 幸好...爸爸沒有買錯, 買回來的正是共田牌啊.

爸爸精明地於旺角, 深水埗一帶格過價, 最後成功以60個大洋於鴨寮街就有交易, 應該算是好抵了吧.  如果唔係燒腩媽講, 我都唔知原來淘寶價都要5x蚊人仔才有交易呢, 所以今次真心覺得爸爸好醒目, 皆因平時爸爸都只會買貴野永無買平野架, 哈哈~

試用過幾次之後, 真的不得不大讚這把芭蕉扇, 因為真係好大風好涼爽呀, 絕對適合熱少少都會汗流浹背的小B用, 當然都好適合媽媽我大熱天時揹住妹妹B出街用啦, 所以爸爸話下次再去鴨寮街時就會多買一把.

如果你地都有興趣買芭蕉扇, 不妨去鴨寮街走轉, 但$60有交易的那檔就只得一款顏色, 若然對顏色上真的有要求就要多付10元8塊嚕.

推介...推介...  ^^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

貪靚契女提早賀契媽

我家小B貪靚指數越來越嚴重, 繼出門前會跟媽媽一起化妝外, 還懂得要求媽媽為她配帶什麼頭飾什麼飾物之類等才出門, 正一亞茂整餅無個樣整個樣.  然而在爸爸心目中, 小B永遠都是最美的可人兒, 所以即使小B披頭散髮街坊Look, 爸爸還是會大讚小B靚女的, 又可能因為爸爸讚得太多, 所以小B真的以為自己好靚女, 最鐘意人家讚她靚, 實行要笑大人個嘴, 哈哈!!  

今日小B又話自己好靚女喇. 

扮靚靚出發跟契爺契媽, 哥哥姐姐飲茶茶...

原先契媽約飲茶是想借機向哥哥姐姐們宣佈下月囍訊, 不過我們都好有心架, 見契媽早兩日才剛過正日生日, 所以一於買蛋糕齊齊慶祝一下.  (實情是姐姐知道小B愛吹蠟燭, 所以特地安排, 哈哈)

倆姊妹合力望實個蛋糕...  XD

雖然契媽下月先註冊, 明年才補擺囍酒, 但我一於祝她早生貴子, 生多幾隻豬仔陪倆姊妹玩, 呵呵.

相識廿載...我倆這份友誼真的說不出來, 契媽實在太愛我倆個女啦, 總之一切在心中.

這是我小小心意, 左想右想才想出送這款比較有意思的手鈪來作結婚禮物, 希望契媽鐘意啦.

期待下月見証好姊妹最重要的一刻~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

姓名貼

返學前準備之姓名貼終於完成...特別鳴謝肚B媽幫忙落單, 還要多謝小檬媽早前的分享, 製成品雖然仍在肚B媽手中未到我手, 但看相後已經覺得成品不錯啦, 些些些些!!

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

小B版之Ice Bucket Challenge

話說有個小朋友開我FB睇得太多, 結果見人玩佢又要玩, 其實已經講過好多次小朋友唔可以玩, 但我家小B為了玩水, 唯有不停向你施計扭計煩爆你, 最後我們都只好屈服, 但為免俾人話浪費食水, 所以我們選擇了用沖涼水, 又為免俾人話要小朋友淋冰水太無人性, 所以我們都只是用暖水來加冰, 其實為免俾人覺得人玩我玩失去了本身意義, 原先我是沒打算出這篇Blog的, 不過我又真的好想記低我家小B有幾貪玩, 所以最後還是選擇了出Blog.

(如果大家唔認同, 那就請不要繼續看我這篇Blog啦!!)

Ice Bucket Challenge之準備...

