台灣遊 Day 1

開始患有老退化的我, 襯記憶還猶新...就讓我快快手來記下今次一家三口的台灣遊吧!!

22092013

今次經朋友介紹的Agent訂了團體機票, 算是平一點點, 但因早機去晚機返, 所以對於小B來說就有點辛苦.  幸好凌晨4時多把甜睡中的小B吵醒, 小B都未有詐型, 可能小B知道要跟爸爸媽媽去旅行, 所以表現尚算不錯, 而且還有點雀躍.  不過爸爸就好肉赤天未光要把小B吵醒嚕, 沒辦法啦...我們6時正要到機場嘛, 唯有上車或上機時再叫小B多睡一會啦.

一早Call定的士, 司機叔叔亦好快手, 未夠6點就把我們車到機場了.  去到機場...嘩...好多人呀...可能因為航空公司已發消息, 因颱風關係於傍晚6時起會停飛, 所以今早在機場等候補機位的旅客多的是, 我們還傻傻的排錯隊, 排了候補一行呢.  好彩多口問問, 否則排到夠鐘都未到我們Check In.

時間無多, 我們還有40分鐘時間食早餐, 快快進入離境大堂過關, 再去翠華食早餐.

看...小B電力又開始耗盡啦, 影相都無表情.

食飽飽後才叫做好一點點...總之下次再去旅行, 最好就不要選那麼早的航班, 否則真的難為了小朋友啊!!

時間緊迫, 馬上又要去登機閘口登機啦...剛好趕得上, 但排隊登機的人龍還很長, 不過職員見我們推著BB車, 又帶著小朋友, 所以不用排隊, 馬上可以登機, 呵呵!!

台灣...我們要來啦, 希望當地不要受颱風影響而變得天氣壞啦~

噢, 大鑊, 上機不久, 小B開始扭眼訓, 雖然不是大吵大鬧哭著的那款, 但已經叫人煩死.  好彩剛起飛時, 小B已經眼訓得暈低了, 而我和爸爸亦可鬆一口氣, 稍作休息.  

今次出門, 這隻貓貓就常伴小B左右, 去到那帶到那...  除了小B之外, 就連貓貓都一樣增廣見聞呀, 哈哈!!

一小時半的機程好快就到, 小B亦因爸爸不小心而再次被弄醒, 幸好平時習慣快叉的小B, 已經回復精神~

拿好行李, 我們先到找換店換台幣, 一連看了幾間, 大家都一樣兌3.68, 隨隨便便找間少人一點的就好了.  好...一切就緒, 我們去乘國光巴士再轉捷運到酒店寄存行李.

其實推著BB車, 又拖著一大一小行李箱, 原先我們是打算叫車來接送的, 不過跟我一直聯絡開那家車公司, 說他們今天的車子都已爆滿, 所以我就決定坐巴士喇, 因為費用便宜好多嘛, 結果我又被小B爸埋怨囉...總之今次就辛苦了他啦.  ~.~

幾經辛苦, 終於到達酒店, 是次我們訂了西門町的新驛旅店, 因貪地點方便, 而且開業只有幾年, 見網上評價不俗, 所以我就決定了選這間喇.  由於下午3時才可Check In, 所以寄存好行李後, 就到附近食個Lunch, 再隨便逛逛, 待夠鐘後馬上回酒店拿房, 好讓累爆的一家三口先行休息休息.  今天實在太早起啦, 我完全高估了自己的能力, 結果原本編好的行程都被刪減了.  算...還是小B有足夠休息最重要, 就讓她午睡後才再安排吧, 反正我早就猜到今天的行程未能預期完成.  

晚上7時, 一家三口休息夠, 又是時候外出用餐啦.  原本打算乘捷運到劍潭站, 再轉穿梭巴士到美麗華商場, 不過向來習慣駕車的小B爸一聽到要轉來轉去, 就馬上遞手叫的士了.  是晚我選了五角船板這間餐廳, 因從Yahoo Blog的旅遊網誌中, 見到這間餐廳的裝潢好特別, 而且充滿藝術色彩, 加上不錯的食物評價, 所以我又想來朝拜一下, 結果總算沒令我們失望.

但原來帶小朋友去旅行, 真的想把美景拍下都有難度呢, 一來小B手多多, 見我們拿起相機拍照, 她又要搶相機來玩, 二來我和爸爸要不停接換班, 一個食時, 另一個就要照顧小B, 根本就沒多餘的手拿著相機隨處拍, 總之今次去旅行, 所拍得的照片, 應該算是最少的一次了, 可惜可惜.

