爸爸生日

27.11.2014

今日爸爸生日, 我同小B特地放假一天跟我家老闆慶生.  晨早起床跟小B說今天是爸爸生日, 待會一家人一起去食Lunch Buffet, 所以叫小B要乖乖合作, 務求可以早點出門, 結果有人馬上就嚷著今天是她自己生日, 還要去買生日禮物呢.  @@"

其實我家小B真係好重視+好鐘意生日這個日子, 每次家中有人生日都話係自己生日, 所以閒閒地一年小B都有10次8次生日架, 哈哈!!

今次媽媽我經Openrice找了現身叫千禧新世紀香港酒店的Cafe East, 見Comment幾好之外還可以使用Openrice7折Coupon, 折後每位只需$206.4 (已加一), 嘩...咁抵又咁近, 當然要試試啦.  最後連婆婆, 姨姨和亞父都話要Join, 爸爸還笑說今天簡直係天王壽辰一樣, 大家都好俾面呢.  ~.~

好彩妹妹在去酒店途中已經敵不過睡魔急Call, 所以媽媽我終於有頓安樂茶飯食, 但為怕妹妹又會好快醒, 所以媽媽我只顧著不停食食食, 就連那些又豐富又美味的食物都忘了拍照.  沒辦法啦...做媽媽的永遠都係分秒必爭, 最怕妹妹一醒後就周身郁坐唔定, 其實我真係好怕好怕帶妹妹外出用餐架, 想當年小B外出用餐可以好乖坐定定, 但妹妹卻剛剛相反, 經常扭要落地, 雖然話就話有婆婆幫手, 但難得我放假, 我都想婆婆可以休息一下, 唔洗照顧這隻小魔怪嘛.

Lunch Buffet冷盤食物款式方面其實唔算太多, 有長腳蟹, 龍蝦鉗和青口, 長腳蟹和龍蝦鉗都好有鮮味, 而且長供長有.  至於刺生方面就有三文魚, 吞拿魚和鯛魚, 雖然只得三款選擇, 但三文魚好肥美好新鮮, 另外還有凍豆腐, 冷麵之類等.

熱食方面我唔太記得, 因為我向來都少食熱食, 但婆婆, 爸爸好像拿了好多款式的熱食, 而且仲大讚好味.

甜品方面選擇唔算多, 但因為我已經食到好飽, 所以只選了一兩款就投降.

雖然小B和妹妹都是免費, 但她們倆姊妹都食得唔算少架, 小B樣樣試少少, 妹妹就一個人食了一碗粥, 一個包和少量雜食.

其實以這個優惠價錢來說, 這頓Lunch Buffet算是好不錯, 所以絕對有機會再Encore, 而且我最欣賞的是6歲以下小童費用全免嘛, 哈哈...

這位小情人漸漸愛上爸爸...開始會主動搵爸爸抱抱啦, Yeah~

爸爸一副有女萬事足樣, 好幸福啊!!

 生日當然要影全家福啦 ^^

齊齊望鏡頭, 個個都好合作!!  (不過亞父趕住返工, 所以未影相已經走了)

原本食完Buffet打算去1881和海運影聖誕燈飾, 只可惜由酒店出門一刻開始就雨粉粉, 為免兩姊妹又再生病, 最終只去了玩具反斗城就算了, 始終落雨真係去邊都無Mood囉.

不過玩具反斗城係一個大人小朋友都鐘意嘅地方, 所以三父女一樣玩得好開心...

見有小朋友扮賣飛影相, 小B又要跟住影.

未夠3歲已經好有少女味...

又要威又要帶頭盔, wakakaka~

妹妹見家姐玩得咁開心都要加入一齊玩....

如果屋企夠大就好啦, 可以買滑梯"Sir"

最後買埋玩具, 倆姊妹電力耗盡就回婆婆家喇, 因為明天要返工返學, 爸爸話夜晚唔好出街食, 所以媽媽可以慳番餐, 呵呵~

晚上的生日蛋糕當然少不了, 但基於大家都著得好屋企Feel, 所以就無謂出相喇.

人大了...生日亦變得簡單了, 爸爸話只要一家人一起就已經可以好開心好滿足!!

老公...我祝你生日快樂, 越賺越有, 日日爆數, Yeah~~~~~~~~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

小B Fashion Show

話說女孩子貪靚應該都屬正常事吧, 但今次你又頂唔頂得順小B呢?!