1. 沖涼暖水
2. 冰格用剩N年之剩餘冰塊

小B勇於挑戰Ice Bucket Challenge (又要玩又唔太敢把水倒頭淋)  ^^

草草玩過一次後, 結果小B試完就話唔再玩了, 其實為了滿足小朋友的好奇心, 既然不是傷天害理的事就儘管尤他們試試吧, 否則對於充滿著好奇的小朋友又豈會輕易心息呢, 對嘛?!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

獨佔爸媽

做弟弟妹妹的往往要跟哥哥姐姐一同分享爸爸媽媽, 所以我家妹妹B其實都幾慘架, 一黎乜都俾家姐食住, 二黎個個都俾家姐霸住, 三黎就連BB玩具家姐都要爭來玩, 所以好多時媽媽我都會攬住妹妹陪住妹妹跟妹妹一起玩, 好讓妹妹知道還是有人錫她的.  雖然小B並非唔錫妹妹, 但始終仍是會有呷醋的時候, 而爸爸姨姨就因為怕小B唔開心, 所以往往都只會放家姐於第一位, 妹妹...則一於少理.  當然媽媽我明白他們都是顧及小B感受而已, 但眼見妹妹經常被冷落, 心中卻好不是味兒, 所以我終於明白點解大多媽媽都會比較錫孻仔孻女了.

至於我嘛...還是一視同仁, 兩個都錫.

但最近因為妹妹B變得越黎越痴身, 媽媽經常要抱住/陪住妹妹B, 所以小B都開始變得唔多理媽媽我喇, 唉...究竟要點樣做, 先可以做到最公平, 將自己平址分配給倆小姊妹呢?!

今早因小B跟了姨姨, 妹妹B難得可以獨佔爸媽的一個早上, 你看妹妹B笑得有多開心, 哈哈~

希望妹妹再大一點之後, 快快可以跟家姐兩個一起玩, 那媽媽就可以兩個都陪, 不用再分開一東一西玩了.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

小B最愛下雨天

相信好多小朋友都跟小B一樣好愛下雨天, 因為可以著雨褸, 擔遮, 著水鞋兼玩水嘛...  @@"

但其實小B媽我真的超級討厭下雨天呢, 我好怕濕濕立立, 烏烏糟糟的感覺, 所以落雨時如非必要, 我一定會選擇留在家中, 只可惜...我想留在家中時, 小朋友未必肯配合我囉.

有日落雨...小B竟然突然要求落街擔遮, 見剛巧要到銀行就帶她一起落街, 免得有人借機扭計發爛.

有得擔遮小B就最開心...

雖然人仔細細矮得得, 但擔起遮上黎絕對有辦有眼, 唔會俾雨淺濕自己架.

好...起程...Go Go Go.

其實我真的好怕落雨帶小B落街, 因為小B要自己行自己擔遮, 但又行得像蟻一樣慢, 結果阻塞道路自己又不為意, 人家體諒的就會自行行遠一點避過她, 但有時D亞叔麻甩佬之類等粗人真的會罵你阻頭阻勢, 所以下次落雨, 我一定不會再應小B要求落街玩.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

美食博覽2014

忘記了從那年開始, 每年8月的美食博覽我和陳生都愛相約三五知己一起到會展逛逛, 雖然我們都並非有目的地去購物, 但拍拍拖打發時間確是一個不錯的選擇啊...

印象中除了小B未夠一歲那年沒去美食博覽之外, 去年小B首次跟我們一起去美食博覽時是超興奮的(回顧按我), 所以今年決定再挑戰一下自己, 一家四口再去一逛, 結果小B與妹妹B都確實表現得好開心好興奮, 相反爸爸媽媽就累透喇.

沒辦法, 如果爸爸唔抱小B, 小B根本就只能望著人家的腳來逛美食展, 因為星期日真的太多太多人了.  至於我就當然沒選擇, 一定要揹著妹妹B啦, 所以短短三小時都確實咪話唔辛苦.  不過只要見到兩位寶貝開心...即使再累再辛苦還是覺得值得的, 始終做父母就是希望見到自己的寶貝開心快樂一笑嘛. 

