返學前準備

嘩..嘩..嘩..見到好多媽媽都已經幫小朋友做好返學前準備, 攪到媽媽我都好心急呀, 不過因為家長會於剛過去的週六才舉行, 所以一直未知要準備乜東東才對.  今次開完家長會, 終於可以買買買啦~~~

校服, 書包, 睡袋皮鋪已於6月中時經學校購買, 但就尚欠姓名貼未整, 媽媽我要快快物色一下姓名貼才行.

另外於星期日時, 媽媽已經為小B準備好以下三樣東東啦.

1. Thomas牌白色運動鞋 - 原本打算買Dr. Kong, 不過我想要的那款沒有小B碼數, 而且$399一對只穿數個月又好像太貴, 最後走到Toonsland, 見有幾款Thomas白色運動鞋正做特價中, 加上售貨員姨姨又大大力推話無男女之分, 最終因唔想再四圍行就決定買了, $191.5...抵抵抵!!

不願出鏡的小Model...  ^^

2.  花園街白襪仔 - 買了兩款共6對, 一款$7, 一款$9, 見同樣是純棉, 只是有花紋與沒花紋之分別.

3. 索繩袋 - 見特價$12一個, 買了再算, 總會有用得著的地方, 哈哈~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^ 

4朵金花的約會

大暑日熱到傻而媽媽又正在公司瞌眼訓之際, 原來姨姨下午帶了小B去跟姊妹們見面呀, 難怪媽媽我下班回家後, 見到小B累得睡在梳化上動也不願動啦!!

知道去見姊妹們又可以玩, 笑都笑得燦爛點...

4朵金花咩事面壁思過呢?

原來準備玩伏里里...

不過這兩位小朋友年紀尚少, 未懂得玩啊!!

經大姐姐教路下, 還是不懂找地方躲起來...真蠢豬.

最後演變成追逐戰...

 

為免影響到商場的途人, 還是快快轉戰到平台公園比較穩陣.

終於有張4朵金花合照啦...Yeah~

雖然烈日當空, 但小朋友們有得玩又豈會怕熱丫, 最後大人們頂不住, 終於要回到商場去.

小B提提你, 今日大暑, 記得要多喝開水補充水份啊~

姨姨見小B心情好又肯拍照, 快快多拍幾張才回家...

 

可能小B知道好快就要開學, 平日見朋友的機會就會相對減少, 所以小B今日玩得特別開心.

回家後有個小朋友可愛到跟姨姨說, 我今日好開心好開心, 點解我會好開心, 哈哈~

媽媽見相後心想, 如果我都可以跟你們一起去玩就好了...  (發夢中)





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

Happy Gathering

20072014

跟同事們聚會, 慶祝同事新居入伙, 不過今日主角並非屋主而是3隻可愛的小豬!!

雖然人少少, 但小B和俊俊這兩隻豬仔一樣玩得好開心啊, 有個前幼稚園教師在場, 玩都玩得守秩序和禮讓一點, 真好~  (希望小B九月返學時一樣可以咁乖啦)

究竟小B因乜事咁開心, 爸爸媽媽都唔知啵, 皆因去到同事家熱身唔夠10分鐘, 小B已經無再理我和爸爸了, 只顧著跟弟弟和同事玩...

 最愛抽仔水...  ^^

至於妹妹B實在太細個, 所以家姐哥哥唔受玩, 那就唯有跟著媽媽練習坐喇...  其實妹妹已經好好力, 開始可以成功自己坐一會兒, 所以媽媽相信妹妹B應該好快就可以自己坐.

講起妹妹B實在要打Pat Pat, 皆因隻臭豬竟然認人, 除了爸爸媽媽外, 今日所有人抱都喊, 但媽媽抱住, 同事走來跟妹妹玩, 妹妹又笑得好開心啵, 激氣!!  最後同事們更一致認為妹妹B笑容多多, 比起小時候的親善小B更愛笑呢...

哎呀...笑得好醜樣呀!!

從兩姊妹的行為動作得知...今日真的玩得好開心好開心呢, 哈哈~

最後送上大會指定動作 - 合照一張!!

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

Sunny To Heart Photography

妹妹B第一輯影樓相終於到手啦...這是攝於妹妹B三個半月大時.

今輯比起小B當年第一輯攝於半歲大時的相感覺真的Baby一點, 不過由於妹妹B於拍攝當日實在不肯合作, 結果整輯相出來效果只屬一般, 當然這絕不是攝影師的問題啦, 所以公道一點, 我還是要讚一讚Sunny的專業和愛心.