有人見到幾條靚靚裙之後就嚷著要試裙, 換裙再試裙...雖然只係得幾條裙仔, 但都玩了我足足半小時有多, 因為有人突然Model上身, 試完再試, 結果就連小B自己都試到身水身汗.

有請2014年新晉模特兒 - 陳小B出場~~~~~~~~

最後要多謝姨姨同事, 因為多得姨姨同事轉贈幾套晚裝裙給小B, 小B才有機會完成這場Fashion Show嘛, 哈哈.  XD





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (迦南) Waiting

又有學校信通知收唔收小B啦, 跟幼稚園媽媽gp媽媽傾開先知道, 原來未獲取錄, 學校通知信真係會直接寫不獲取錄架, 等我還以為所有唔收的都會被列入作Waiting處理.  由於去年大部份學校通知信都係寫Waiting, 所以我就有呢個錯覺喇, 幸好...暫時直到目前為止都未有學校直接寫不取錄小B咋...不過還有兩間未有消息, 所以都唔敢太大聲講, 哈哈~

今年跟去年一樣, 迦南只收小B做後備生, 亦即代表有90%唔會有迦南Offer, 雖然兩年我都只拿迦南作後備用, 但兩年結果都只係得Waiting, 看來小B唔太合這間學校的老師眼緣啵.  不過媽媽話就話以這校來作後備用者, 但其實無正選位, 都有少少失望架.

希望其他心儀迦南的媽媽們會有這間學校的正選位啦.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

排後補

今日晨早7:30到達心儀學校排上午班後補位...雖然未知最終可否成功轉讀上午班, 但媽媽我確實覺得自己好有心架, 皆因一早天未光就為了去排隊而爬起床嘛, 比起平時上班還要早起45分鐘有多.

雖然我好早就到達學校, 但因見學校內只開了幾盞燈和得一位嬸嬸在進行清潔, 所以未有入內打擾, 暫時眼見亦只得一位工人姐姐坐在公園等候交表, 之後才陸陸續續見老師們回校, 但因我記得老師有話過9:00才會開始收表, 所以我就一直只坐在門外等候喇, 直至8:15左右我見有兩位家長直接衝入學校交表, 但不夠5秒就拿著要交的那份表離開, 所以估計還未可以開始交表的, 突然有位老師走出來問我拿籌了沒有, 我才驚醒...原來要拿籌架, 好彩老師見我一直坐在門外才多口走過來問我一句, 否則我應該會一直等到9:00才衝入校內交表呢, 最終我就由原先的第4位變成第6位喇, 因那位工人姐姐的籌號是3, 所以原先我應該是第4的, 相信排第1, 2號籌的家長應該好早好早就到來拿籌了, Crazy.  @@"

上午班K1收生只得60位, 但我後補都要排第6位, 所以我想能夠後補上午班的機會應該未必有啦, 唉~~~

不過真的不得不讚讚父母們, 為了自己子女絕對是可以無條件付出, 即使今日要我凌晨去排隊我一樣會照排, 所以我真心覺得現今的小朋友們真的好好好幸福啊!!

最後結果只可以等學校電話通知, 希望小B能夠成功轉讀上午班啦...





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

豬氏兄妹生日飯 @ 小南國

15.11.2014

11月尾豬兄豬妹齊齊生日, 當然要一同慶祝啦, 只不過我們成員太多的關係, 近年變得越黎越難夾時間, 所以今次就到兩位主角有空出席就算了, 否則等人齊的話, 可能要等到過時過節先可以再聚.

今次出席人數唔算多, 主人家話唔再BBQ啦, 改去食餐便飯就算, 朋友提議去小南國食上海菜.  原本打算Book北京道分店, 因為貪景觀靚嘛, 可惜一早打去已經話要排Waiting, 真誇張...最後改去尖沙咀中心, 雖然沒有美景, 但食物質數就令人非常滿意喇, 絕對有下次, 讚呀~

雖然全程我只忙著照顧妹妹B, 但我仲記得有一碟炒飯無入鏡啵, 因為每一樣都實在太好味啦, 好彩之後有朋友幫手照顧妹妹, 我先可以樣樣食少少咋.

時間關係, 今年用壽包代替蛋糕~  

陳生生日, 當然要影張全家福啦.

哎呀, 原來今日無影大合照呀, 不過就有影小B和妹妹B分別被人輪抱照囉, 哈哈

最後祝豬妹與豬兄生日快樂, 心想事成!!