小B去到有得食又有得飲, 完全將眼訓這回事拋諸腦後, 未見有出現扭計情況, 而且還好乖密密食密密食, 又再一次值回票價呀, 哈哈!!

妹妹B就因為好少去人多地方, 所以今日表現得異常好奇+興奮, 全程腳仔Fing Fing兼手仔多多四圍摸, 真的超超超可愛.

如果不是因為星期六一早已經有約的話, 今年我們一家四口本有機會到美食博覽為"2014 Q嘜親子廚神大賽"擔任評判, 但既然一早約好朋友來探妹妹B就沒理由突然改期嘛, 所以今次這個有趣的嘗試就唯有留待下一個機緣嚕, 期待我們一家可以有更多有趣的體驗與分享吧!!  ^^





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

花面貓

有個小朋友因為唔聽話, 周圍跑周圍跳, 結果撞落杯櫃就變成了花面貓喇!!

幸好今次只屬小兒科撞致甩皮而已, 不過因為紅了, 所以我們嚇她正在流血中, 好讓她知驚唔好再話唔聽叫唔停, 點知有個小朋友應該擔心自己會破相所以嚇得大哭囉, 見她因擔心自己花容月貌而哭真的覺得好好笑, 不過喊唔夠3秒就已經自動收聲, 看來小B都算是屬於奀皮一族, 一於無有怕, 唉...

有個爸爸見相後馬上擔心得打回婆婆家問候小B...而且還說好心痛呢~

今次之後, 希望小B唔好再話唔聽叫唔停啦, 不過我相信小B好快就會將此事忘記得一乾二淨繼續百厭.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

妹妹B ~ 6個月

媽媽: 喂喂喂...妹妹

妹妹B: 咩事咩事?!

妹妹B: 丫...係啦...我要話俾大家知, 我今日半歲大嘛, 哈哈~

時間過得真快, 妹妹B已經半歲大, 今日還要去健康院拮3針呢, 媽媽我真係既緊張又擔心呀, 緊張係緊張妹妹唔知會唔會爆喊到收唔到聲, 擔心係擔心妹妹唔知會唔會發燒, 你話做媽媽有幾多憂慮丫, 唉~

打完針喊兩聲, 一出門口就收聲, 落到樓下已識笑, 叻囡.

體重: 6.64kg

食: 1日3-4餐奶, 每餐6安, 另加一餐糊仔.
(已試食蘋果, 菜心)

訓: 早上大多9:30-10:00起床, 午睡情況越來越差, 一日兩次小睡, 短則15-20分鐘, 長則3小時左右, 有時甚至可以全日只小睡一次, 晚上大約11:00訓, 多數可自行入睡.

活動能力:
- 可自行坐
- 開始嘗試扶床邊企起身, 但暫時仍未成功
- 開始坐學行車周屋走

性格:
比較慢熱而且勁愛人抱, 算是痴身膏藥一名, 暫時只愛痴婆婆和痴媽媽.

打針回家後, 有隻臭豬勁扭計, 不過都是意料中事, 希望妹妹B你快快回復正常啦~

下次再去健康院時已經一歲, 即是代表妹妹你有半年都唔洗再拮針啦, 恭喜恭喜~



 

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K1面試相

踏入8月...又係時候要準備K1面試相啦, 雖然小B已經有書讀, 但媽媽我今年還是要繼續幫小B報K1.

今次依舊想自家製面試相, 可惜小B唔肯合作, 在家分別於不同時間影了超過一百張都無一張成功, 結果媽媽我只好放棄, 決定從近照中選出較好的一張來剪裁就算了.

暫時得這張經剪裁後還算像一張証件相, 不過我就嫌略笑容欠奉囉.

