Pobling洗面器

時下潮流興了好一陣子的Pobling洗面器...我終於都入手了!!  (大家唔好笑我Out啦)

老實說...當了媽媽後, 真的連到美容院做Facial的時間都沒有, 現在就更加連在家中敷Mask都不能呢, 全因為我家小B驚驚囉, 所以所有人等都不得在小B面前敷Mask, 唉~

雖然話就話如果想要皮膚好, 只要多做保濕就可以, 但說到底都要先徹底清潔皮膚嘛, 見Pobling平平地就即管買來試試吧.

到手後馬上試用, 暫時感覺良好, 刷毛幼細得連眼部位都可以用, 讚呀!!

朋友更誇張得說用了一排之後, 連毛孔都細了呢, 等我用上一排之後再作分享.


好...一於繼續努力扮靚dd, 唔要變做黃面婆, 雖然我是80後媽媽, 但都真的好希望當小B和妹妹長大以後, 可以跟她們扮作姊妹般行街Shopping呢...呵呵~

豬頭盈

星期一下班回家, 發現小B面, 手和腳都有被蚊叮情況出現, 雖然不算嚴重, 但爸爸都已經覺得好誇張啦, 所以幫小B沖涼後, 馬上搽過醫生開的消炎藥膏, 希望可以幫小B舒緩一下.

直至半夜小B突然醒來猛話好痕, 起初我和爸爸都以為小B玩野, 求期敷衍了她, 替她再搽一次消炎藥膏就算, 不過小B好像未有止痕之餘, 還不停叫爸爸幫忙"R痕"呢, 最後經爸爸檢查之下, 發現連Pat Pat位置都開始紅了.  當時我還在想難度是有床蝨, 但明明我們三人同睡在一張床上, 沒理由只咬小B不咬我們.  算...就當是近日天氣轉, 加上小B皮膚幼嫩, 所以才被蚊/蝨咬吧.

誰不知...第二天當我回到公司不久, 婆婆打來話小B起身後整個背脊都紅了, 還問我會否是起濕疹.  由於我未有親眼目睹紅的情況, 加上媽媽我又沒有濕疹問題, 根本就不懂得去分辨, 最後我叫婆婆幫小B搽醫生開的藥膏, 看看有否好轉再算.  隔了一會兒, 我再致電回家問婆婆, 婆婆話搽了藥膏不久背脊的紅開始慢慢退去, 未有起身時般嚴重啦, 所以我就沒有叫婆婆帶小B去睇醫生喇.

但當我下班回家途中, 竟然再一次收到婆婆電話, 婆婆還好緊張地叫我快快回家帶小B去睇醫生, 因為這時候小B面和頸都變成了這個樣子...至於身, 手和腳都已經唔想再影了, 因為真的太誇張啦.

(這還未算嚴重豬頭, 睇完醫生回家不久就真的發到變豬頭)

最後醫生診斷話小B皮膚過敏加出風癩...  由於這兩天小B沒有嘗試過任何新食物, 所以估計是因為被蚊叮而導致過敏, 總之媽媽見到小B這個樣就戥她辛苦啦.  

回家後不久更連眼, 面都紅得腫了起來呢, 那時小B除了喊和周身R, 真的沒什麼可以做到, 好陰公豬囉.

可能小B見我們不停話她口腫面腫好醜樣, 結果小B喊住擰轉面話自己醜醜, 叫我們不要望她, 不要笑她, 看來...我家小B的貪靚程度比媽媽我還要厲害啵.  雖然小B確係好慘, 但見她講這些話時, 真的忍不住差點笑爆嘴, 哈哈~

幸好食過藥後, 今早已經消腫啦, 希望小B快快康復, 還她全身白滑皮膚, 而媽媽我亦總算可以鬆一口氣, 不用太過擔心.

Next - 小小分享

從前喜約三五知己Shopping的我, 已經好久未有出外Shopping啦, 不過沒關係啦, 反正網購都一樣可以滿足我嘛.

早幾日遊經Next網站, 迅速又敗了少少給它...
http://hk.nextdirect.com/en/

初次試買, 不知質量及Size如何, 所以未敢買太多, 隨意選夠$200就算, 因為買滿$200就可免除$30運費.

花花裙 + 白色Legging (實物跟網站圖片相同)

質料不錯, 只是Size方面要注意一下.