醫飽肚子, 帶小B到美麗華坐她最愛的旋轉木馬.

喂...小B, 騎馬馬要留神, 應該望前面啵~

接著再在摩天輪前留影...

最後坐回接駁巴士到劍潭站, 再到士林夜市逛逛就完了今天的行程喇. 

Tai Wan...Go Go Go!!

期待已久的一家三口旅行終於起行啦...各位4日後再見嚕~~~

現在我們已在機場準備起飛了, wow wow wow...

雖然一早就知道帶小朋友去旅行好像打仗一樣, 要帶的東東多不勝數, 但帶多總比帶少好嘛, 所以即使唔太等洗的, 爸爸都有吩咐我帶.  結果...一大一細的旅行箱, 全部爆滿.

(雖然超強颱風"天兔"剛掠過台灣+迫緊香港, 希望對我們今次台灣之旅沒太大影響吧...始終這是小B第一次出遠門嘛, 我只想順順利利, 玩得開心又盡興  ^^) 

開始澎漲

踏入4個月後...肚皮開始澎漲啦, 現在比起上個月的肚腩肚更為明顯.  其實當我放假穿緊身衫外出時, 外人一定看得出我是個孕婦來, 即使平日上班穿鬆身衫, 只要細心觀察亦可得知, 但好可惜直到目前為止, 搭車仍未有人會主動讓座給我.

我甚至嘗試過坐火車時, 當見有空位坐下來後, 被那想坐的人不屑地望了兩眼呢.  香港人嘛...正常的, 正常的, 我絕對不會跟他計較, 因為大多數香港人都是這樣, 已經見慣不怪了!! 

雖然肚皮開始大, 而且上胎小B亦送了我數條妊娠紋作紀念, 但為免重蹈覆轍, 所以我好早就已經開始塗橄欖油及肚紋膏啦, 希望Baby今次不要再送媽媽多一條紋來作紀念就好了~

A+講座

迎月日...下班後我選擇了獨個兒到銅鑼灣聽講座, 雖然內容都是講述懷孕分娩及孕婦舒展運動等, 這些內容我一早就已經聽過, 加上自己亦有了經驗, 不過我還是選擇出席聽講座啊, 因為我一早就被A+的禮品吸引著嘛~

其實最想要都是以下三樣東東...

藍色波點袋 - 想要好耐了, 之前加入A+媽媽會送的是手抽袋來, 但不美的, 我一點都不喜歡.

包被 - 雖然有A+ logo, 好像在替人家大賣廣告, 但質地很好, 而且夠厚, 在家當被仔用確實一流.

和尚袍 - 質料蠻舒服, 還是我最愛的粉藍色呢.

Yummy Lunch @ 大吉

雖然懷孕, 但一直沒有戒口的我...今次竟然忍得住, 放棄了我最愛的三色丼, 改食天婦羅.

其實從知道懷孕開始到現在4個多月, 我每隔幾星期就會食一次魚生, 但就一塊起兩塊止, 絕對是適可而止架, 不過若然叫我食一碗三色丼, 我又覺得好像過份了點.  何解今胎的我會變得如此怕死呢, 明明上胎友人阻止, 我依然密密食密密食, 未有理會.  (可能今早有點肚痛, 所以Lunch未太敢放肆) 

去到大吉唔食魚生唔緊要, 今次我叫了這個天婦羅定食同樣好味, 加上我在飯中混了少量Wasabi+豉油, 算是暫時止得住口引.

同事們暫請你們不要再引誘我啦, 我定力真得好低好低呢~  :p

母乳講座

14092013

今日獨個兒去了灣仔聽講座, 是次講座是由香港母乳育嬰協會舉辦的, 同事說如果有心嘗試餵哺母乳, 這個講座很值得一聽, 結果仍在心大心細的我, 一於先報名, 加上個人認為聽取多些有關方面的講座都未嘗不是好事, 始終我沒有這方面的經驗嘛, 聽得多知得更多對於將來餵母乳時, 定必可以幫助不少.

這個講座沒有特別的小禮品, 但講座中派發的小手冊則非常有用, 大概是講述一些餵哺技巧等知識, 所以今次我一定會好好把它保存下來, 待遲些餵母乳時再拿出來慢慢溫習. 