大家又覺得如何呢?!  還是要選另一張呢?!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

畫畫

聞說讓幼兒畫畫有好多好處, 除了可讓他們辨認顏色之外, 還可以訓練手指協調及靈活度, 更加可以訓練他們的專注力, 只可惜小B跟媽媽一樣, 對於畫畫時專注力嚴重不足, 每次畫不夠10分鐘就不知跑到那裡去, 看來媽媽我要好好培養小B的專注力才行, 以後在家沒事做時我們一於不停的畫畫畫啦, 哈哈~

拿起畫筆後1..2..3...畫完, 話佢佢就只會大笑來回應你, 真嘔血~

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

小B自家整啫哩

最近姨姨見小B經常嚷著要食啫哩, 於是就帶小B到超市買啫哩粉回家自家整喇, 唔洗多講大家都知道羅拔臣有幾容易整啦, 不過姨姨原意都只是為了想讓小B參與其過程者...所以越簡單越容易就越好, 最緊要快靚正嘛!!

原來呢D就係用黎整啫哩嘅...啫哩粉.

嗯...咁多隻味, 我買邊隻味好呢?!

 Yeah, 我揀好啦~

唉...又迫我影相, 究竟幾時先可以開始整啫哩呀?

 加好熱水後, 等我幫手攪攪攪先...

 哦...原來咁就可以倒入碗喇?

等我黎, 等我黎...  (小B真實對白)

我好想食呀...得唔得?!  (小B真實對白)

姨姨一早就知道小B一定要馬上食, 所以已經預先準備好青檸味啫哩等小B啦!!

雖然製作過程簡簡單單毫看難度, 但小B就是享受這個製作過程嘛, 下次媽媽一於同小B整高難度少少嘅芒果布甸啦, 嘩咔咔咔咔~




最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

遲來的生日禮物

前幾天我終於收到陳生送我的沒驚喜生日禮物啦, 我指的沒驚喜並非是指禮物其本身, 而是指每次買禮物送我時都實在太沒驚喜, 太不肯花心思.  每次陳生想送我禮物, 都好直接地走來問想要什麼, 最好當然是我可明確地給他答案啦, 那麼他就不用費神費心思嘛, 唉...男人!!

(如果陳生可以學到小檬爸一半, 你話幾好呢, 哈哈~~~)

印象中跟陳生一起這十年來, 除了剛拍拖頭幾個年頭曾給過我驚喜之外, 至今已經好久好久都未有再為我攪攪新意思啦.  算...反正我自己都不是走浪漫派的人, 沒驚喜就沒驚喜啦, 最緊要還是有禮物收, 這樣才是最實際嘛, 嘩咔咔咔.

左挑右選了好一段日子才揀了這款銀包...各大品牌都給我反反覆覆地看過, 始終就是鐘情於這個顏色.

生日禮物雖然遲就遲了一點, 但都要多謝老公俾錢啊, 哈哈~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

妹妹B半歲生日趴地

今日第一次出席212媽媽會活動, 想不到大人小朋友都玩得一樣開心.  今次真要感謝幾位出心出力的媽媽們, 幫手Book場安排食物之餘還去找Sponser, 突然覺得自己毫無建樹添, 哈哈!!

20個家庭21個212BB的半歲生日趴地正式開始...

一到步時, 由於大家都素未謀面, 媽媽我確實擔心會好悶好悶, 更加擔心爸爸會因此而面黑黑, 幸好大家都好Nice好健談, 隨意行到每一個位置, 都會有爸爸媽媽主動跟大家談談天說說地, 而且除了21位BB之外, 還有7位年齡相若的大B, 所以大家各自找好對象之後都好快投入其中.

首先...我當然要帶妹妹B去認識下新朋友仔啦.

於Party前幾天, 我才無意中得知, 原來亞Bee係我朋友仔個朋友仔黎, 我們還要同一日同一間醫院同一間大病房呢, 好巧合啊, 哈哈.

一有機會, 當然要幫這一班BB來張合照啦, 不過要齊人真的好有難度.

明明大家都好地地, 點知一放BB們落地, 一個一個就開始喊起上黎, 妹妹B都唔例外.