等我快快計劃一下老公正日生日去邊玩先...heehee~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

學校親子旅行 - 錦田鄉村俱樂部

14.11.2014

今日對於媽媽來說絕對是一個大日子, 因為這是我和爸爸跟小B的第一次學校親子旅行嘛, 所以媽媽由知道有得去旅行一刻開始就一直期待著.  事實亦証明學校旅行前一天, 我的確比小B還要緊張還要興奮.  而可惜的是妹妹B年紀尚少, 免得自找麻煩所以未有帶她一同出席, 希望明年學校旅行時, 我們可以一家4口一齊參與啦.

一早起床梳洗過後, 到茶餐廳食過早餐, 就回學校集合等出發喇.

上到旅遊巴, 老師除了講解今日活動安排之外, 還跟小朋友們唱歌熱身派小禮物, 大約一小時左右就到達目的地 --- 錦田鄉村俱樂部.

今日學校只安排了N班和K1班學生去旅行, 所以人數不算多, 場面都容易控制.  但一講到要影大合照, 其實都係有難度架...總之就入鏡當贏啦, 哈哈!!  (不過應學校要求, 所有有其他小朋友樣嘅相我就唔放上黎喇)

影完大合照, 大家先進行一連串親子遊戲, 然後再齊齊載歌載舞, 見到小B玩得好投入, 亦好愛跟著老師, 就知道小B真的好喜歡這間學校了. 

集體活動完畢, 大家就各自四散自由活動...

難得有大草地, 我們當然選擇先野餐後活動啦, 因為唔想揹住太多野周圍行嘛.

之後校長走過來話幫忙影一家三口合照...

(遠鏡)

(近鏡)

(自家影)

有得食就最開心...

飲飽食醉, 係時候周圍行, 四圍玩啦~

首先小B要求玩飛碟碰碰車, 嘩...$50只得10分鐘, 真的好賺過丟錢樂園多多聲.

不過有人又真係玩得好開心啵...

之後再去撈金魚, 你睇倆父女幾落力撈...

今次有爸爸幫手, 最終撈到有6條金魚, 比起上次去大棠亞父幫手真係差得遠, 哈哈~

最後用$25買得3條魚毛仔 ~.~"

撈完金魚, 再走回大草地玩Bubble...

小朋友的世界裡...開心快樂就是這麼簡單~

最後再應小B要求去玩電動車作結.

嘩...小B好有型又玩得好開心呀, $30玩10分鐘, 抵俾啦~

不過小B開心嘅同時, 其實爸爸好辛苦架, 因為電動車開得好快, 小B控制得又唔好, 所以爸爸就只好不停追住小B, 因為怕小B炒車生意外嘛.

短短半日的親子旅行就此完結, 今日我們一家都玩得非常開心, 最令媽媽得著的是可以了解小B跟老師及同學們的相處情況.  

另外今日校長告知, 原來學校一年會舉行兩次親子旅行架, 亦即代表好快又可以去玩了, 呵呵!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (德信) AM Offer

嘩...今次真係要讚讚小B叻女, 因為小B又有Offer啦, 而且還要係上午班呢!!

只可惜一想到小B係女生, 對於未能直升這間學校的中小學問題就...真的要認真考慮考慮喇.

其實這間學校Interview時無特別考小朋友, 只係從玩玩具中觀察, 而且我仲記得老師問小B可唔可以一齊玩時, 小B好決絕咁答唔可以, 但最終竟然都收小B啵, 難道考K班時大B真的會著數一點?!  不過填表時, 因有填舅父是這學校的畢業生, 所以我想或多或少又會加一點點分數吧.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

試用 - Redwin維特護澳洲銷量第一的「適保梨」潤膚乳

踏入冬天...天氣乾燥之餘皮膚亦開始跟著乾燥, 一支好用而有效的潤膚乳對於我們一家來說真的非常非常重要, 皆因每年冬天我的手手腳腳都例必會爆拆到7彩, 而老公就更加會因為乾燥天氣而令皮膚痕癢到R不停, 所以平價的BB油或凡士林等一向都要長放家中作急救皮膚之用.

今次我們有幸被MyBB抽中試用Redwin維特護澳洲銷量第一的「適保梨」潤膚乳, 希望從此就可以幫忙解決到因乾燥而帶來的皮膚問題啦.

首先要多謝MyBB~~~  

你看...最近只是少少乾燥, 但我的手指頭就已經生了好多倒剌啦, 手指及手背甚至已經乾燥得損了呢.

今次就先用這枝潤膚乳來滋潤一下我雙乾燥手...