說實話, Sunny真是一個好有耐性和好有愛心的攝影師, 就連爸爸都對他有讚無彈(非常少有), 可惜妹妹B實在太難攪, 所以即使Sunny出盡法寶還未能令妹妹B進入最佳狀態, 相反非主角的小B則勁興奮, 或許今次媽媽安排妹妹B於三個半月拍照是一個錯誤的決定, 終於明白何解會有那麼多人說安排初生BB影相最終辛苦BB之餘又苦了自己.

希望待妹妹B大一點, 媽媽再安排影家庭照時, 妹妹B會變得合作啦!!!

好...去相

大喊過後終於笑了...

穿起裙仔還像男仔...

青豆妹妹B...

熟睡中...

Sweet Sweet~~~~

家姐錫錫...

可愛美人魚...

突然正經的倆父女...

最後攰到訓低...

 Wakakakakaka...多謝各位收睇~






最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

美甲貼

生囡都有生囡好, 因為生囡可以跟媽媽一起扮靚靚, 所以媽媽我就可以大條道理去用爸爸錢買化妝品, 買指甲油以及買靚衫喇, 看來生囡最受惠的應該都是媽媽我啵, 哈哈~

最近小B見姨姨美甲回來, 有個小朋友又嚷著要去美甲, 結果我們只好買些美甲貼紙給她玩玩, 始終指甲油有化學物料, 不太適合年紀少的小朋友嘛, 唯有暫時用貼紙代替.

小B一見到這張Hello Kitty美甲貼紙立刻高呼好靚...然後當然馬上要玩啦.

小小玩意足以夠小B開心一整晚, 小朋友就是這麼天真簡單.

 Zoom近一點看...

其實這些貼紙都是好看不好用, 因為只貼貼紙未有塗上甲油去保護, 結果好快就甩得7788.

遲些等小B再大一點, 媽媽就可以有伴一起去做指甲啦, 嘩哈哈哈~





最近媽媽幫倆姊妹開了一個Facebook Page, 有興趣的話就入黎Like一Like支持下啦!!  ^^

自家影學生相

下星期媽媽要去小B學校開家長會, 到時還要準備一打學生相給老師, 不過直至今時今日媽媽還未有空帶小B外出影學生相呢, 加上婆婆家附近的舊式影樓都一一結業, 除了樓下那間影十次都無張得的沖曬店之外, 唯一選擇就只有快圖美.

姨姨知道我打算帶小B到快圖美影學生相後, 就建議我們不如先試試自家影喇, 因為快圖美$60才得8張, 若然要12張的話, 確實一點不化算, 再者...出外影又未必一定靚, 所以最後還是決定由姨姨操刀試試吧.  反正學校又已經收了小B, 這一打相都只是在學校內用, 即使不專業, 應該還可以接受嘛...哈哈~

其實自家影都頗有難度架, 因為小B一向影相都唔多正經, 所以要影張見得人的學生相絕非一件易事啊.  結果影了幾十張, 大家都開始沒耐性了...

最正經最令人滿意的就只有這張 (但頭仔側了啵)!!

唔明點解每次笑都要側頭...難道會靚一點嗎??

影學生相過程中NG了十萬九千次, 一見到小B下面幾個樣, 大家有無想打鑊佢呢, 哈哈~

好, 相已影好...接下來就要快快手拿到快圖美沖晒嚕.





最近媽媽幫倆姊妹開了一個Facebook Page, 有興趣的話就入黎Like一Like支持下啦!!  ^^

有樣學樣

一向都話小朋友模仿能力超高, 最愛模仿身邊人, 所以當我們在小朋友面前, 言行舉止一定要非常小心, 萬一小朋友們將我們不好的壞習慣都學會在自己身上那就麻煩了, 到時真的要罵又不能, 要教又好難嚕...

近半年, 小B就好像錄音機一樣, 經常將我們的口頭禪重播又重播, 除此之外小B還將我們日常的生活小細節學到足, 爆笑場面一籮籮.

唔講都無人知...現在小B已經可以自己用風筒來吹頭啦, 因為我和姨姨每日洗完頭都必定要吹頭, 所以小B好快就已經學會了, 而且每次都不用別人幫忙, 以為自己好大個女.

另外早晚洗面後, 小B又會要求我們給她一塊化妝棉, 然後在面上左拍拍右拍拍, 模仿我和姨姨.

自一歲多以後, 每次食飯時小B一定要用大人筷子, 雖然我們沒教她, 但她好早就已經學會了用筷子食飯夾餸, 因為小B見我們個個都是這樣嘛, 所以好快就自學成功, 當然手勢完全錯誤啦, 唯有等返學時有待老師幫忙矯正. 

飯後小B又會主動幫忙收拾碗筷, 因為婆婆日日都是這樣, 所以又學...

從生活上好多細節中, 小B都已經學足大人們, 証明小朋友就是愛模仿.