兩小時的講座好快過去,個人認為今次講座我真的獲益良多.  雖然大家都道出了餵哺母乳的辛酸經歷, 但我知道如果我今次都不去嘗試的話, 將來的我一定會後悔.  自問...由小B出世至今, 我都未有將這些好東西留給她試試, 確實有點遺憾.  而我就是因為知道這將會是最後一次, 所以真的好想試試自己能否踏上人奶媽之路.  若然試後不成功, 我無話可說, 但試都未試就放棄, 好像有點過不了自己呢~

暫時...我還是有餵哺母乳的信念, 真希望自己可以一直堅持, 千萬不要到臨急關頭才退縮, 始終我實在太了解我自己喇, 哈哈~

 

P.S: 另外我亦要多謝肚B媽早前Email給我的有用資料啊~~

見醫生 @ QE

等呀等...等呀等, 終於等到19週見政府醫生了.

現在QE比起兩年前自助化了好多, 從前每次去檢查都會有醫護人院幫忙量血壓及體重, 但今次竟然變成了自助式.  算...反正就不應對政府有任何要求, 自助式就自助式吧!!  而且今次不用我等兩小時已經算是好好.

假如由未懷孕至懷孕19週, 我的體重才稍為增加了兩磅, 會否有點過份?!
(但我向來食得訓得, 無痾無嘔, 究竟我比從前食多了的東東, 都跑到那裡去呢?)

醫生說因為我本身偏瘦, 但健康各方面一切良好, 即使上胎小B出世時偏輕也屬正常, 而且現在小B健健康康就行啦.  不過為免今胎Baby到出世時一樣會有偏輕情況, 所以醫生說遲些32-35週時會安排我照一次超聲波, 再看看Baby Size.  如果到時結果同是偏細, 就要安排見見營養師, 希望Baby出世時可以重磅些嚕.

真沒想到今胎竟然可於QE安排額外照一次超聲波呢, 哈哈~

今次除了跟醫生閒談幾句, 再做個身體檢查就可以閃人.  (等就等個幾鐘, 見就見幾分鐘)

下次再到QE覆診就是個半月後的事了, 而且我Baby因為可能會有偏輕問題, 所以今次醫生主動要求我跟助產士小組.  都好...反正我就不打算到健康院檢查, 要求跟助產士, 難得今次不用自己開口.

今次見醫生給我的感覺尚算不錯, 希望之後可以遇回上胎跟我的助產士黃姑娘啦, 這個黃始娘真的超Nice超好人啊.  :-)

我的寶貝

雖然小B看似越大越Cool...但只要一背住鏡頭, 其實她是經常笑的呢!!

因咩事咁開心, 其實沒什麼特別事呀, 只是爸爸知我想影小B, 但小B又唔肯笑, 所以當我假裝收起手機時, 爸爸就叫小B擺出一副笑樣給他看看, 結果小B就笑成這個模樣喇.

小B, 爸爸媽媽見到妳這個笑容, 都快要被溶化了.

我真的快要愛死你啦......  *3*

媽媽真心希望你每天都過得如此開心快樂~

遲鈍媽媽講胎動

前陣子在媽媽會谷內見好多陀第一胎的媽媽都說好像已經感到胎動時, 我還在問自己, 何解我第二胎都仍未感覺得到...而她們第一胎就已經感覺到呢?!  照道理第二胎理應比第一胎感覺得到還要早, 而我第一胎時又好像真的差不多要20週左右才感覺到.  結果當我靜下來看看有否動靜時, 我終於感覺到啦, 最初還不以為意, 但連續幾天都有相同感覺, 無理由還不是嘛!!

再當我想回頭時, 其實這種感覺早於16-17週時已經出現了, 只是我這個遲鈍媽媽後知後覺.

希望Baby不要像媽媽一樣, 反應遲鈍啊, 哇咔咔咔咔咔~

衛生紙大特賣

公司每年都會有衛生紙大特賣活動, 平均半年就有一次, 雖然價錢平得驚人, 但其實公司都只不過是希望員工們幫忙清走樣辦及倉底貨...  ~.~

話雖如此, 但我每次都唔執輸架, 慳得一蚊得一蚊嘛, 哈哈!!