試用過後...暫時感覺良好, 每次只要取適量潤膚乳塗在皮膚上, 潤膚乳就會迅速被皮膚吸收, 對我來說, 塗在身體及雙腳位置是沒問題的, 但塗在雙手上就略嫌有點不夠潤喇, 可能是因為我雙手真的太乾燥吧. 另外我喜歡這枝潤膚乳沒有加入香料, 而且因為不含羊脂成份, 所以塗後未見有油油立立的感覺, 讚呀~

另外除了成人可用之外, 就連嬰兒都適合使用, 所以小B這幾天其實都有幫忙試用架...  只可惜有人玩性格, 突然變得怕羞, 不願出鏡做示範.  ~.~"

產品特點:
- 深入肌膚底層鎖水保濕
- 提升肌膚水油平衡, 時刻滋潤修護
- pH值平衡
- 無人造香料/無鹼性/無腐劑
- 不含羊毛脂成份

銷售點: 萬寧, 屈臣氏, Aeon 嬰兒部及各大藥房有售.





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰結果 - (明我) PM Offer

當大家還在忙著帶小朋友去Interview之際, 我這個Hae媽已經完成了5間學校Interview之餘, 而且還已經收到有學校Offer啦.

嘩...嘩...嘩...今次收到Offer真的超興奮, 勁開心呀, 因為這是我最心儀的幼稚園之一嘛.  雖然我申請的是上午班, 而今次Offer只有下午班, 但都已經好過唔收小B了.

果然有爸爸陪去Interview, 表現和結果都會係咁出人意表, 哈哈~

最後媽媽我希望下星期一可以繼續順順利利, 幫小B排得候補上午班學位...始終下午班時間無咁方便婆婆同無咁見洗嘛.

< 媽媽繼續自我興奮中 ^^ >





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

妹妹B ~ 9個月

12.11.2014

Yeah...妹妹B 9個月大啦, 又係時候要寫低一下妹妹的發展進度啦~

體重: 17.6磅 (10.11.2014睇醫生時磅過)

食:
奶 ~ 3餐 (每餐6安) - 大部份時間已轉2號, 只有早上奶仍食1號, 不過最後一罐1號都已經開了
固 ~ 2餐 (午餐及晚餐同樣食大半碗爛飯仔, 偶然午餐無煮就食糊仔)

便便一日最少兩次, 最多五次, 可能腸胃未完全適應2號, 奶粉熱線姑娘話2號會加入益身菌, 所以BB或多或少會有敏感.

食物方面已試過好多款, 無特別記低, 暫時未見有出現食物過敏情況, 希望繼續唔好中招!!

訓: 早上約8時多起床, 午睡情況有少許改善, 一日兩次小睡, 短則30分鐘, 長則2小時左右, 晚上大約10:30訓, 多數在床上食奶自行入睡.

活動能力:
- 由訓變坐, 由坐變企
- 向前向後向左向右周屋爬
- 可以放開手唔扶物件企
- 間中識反轉身落sofa, 不過唔識多過識. (爸爸好早時已教)
- 有人大膽到已嘗試開步行, 當然仍未能成功啦, 但我猜妹妹B好大機會比小B更早學會行路呢

性格:
比較慢熱而且勁愛人抱, 算是痴身膏藥一名, 依然最愛痴婆婆和痴媽媽.
比較懶惰, 點都唔肯自己拎野食, 菜, 手指餅等食物都唔肯自己拎, 一拎就玩, 相反大人拎住食物時, 妹妹就會自動自覺把口伸過來.
好愛玩, 會主動撩爸爸玩

健康:
原本一切正常, 但自家姐返學後, 不停被家姐感染, 不過醫生話當妹妹將來返學時, 生病次數一定會比家姐少, 因為已經有抗體嘛.
另外較早前已出玫瑰疹

妹妹B經常被姨姨投訴影相時只懂天然呆, 唔識笑...其實只要見到媽媽, 成件事就即刻唔同啦, 哈哈~

9個月大的馬騮妹...媽媽超愛你!!

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

大閘蟹之夜

09.11.2014

今年終於都有得食大閘蟹啦, 幸好來得及在水尾前食一次, 順道又可以跟朋友們相聚一刻嚕!!

只可惜今日實在人多手腳亂, 而且小朋友又多, 所以大家都忘記了幫大閘蟹們影相, 幸好最後都有一張半張蟹相, 証明我地今年真係有食蟹架...

工人姐姐忙住不停蒸蟹, 上枱時只見到一堆亂七八糟的蟹山!!

 沒記錯我們選的蟹好像是有五両二吧.