小B又發揮其家姐本身, 照顧妹妹...

嘩...蛋糕好靚呀, 下次自家生日會時可以考慮這家餅店.  ^^

全家福~

今次除了有廸士尼美語世界和Oxford贊助之外, 還有Mustela...

開開心心, 吹過蠟燭食過蛋糕, 4小時的生日會就到尾聲啦, 期待我們212的下一個聚會啊.

(雖然今日我有帶相機, 不過小B大部份時間都霸住相機充當大會攝影師逐個逐個BB影, 既然小B咁熱心, 我又無謂搶回相機啦, 結果當然無一張影得正常, 所以媽媽我只好去偷相出Blog, 哈哈!!)





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

放假Hae遊Elements

難得平日跟姨姨一起放假, 為免留兩隻小魔怪在家中阻住婆婆, 所以一於帶兩隻小魔怪近近地去Elements逛逛打發時間.

既然話得近近地當然唔推車仔改用揹帶啦, 今次就順道讓我介紹一下這條由朋友轉贈的Combi揹帶吧.

嗯...揹帶暫時用過兩次, 感覺挺好的, 揹上妹妹B後, 妹妹B好貼媽媽身啊, 加上揹帶前方又有條橫帶可將肩帶連系著, 只要將左右兩邊扣好, 兩邊肩帶就不易滑落, 相信這亦是賣點之一.  你知啦...不是每個媽媽膊頭都夠橫嘛, 以我為例就正好是一個A字膊例子喇, 哈哈!

這條深啡杏系列是我至愛的顏色啊...

某日帶妹妹B外出時玩野想試試這條揹帶的橫抱式, 只可惜妹妹B已經開始懂得反抗, 結果任我舞完一輪後, 有人嘴藐藐好唔順超囉, 最後橫抱式試用計劃失敗, 只好用回直抱式.

其實4合1揹帶功能大致一樣, 媽媽我就無謂講太多, 讓大家知道好用就夠啦!! ^^

好...入正題, 當天我們到Elemenas, 原本姨姨是打算帶小B去溜冰的, 可惜未夠3歲無得玩啊, 結果小B當然超唔開心啦, 扁扁咀不停問點解唔玩得, 如不是職員告知, 真的不知道要年滿3歲才可以溜冰呢.  算...日後還有大把機會.  為免小B繼續唔開心, 還是快快帶她到平台公園放電好了, 不過去公園前, 媽媽想先Shopping一下.

一早就想買頭帶給妹妹B, 可惜一直找不到合心水的, 這條算是不過不失, 看妹妹試帶後望住媽媽笑就知啦, 哈哈!!

其實妹妹B打扮一下都OK架...果然係人靠衣裝, 大家認唔認同先?!  XD

妹妹有收穫, 家姐一樣有...

有人把鞋子試上腳後, 馬上走去照鏡囉, 超貪靚.

特意買大一點待遲些才穿...因為最近都收到姑姐和契媽送的兩對新波鞋.

好...Shopping完有得去玩, 終於識笑了.

後面個大哥哥不停吹泡泡撩小B...
(最近我們更發現原來小B出街都幾受異性歡迎架, 哈哈)

最愛玩這個氹氹轉...

永遠做不出V字手勢, 結果V字變成4字.

突然小B強烈要求我們4人一齊轉轉轉, 結果轉兩轉媽媽就開始暈啦, 再加上天氣真的好熱好熱, 相反妹妹B就沒太大反應.

實在太熱, 玩了30-45分鐘後, 又係時候要回商場涼冷氣啦.  整個商場都是阿高, 隨便找幾隻拍拍照, 再四圍逛逛就回家去, 因為媽媽揹住妹妹真的好攰好攰非常攰呀, 雖然妹妹B只得14磅多, 但已經加重了我膊頭和腰的負擔嘛.

 姨姨又用自拍神器來自拍...

是日無聊Hae遊分享完畢, 多謝收睇~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^