今次分別買了兩套, 一套選了3-6m給妹妹, 一套選了2-3y給小B, 打算下月到影樓拍照時穿姊妹裝, 可惜兩套裙和褲都略長了一點, 或許外國Size偏大啦, 所以要等婆婆幫忙修改才可穿嚕.

棉質襪仔 (實物跟網站圖片相同)

買了一Pack 3-6m給妹妹, 等妹妹出街時不用赤腳.

是次網購尚算滿意, 待有新貨時再入手...呵呵!!

我的第3個寶

我細佬話TBB有隻009, 我地屋企都有隻ON99  -.-"

誰說牠是ON99, 牠是我的第3個寶才對呢~

不過說實話...這兩年來, 我的確忽略了金仔感受.

從前一整天在家中都攬著金仔, 一有空閒就會帶金仔跟一些狗狗朋友去郊遊, 簡直視金仔如己出一樣, 當正金仔是親生仔舨看待.  不過自兩年前小B出世後, 金仔已經由第一位跌至第二位啦, 沒辦法...如果人仔同狗仔比較, 人仔好像更需要我嘛.

由於自知對金仔開始疏於照顧, 加上我知我細佬又好錫金仔, 所以我將照顧金仔的責任就交了給我細佬喇, 幸好...到目前為止暫時都未有令我失望.  不過因為我少了時間陪金仔的關係, 結果金仔對我就不瞅不睬啦, 但如果金仔見我一個人靜下來不用照顧小B時, 還是會走過來痴著我的.

直至兩個月前, 妹妹都出世了, 好自然金仔再由第二位跌至落第三位, 雖然我更加無時間去理金仔, 但我依然係好愛金仔架.  希望遲些等小B和妹妹再大一點, 可以再一起帶金仔四周圍去玩啦.  不過金仔見我現在連丁點時間都抽不了出來陪牠, 開始連眼尾都唔望我一下呢, 唉...

口服輪狀疫苗

妹妹B已經兩個半月, 又係時候去搵醫生叔叔食輪狀疫苗啦...

食疫苗前, 醫生先為妹妹B簡單檢查身體.

原來妹妹B直到今日為止, 肚風問題依然存在, 不過媽媽見妹妹沒有再無緣無故大哭大鬧, 還好天真的以為妹妹B已經沒有了這個問題 (但肚風不是病, 基本上沒有哭哭鬧鬧其實可以不理).  除了還有少少肚風之外, 大致上一切正常.

體重: 11磅12安士
身長: 63cm
頭圍: 38.5cm

醫生大讚妹妹於短短個多月裡重得3磅多, 算是非常理想.  (難道妹妹努力追磅, 想做個節瓜米芝蓮BB, 哈哈)

去完診所, 婆婆帶妹妹去街市打個轉, 結果好多EE都話妹妹大粒, 不像只有兩個半月大, 就連媽媽我自己都覺得妹妹大得好快, 已經沒有了初生時那種BB味道呢.  莫非因為妹妹長得比較長, 所以才會令我有這種感覺嘛?!

另外, 最近妹妹在ZzZzz方面, 終於好了一點, 雖然沒有之前那麼醒訓, 但間中仍是會一放落床就醒, 一放落床就喊, 媽媽我每次遇著這種情況時, 都想極速把她打暈, 真的只有婆婆才忍受得了.

脫毛迎夏日

自前年Join了做彩光脫毛後...我只做了4次Treatment, 腋下毛毛問題明顯得以改善, 變得幼細之餘還少了好多.  不過因為我夏天經常穿著背心關係, 所以即使只有幾條幼細毛毛, 我仍是會覺得好樣衰好礙眼, 所以時不時都會自行再用剃刀把它脫掉 (其實顧問姐姐已經吩咐了我最好少用剃刀).  只因去年臨近夏天之時, 我發現懷有妹妹B嘛, 最後無得做Treatment之下, 唯有用回剃刀囉, 結果...毛毛好快又變得多了一點, 但仍比未做Treatment前少. 

唉...真想知道究竟還要多做幾次Treatment才可以把毛毛永久脫掉?  (印象中第一次去做時, 顧問姐姐好像有提及過大約8-10次左右) 

唔好理啦...既然已經生完妹妹, 又無再餵媽媽奶, 還是快快手約期做Treatment最實際.  未知是否見我太耐無做, 今次約期比平時快好多, 平時每次約期需要等大約3個月, 今次只需1個月就有期給我, 趕得及把毛毛脫掉迎夏日呢, 呵呵!!