蟹膏入口即溶, 而且黏黏的, 正... 

總算還了我一個心願, 哈哈~

其實今日最開心的就是可以跟我們的日本朋友Ujiie San見面喇, 自從她離開舊公司以後便回到日本去, 數一數手指大家都已經有8年無見啦, 所以今日再見面總是有說不完的話題, 希望她明年再回來時可以再夾到時間聚一聚啦.

Ujiie San勁讚倆姊妹好Kawii, 特別係家姐.

請不要介意我們三母女的倦容, 皆因我們仨今日又病了, 唉~

Ivy姐姐好受小朋友歡迎架,  或許是因為她太有童真吧, 平時Ivy姐姐都總是一臉傻氣, 帶給我們無比歡樂的.

最後送上未齊人的大合照一張...

是日多謝Vicky招待, 大家食飽飽拍拍屁股就鬆人, 辛苦工人姐姐星期日都要為我們服務...  XD





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

與老師閒話家常

要跟小朋友混熟好容易, 只要你肯用心去跟他們溝通, 其實他們是會感受得到的.

就以小B為例, 最初返學時, 小B由頭到尾都只肯跟著N班的助教楊老師, 不肯跟自己的班主任, 原因...剛上學首兩星期, 小B沒有特別扭計, 所以班主任主力去照顧情緒有問題的小朋友, 沒問題的就由助教負責, 所以返學兩天小B已經肯主動伸手去拖楊老師啦, 相反班主任走到小B身旁想跟她玩時, 小B是會走佬的, 但日子久了...小B跟班主任已經成為了好朋友啦, 最近小B更經常跟班主任傾訴心事呢

近幾天爸爸及婆婆接放學時, 老師都有跟他們提及一些對話內容:

有日爸爸接放學, 老師就跟爸爸講...今日盈盈好開心一早就已經跟我說, 我爸爸放假, 今日會接我放學呀.

有日老師又跟爸爸講...我問盈盈有無人讚你靚女, 盈盈就話有呀...我爸爸成日讚我靚女架.

有日婆婆接放學, 老師又跟婆婆講...盈盈同我講話爸爸錫我, 媽媽就錫妹妹.

真想不到, 原來小B係會跟老師閒話家常架, 看來老師跟小B的關係都蠻好啵, 等我之前仲一度擔心小B會否是那些怕老師而不敢言的小朋友添, 哈哈~





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 5th Interview (救世軍陳昆棟)

08.11.2014

呼...終於都去到最後一場面試, 今日之後小B就不用再跟媽媽一起為幼稚園面試而瀕撲啦, 皆因一切都已成定局, 所以現在只可以平常心去等待面試結果!!

大家係咪覺得好奇怪, 明明記得小B已經讀緊救世軍學校都仲走去救世軍Interview呢, 其實今次In的這間救世軍是半日制的, 所以即使最終媽媽決定讓小B繼續讀Happy School的話, 都想小B可以轉返半日嘛, 所以有理無理照去報名.

今日媽媽懶醒, 打算提早半小時去到就可以早點進行面試, 點知...原來連學校門口都唔入得囉, 只可以在門外等候, 幸好小B都好乖, 竟然靜靜的跟媽媽一起在門外排隊, 結果就連站在門外的老師都大讚小B乖乖呢, 哈哈~

等了大約25分鐘, 終於被安排入內聽簡介會, 一聽之下...果然跟小B現在讀的那間救世軍差別不大, 但眼見上次出席導覽日和今日出席面試的小朋友, 佔了一半都是大陸人, 媽媽....我...確實...巧矛盾啊!!

簡介會好快就完了, 小朋友們可以齊齊入課室面試啦, 今次的面試形式超輕鬆, 跟第一間德信一樣, 從玩玩具中觀察.  首先...好像都是有6位小朋友一齊進行, 入課室後老師安排家長及小朋友一起坐, 然後老師就跟大家講故事, 從中觀察小朋友是否明白, 而且亦會觀察家長們跟小朋友的溝通情況, 故事完畢就各自四散去玩自己心儀的玩具, 今次小B選擇了玩泥膠, 玩泥膠時老師和校長分別都有走過來跟小B傾計, 例如問小B名字, 跟誰來學校進行面試, 以及問問小B正在把泥膠搓出什麼東西之類等問題, 過程輕鬆又簡單, 完全不覺得自己正在面試當中, 所以大家都沒有壓力架, 整個過程大約30分鐘就完成, 12月中旬就會有結果, 不過兩間救世軍比較之下, 我還是喜歡小B現在全日的那間多一點, 最起碼我唔覺有大陸人囉, 就算有都應該唔多.