愛上煮飯仔

最近小B好鐘意學婆婆炒餸, 有日更用亞父(舅父)食完的麥當當早晨全餐盒及餐具來玩, 再放幾個形狀盒玩具的形狀上去炒呀炒.  而我下班回家後, 小B亦有炒餸給我看, 求期拿起件東西, 更作勢落油, 落鹽呢, 好好笑.

婆婆見小B近期愛上玩煮飯仔, 所以就叫媽媽我買些煮飯仔玩具給她喇.  其實之前一直都好想淘一套廚房玩具回來, 不過婆婆家中沒那麼多餘的位置放大玩具, 所以最後就不了了之嚕.

如今既然小B愛玩, 就淘一套小小的煮飯仔玩具給她, 希望她喜歡!!

其實這套煮飯仔都蠻超值, 籃中有幾件疏菜, 針板, 刀, 煮食爐具及水煲, 都只需$48, 好抵呀~~~~~~~~

忍不住手, 我又好想再入手多些新玩具給小B啦.

探探小Baby

08092013

同事上月生B後, 小B爸一直未有時間跟我去探BB, 見今日得閒, 所以就今日帶小B回婆婆家前去探探小Baby喇!! 

初生Baby, 幾時都咁得意趣緻, 不過BB的爸爸媽媽竟然話自己囝囝像隻馬騮仔呢, 哈哈~

同事好叻呀...原本說嘗試餵人奶, 結果到現在一個月多, BB已經變為了全人奶B, 雖然餵人奶比較辛苦困身, 但同事說只要上手後, 一點也不覺得困難.  我真心的佩服所有人奶媽, 遲些待同事上班後, 一定要向同事取經才行, 因為我都希望自己今胎可以嘗試餵人奶嘛.  (可惜我意志未夠堅定, 仍然十五十六中)

BB...今日姨姨帶姐姐來探你, 你開心到要爆屎來回敬我們嗎?! 

小B好乖, 知道BB臭臭後, 還拿了件上衣給Win姨姨幫BB替換, 小B你係得既~

最後: 姨姨祝BB健健康康, 快高長大, 聽教聽話, 遲些大一點, 就可以跟姐姐一起玩啦.

熱辣辣遊廸廸尼

07092013

原本星期六約了小B契媽去食Tea Buffet, 不過小B契媽突然有事做, 提早一天就通知我要取消Booking, 結果由本身有約的週末就變得無無聊聊嚕.  幸好突然記得前陣子換手機時免費獲得兩張廸廸尼門劵, 所以就決定星期六帶小B去廸廸尼喇.

連續幾天大雨後, 今日非常好天呀, 但太好天去廸廸尼, 我們一家三口都有點辛苦呢~

小B第一次去廸廸尼...未出發先興奮!! 

到啦到啦, 鐘意睇水的小B, 對這個水池超有興趣.

才剛來到不久, 但因為實在太好天, 結果小B已經曬到沒什麼表情了.  (小B爸還在怪大頭蝦媽媽忘了帶傘來擋太陽, 害得小B曬到紅卜卜呢!!)

入園後不久, 好快就有花車巡遊, 為了讓小B看得清楚一點, 所以早早就霸定頭位...

小B: 爸爸...巡遊咁耐都未開始,不如我地食住提子等啦!!

嘩嘩嘩開始啦...

一開始時, 小B見到大大架花車+大大隻公仔, 差點兒嚇到想喊, 不過經爸爸在她耳邊說了幾句後, 小B好快就沒事嚕.  爸爸...你係得既~

看過花車巡遊, 又熱又攰, 先找個陰涼地方餵飽小B, 我們才再到餐廳享用又貴又難食的快餐...

上海鍋雞飯 + 炸魚柳沙律薯條 + 橙汁, 承惠208個大洋, 這個下午茶真的食得一點也不值~

天氣熱, 大家都有點辛苦, 加上免費入場, 所以我們一家都表現得有點Hae, 最後行行坐坐, 玩了數個遊戲, 再等到夠鐘睇煙火後就閃人喇~

臨走前...爸爸還買了紀念品給小B, 你看這位小朋友收過公仔後有多得戚?!

Bye Bye~

六個多小時廸廸尼遊圓滿結束, 我們又帶著疲憊的身駒回家啦.  下次待小B大一點再來, 相信到時小B應該會玩得更加投入, 更加開心.