話說星期六, 我和姨姨帶了小B去Shopping, 試衫時...小B突然又要跟我們一起去試衫, 每當我們換一件衫後, 小B又要求我們幫她換上另一件新的, 結果試幾件衫玩足差不多30分鐘, 哈哈~

姨甥裝?!

 姊妹裝+小B九唔搭八裝?!

好...有機會再分享一下小B的爆笑記錄.





最近媽媽幫倆姊妹開了一個Facebook Page, 有興趣的話就入黎Like一Like支持下啦!!  ^^

兩母女的週日

星期日爸爸要返工, 無事幹又唔想太虛度, 最終媽媽我決定帶小B到附近商場行街街...

行街前當然要找間餐廳醫飽肚子先啦, 即使我唔食小B都要食嘛, 唔知點解每次只得我和小B單獨相處時, 小B總是變得好乖巧, 相反爸爸在場小B就會一反常態, 所以我還是比較喜歡單獨跟小B在一起的時候, 或許我和爸爸兩人於小B心目中早已分出了誰是嚴母, 誰是慈父, 所以...我想大概應該是這樣吧, 哈哈!!

一早應承了小B乖就去睇玩具, 結果竟然係滿載而歸囉, 究竟媽媽我何解會突然變得咁順攤?!  (答案係我都唔知點解)

去到反斗城門口, 有人拿拿臨鬆開我手跑入去, 超攪笑...

小B話這個BB是妹妹, 而為了小B可以當它是妹妹般照顧, 不用經常爭著妹妹B來抱/餵奶, 所以想也不用想就決定買這個BB給小B喇.  (婆婆話好多時妹妹B食奶, 小B都會爭住餵, 攪到婆婆餵唔到奶之餘, 妹妹B又喊, 好煩~)

看...小B見到妹妹時有多開心, 哈哈~

昨天於泳池見到有小朋友玩水槍, 結果小B一見到又話要買.  算, 今年還有多次機會游水, 幾十元一枝就讓她開心一下.

最後我更買了一副青蛙游水鏡給小B, 免得她眼睛入水時呱呱大叫.

每次見到這堆波山都嚷著要玩唔肯走...

 見到Baby Food又話要...我當然唔買啦.

最後小B所得的戰利品如下...回家時小B還高呼好開心呢.

這樣於反斗城又消磨了一個下午嚕!!

另外...我想講, 我終於都等到可以同小B一齊行街Shopping的日子啦, 呵呵~





最近媽媽幫倆姊妹開了一個Facebook Page, 有興趣的話就入黎Like一下啦!!  ^^

妹妹初嚐Baby Spa

近日媽媽會有好多媽媽分享帶BB去做Spa的相片, 結果媽媽我都心思思...忍不住要帶妹妹B去試試.  剛剛才滿5個月大的人仔就已經可以一嚐做Spa及按摩的滋味, 比起爸爸媽媽我們還要懂得享受, 所以話現今小朋友真的一代比一代幸福呢!!  ^^

今次媽媽我揀選了童樂Baby Spa, 位於觀塘APM樓上, 一程地鐵就去到, 地點非常方便.

一去到先於門口位置換好拖鞋, 大人小朋友記謹要穿襪子啊.  換過拖鞋後, 我就帶妹妹B進水療室喇, 只可惜妹妹B今日心情非常不佳, 好像怪媽媽我無問准她就帶她來玩似的, 媽媽我一從揹帶中放下妹妹B, 妹妹B就喊得好大聲啦, 或許因為妹妹B剛剛睡醒的關係, 加上又差不多到下一餐奶的時間, 結果妹妹B全程都表現得不太Enjoy, 幸好...童樂Spa的職員都算有愛心+耐性, 相反媽媽我就覺得好失禮喇, 唉~

首先職員幫妹妹B沖涼後, 就換上游水片片 (由童樂Baby Spa提供), 原本還應該要量體重和體溫, 但妹妹B實在不肯合作, 一換上游水片片後, 媽媽我就要馬上接手安撫妹妹B喇, 最後曖了妹妹B一輪才稍為平復心情, 所以職員就無再抱走妹妹B去量體重和體溫啦, 當然如果事前有病的話就一定要告知職員啦.

既然妹妹B只肯讓媽媽抱抱, 職員都沒她辦法, 熱身運動做不了, 那就嘗試由媽媽放妹妹B落水試試吧.

大家可以放心, 水療室和浴池非常乾淨.

好...落水啦...媽媽我有點緊張添.

明明個個BB都笑得好開心, 點解妹妹B你會無表情架?!

玩了一會兒, 就由職員來幫妹妹B做水中運動喇.

玩到扁扁嘴添, 難道妹妹B做到肚餓?!

最後妹妹B送我兩滴大眼淚...表示對媽媽的不滿, 因為原來已經夠鐘食奶啦.