所以就算這間學校收, 我都未必會考慮, 原因係太多大陸人了...  





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 4th Interview (保良局歐陽少芳)

08.11.2014

終於都去到最後一日Interview啦, 今年少少地跟去年一樣要In 5間學校, 不過今年出奇地覺得好辛苦囉, 所以真心覺得自己去年大住肚帶小B去In 5間學校好厲害架, 哈哈!!

一早起身小B就話唔想去學校面試, 可能去得太多, 小B自己都覺得辛苦, 但經我三言兩語之下, 好快小B就肯起床刷牙洗面換衫跟我出門去學校喇...

由於落雨關係, 媽媽免得麻煩, 所以選擇了搭的士.  我們提早15分鐘就到達學校, 之後好快就被站在門外的外藉老師 (應該是印度人)帶到課室門外等候面試, 等了不到5分鐘, 我和小B跟兩位家長及小朋友一起被安排到課室進行Group In, 家長有家長們In, 小朋友有小朋友們In, 整個Interview都是以全英語進行, 我信小B識答就奇啦...

不過媽媽我一早就於網上得知, 這間學校是會以全英語面試, 但唔試就連丁點入選機會都沒有嘛, 所以就即管抱住去吸取經驗的心態面試喇, 果然...今日媽媽我獲益良多呀, 終於見識到家長們如何Show Off自己了, 相反我就答得超Hae, 始終自問英文唔叻, 足以溝通已經覺得可以, 所以無謂講多錯多.  一開始外藉老師分別問我們3位家長幾個問題, 之後我就見有位本地老師行到小朋友台跟他們進行面試, 雖然老師是本地人, 但她都是以全英語跟小朋友們對話的, 我留意到除了其中一印藉小朋友算是有給老師反應之外, 小B和另一位小朋友都沒太理會老師, 雖然我聽唔到老師問小朋友的問題, 但小B完全無反應, 所以老師好快就In完小B, 我絕對有理由相信, 憑著我們倆母女的表現, 一定不會獲取錄.  算...反正我去學校前已經預料到會是這樣, 所以平常心啦.

面試完老師送上小禮物後就可以離關, 前後面試都不過15分鐘, 果然是快來快去.

離開學校時, 我問小B是否不明白老師問題, 小B點頭, 而我亦真心覺得這間學校的面試方式對於一個兩歲多的本地小朋友好像太難了, 因始終並非每一位小朋友都會以英語作為母語, 所以難怪小B於面試期間我見她有想逃離現場的衝動, 哈哈~

今次機會難得, 下次當我們再預到類似的Interview時, 希望大家都可以做得更好!!





最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^

K班大作戰 - 3rd Interview (迦南)

07.11.2014

今日特地請假帶小B去Interview, 可惜爸爸要返工, 所以媽媽就只好單拖帶小B去面試喇.

我們按原定時間早了10分鐘到達, 在門外排隊等候了一會便可入內登記, 接著再帶小B到遊戲區玩, 等候簡介會開始.  原來今年教育局統一安排了所有參加學劵制的學校於明年1月22-24才可辦理入學登記, 那即是話...今年應該不用白交留位費了, Good!!

但大前提係...有學校收再算吧, 哈哈~

用了十數分鐘聽完簡介會後, 我們再到遊戲區等候叫名入課室面試, 可能太遲才交報名表, 結果我們的編號都算是蠻後的啊, 好像差不多是尾2, 尾3位才到我們面見.

一入課室, 小B依舊照媽媽意思, 跟老師講午安, 然後老師便開始進行面試喇, 首先老師問小B名字, 是誰帶她到學校, 接著就叫小B穿珠仔, 穿完珠仔當老師準備收時, 小B好有手尾地拆完珠仔才交給老師 (這是小B學校教的, 因要訓練小朋友有手尾), 結果老師大讚小B乖, 然後老師再拿出拼圖, 由於這幅拼圖對小B有少少難度, 所以媽媽和老師都有輕輕協助她, 結果最後當然順利拼回啦, 接著老師拿出4張英文字畫咭問小B, 出奇地...原來小B識答架, 等我一見到英文字畫咭時還馬上替小B擔心添, 最後老師再叫小B按大少次序疊高, 問媽媽幾條簡單問題就完成.

由上星期至今的3個面試表現都令人滿意...Good Job~

最近媽媽幫倆姊妹開了一個Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^