後記: 小B爸話今日雖然辛苦, 但見到個寶貝囡開心, 佢自己都好開心.  (所以媽媽我決定以後放假再安排多些節目給爸爸, 嘩哈哈哈~)

無心機再寫

用了個多星期, 仍然對這新Blog存有好多疑問, 突然好想放棄寫Blog了...  或者我應該再找一個令我更容易上手的地方再寫吧~ 

公司月餅

中秋節又快到啦...員工月餅, 人人有份!!

今年的包裝設計好特別呀, 辛苦了負責設計的那位同事啊.  其實每年公司都會自家設計月餅包裝, 但個人認為幾年來的設計都十分普通, 沒什麼令人驚喜.  今年當一收到這盒月餅時, 好多同事都嘩嘩聲呢, 因為設計得真的好精美嘛.  相信今年收到我們公司月餅的客戶都應該會讚一讚吧!!

同事們, 明年繼續努力啦, 哈哈~

Y Blog...再見了

今日終於正正式式可以跟Yahoo Blog劃上句號!!

用了大約6天時間, 把Yahoo Blog那邊的舊文搬到這裡來, 途中雖然曾有幾次想過要放棄, 但我又真的不捨得放棄這幾年間所記下過的事情, 結果選擇螞蟻式搬家的我, 唯有密密搬, 密密搬, 最終算是把搬Blog一事了結.

其實由讀書時代開始, 我已經有寫Blog的習慣, 當時我選用的是Xanga, 直至2009年初, 因為要籌備人生大事, 想方便自己向其他Blog友取經, 所以才慢慢改用了Yahoo Blog.  至於Xanga那邊就慢慢開始被我荒廢啦, 畢竟Xanga已是由讀書年代開始用, 所以舊文多得數不出來, 叫我逐篇搬到Yahoo Blog, 確實是沒可能, 而且Xanga那邊的Blog友亦慢慢轉用了其他網誌或是已經封Blog了, 最後我唯有選擇放棄.  (如今想回頭, 都有點不捨, 因為Xanga曾經記載過我跟幾位Ex的往事嘛, 哈哈)

好...現在的我要向前望啊!!  雖然已經用了新Blog一星期, 但至今仍不太習慣, 希望搬來這邊後, 我會繼續寫Blog, 記下小B和肚中Baby的一點一滴.

Blog友們...一齊在這邊加加油, 至於還未完成搬Blog的Blog友們, 我會精神上為你們打氣架, 哈哈~

古靈精怪B

20個月大的小B, 真的越來越鬼馬....

昨天姨姨叫她影相時, 小B竟然馬上就做出這個鬼臉來, 雖然覺得好好笑, 但我好怕她做慣鬼臉, 將來上學時會被老師投訴呢?!

 大家又覺得這鬼靈精可愛嘛, 哈哈~

探探小表姨

星期六我們又去了元朗探小B的表姨啦!!

每次到元朗, 必定相約在酒樓飲茶, 一見面小B就擺出一副大姐姐模樣, 要拖住小表姨...

 

爸爸都唔執輸, 來個左擁右抱...

 既然這樣, 我又要加入呀,就先來一張預演一家四口合照吧, 嘩哈哈哈~

飲完茶, 時間尚早, 我們一行人等到了V City逛逛, 可惜這個新商場比我想像中差太遠了, 隨隨便便逛一圈便回到元朗去.

回到家, 原本呆滯的小表姨馬上生猛起來, 自己地盤果然寧舍不同.

表姨: 小B...呢度我主場, 你要乖乖聽我話.

小B: 知喇知喇, 你放手先啦, 我鼻鼻快要甩喇.

小B: 爸爸...你仲掛住影相唔幫拖?!

小B: 表姨, 你連行都未識行, 我陳小B點會輸俾你先得架.  頭先讓一讓你咋...宜家輪到我Cool你頸, 睇你點郁!!

呢一Round, 好明顯大蝦細, 小B勝~

小朋友你地兩個唔好再亂黎喇, 如果唔係我叫魔鬼出黎捉走你地, 問你地驚唔驚?!

表姨 & 小B:  喂..大叔, 我地兩個似魔鬼多過你似魔鬼啵. 

 

結果兩老表, 就這樣玩了好幾小時~

開新Blog

由於Yahoo要摺埋, 所以被迫搬遷...

眼見好多Blog友都選用eblogger, 所以我都即管一試.

但暫時仍在摸索階段, 好多Setting上的問題還未能解決.

唉...要從新適應新Blog真不容易, 希望我可以盡快熟悉運用這個新Blog啦~