相反家姐眼定定睇到話好想落水喎, 只可惜家姐超齡了, 因為Baby Spa只建議一歲以下BB做嘛!!

好...上水再加按摩油做按摩先, 由頭仔做到腳底, 簡直至高享受, 超爽.

話咁快, 整個過程就完啦!!  雖然今次因為妹妹B自己心情不佳, 但媽媽真心覺得童樂Baby Spa是不錯的, 絕對值得一試.  以下是童樂Baby Spa簡介, 有興趣試試的朋友可以看看啊, 最後送上全家福一張.  (職員主動幫忙拍照, 超Nice)

***********************************************************************************************

簡介: 

童樂Baby Spa 開業於 2013年9月，由一群有專業醫療背景、有豐富臨床經驗及健康專業知識的醫護人員成立。水療原是物理治療療法的一種，結合現代各國對嬰兒身心智發展的研究，於香港創立首間嬰兒水療中心，期望藉水療運動，提升嬰兒潛能、給家長灌輸合乎嬰兒發展藍圖的育兒資訊，並鼓勵緊密的親子互動關係。 我們的課程關注嬰兒的健康狀況，亦有由資深物理治療師設計的水中運動訓練，配合嬰兒按摩，全面提升嬰兒的腦部發展。 童樂Baby Spa 於香港現只有觀塘總店，並無其他分店。我們由専業人仕提供一站式的嬰幼兒發展培訓，將優質的教育給予您最親愛的下一代。

主要服務: 

嬰兒水療、嬰兒按摩、嬰幼兒潛能啟發班、兒童物理治療

嬰兒水療及嬰兒按摩好處參考：

嬰兒水療 好處:

嬰兒水療，或嬰兒游泳，對嬰兒的身心發育有莫大的益處，有利於嬰兒的早期智力和體能發展，並能提高心理質素。皮膚是人體最大也是最基本的感覺器官， 讓嬰兒在特定的水質、水溫、嬰兒專用水圈的保護和專業人員的看護下，在水中進行自主活動，透過水與皮膚的接觸，並視覺、聽覺、嗅覺、平衡覺等感覺的統合， 增強對大腦細胞的刺激，從而促進嬰兒大腦及神經系統發育，提升大腦功能，激發嬰幼兒潛能。

世界各國都有文獻証實嬰幼兒游泳的好處：
• 促進肌肉與骨骼的成長，增加靈活性和柔韌性
• 促進腸道蠕動，改善肚風、便秘
• 促進血液循環系統，幫助食物吸收，促進身高體重的增長，並提升免疫力
• 水對胸廓的壓力能增加肺活量，強化心肺功能
• 活動大、小肌肉，增強肌肉協調性與平衡感
• 促進視覺和聽覺之感覺統合
• 釋放情緒，改善睡眠質素

嬰兒按摩 好處:

嬰兒按摩源遠流長，是各大古文明的一種育兒智慧，於中國、印度、瑞典等地有數百至數千年歷史。許多臨床研究都證實父母向嬰兒施行按摩都對嬰兒成長發展有很多好處。

對寶寶的生理 

• 幫助嬰兒增加體重，特別是早產嬰

• 加速嬰兒血液循環，促進新陳代謝

• 腹部按摩有助嬰兒腸道蠕動，紓解嬰兒吸吮後的脹氣 (肚風，Colic)，促進消化，改善便秘

• 按摩肌肉令肌肉結實，反應更靈活，背肌發達有助嬰兒抬頭、坐、轉身和企，四肢肌肉發達有助日後爬行和走路

• 按摩幫助放鬆情緒，使寶寶容易入睡，提升睡眠質素

對寶寶的心理 

• 幫助寶寶減低壓力、焦慮和抑鬱，幫助安撫情緒：觸摸時按摩者(父母)和寶寶同時能減少壓力荷爾蒙(cortisol, stress hormone)的分泌

• 幫助寶寶放鬆心情、感覺被愛護：按摩時按摩者(父母)和寶寶同時增加愛荷爾蒙(oxytocin, hormone of love)的分泌，使人感覺良好、感覺被愛

• 培養父母與寶寶間的親密感，加強寶寶信心及安全感

對寶寶的成長

• 增強寶寶對自己身體的認知

• 增強感覺統合，加速寶寶各方面的發展

• 按摩時的眼神交流可刺激寶寶的官能，增強社交技巧

• 因按摩能減低不愉快情緒，有助培養安全感、自信、對別人的信心和樂觀人格，也有助發展良好的人際關係

網址: http://bspa.com.hk
Facebook: http://www.facebook.com/babyspahk
地址: 觀塘巧明街117號港貿中心10樓03室





最近媽媽幫倆姊妹開了一個Facebook Page, 有興趣的話就入黎Like一下啦!!  ^^