Lunch時間去做, 快快手...15分鐘就可以走人.  ^^

小小生日飯局@Nardo's Cafe

好朋友小小生日, 難得遇上假期, 當然要正日慶祝啦!!  不過因為早上已經跟小B去放電的關係, 所以我腦海曾有一秒鐘出現過放飛機的念頭, 但最終都過不了自己, 所以即使再累也堅持帶著小B一同出席.  (自小B兩歲後, 加上妹妹已出世, 為免辛苦婆婆, 除了上班以外, 其餘時間我都盡量會帶住小B)

今次朋友找來這間Nardo's Cafe, 環境算是不錯, 至於食物就...真的好一般囉, 以每位$250這個價錢來說一點都不值啊, 但始終人多去Cafe就會比較適合一點, 不過侍應生的面口就不太好看了, 或者是我們要求多多, 所以有位侍應姐姐經常黑著臉來對我們吧.

出發前已跟小B提及會有生日蛋糕食, 結果...蛋糕未出場, 小B就已經跟我說要食生日蛋糕.  可能有姐姐聽到小B話想食蛋糕, 好快...蛋糕就出場了.

朋友囡囡遲小小一天生日, 所以順道一同慶祝.

祝小小生日快樂, 青春常駐.  (幸好謙謙都有出席, 否則大人的生日飯局, 一定把小B悶壞)

最後一起來張大合照...

今日帶小B走兩場, 回家後小B馬上就跟我說要食奶奶訓覺覺, 似乎我成功把這個電力充沛的小B放盡所有電啦, 咔咔~

Blog Blog BB去野餐

復活節假期最後一天, 又可以跟Blog Blog BB聚頭啦, 今次去佐敦谷野餐確實好玩, 相信所有BB都應該放電大成功吧!!

(由於單拖關係又無帶相機, 小B媽我只好偷Blog友相出Post, 希望Blog友仔們不要介意)

一早起身發現天陰有雨, 以為今日野餐活動要被迫取消, 幸好到最後大家都堅持照去, 結果天公造美, 沒有下雨沒有太陽只有微風, 感覺非常舒服, 下次放假一於再帶小B去佐敦谷玩.

首先要跟大家說聲不好意思, 因為我和小B遲到了, 沒辦法...實在不忍心把向來夜訓的小B吵醒, 唯有等佢自然醒啦.

一到步...性格慢熱的小B需時Warm Up, 只好乖乖痴住媽媽, 見肚B媽影小B, 媽媽又攝位一齊影先.

齊人啦...小朋友們紛紛準備入營開餐.

不過好快他們就各自散開...所以數齊人頭總算合照成功.

好...小朋友們的合照影完...就齊齊開大餐嚕.  (辛苦晒所有有份出力的媽媽)

難得個個坐定定醫肚, 小檬媽把握時機叫影大合照, 辛苦晒小檬爸...

快快食完, 小朋友們又趕住去玩去放電, 再一次四散.

小B對晉晉手上的Bubble好有興趣...

最後...當晉爸吹Bubble時, 小B興奮得追住摸追住叫.

玩完Bubble, 踢完波波, 當然唔少得去遊樂場玩啦.

招招積積...好得戚.

嘩...豬咀樣好可愛呀~

成功同靚仔小檬合照, 下次姨姨又要一齊影...

明明兩個都係一月B, 點解小B老積過小檬咁多架?! 

 臨走前, 小B成功抱得大爺歸.  :p

事後我問小B, 下次再同大爺一齊玩好唔好, 小B話好呀...  似乎小B真的蠻喜歡大爺呢, 還記得上次Blog Blog BB Gathering時, 小B都有追住大爺玩架, 哈哈.

是日放電大成功, 小B一上巴士就9秒9暈低, 難為媽媽我要由巴士站抱著27磅的小B回家啊...超累!!

佐敦谷確實是一個適合一家大小, 以及小朋友放電的好地方.

Btw...期待下一個Blog Blog BB再聚頭的活動啊~

麻甩姊妹花

雖然我生兩個都係囡, 但係我兩個囡出世時都俾好多人話似男仔架, 再加上佢兩個平日係屋企既造型...簡直拍得住地盤既麻甩佬呀, 所以我叫佢地做麻甩姊妹花, 哇咔咔咔!!

淘淘淘

放了兩個多月假, 一直無時間淘寶, 結果一回到工作崗位就手痕要馬上淘過夠.

以下兩樣都是買來送人家的, 住婆婆樓下朋友的工人姐姐做了十年多終於都要走啦, 這兩年多來, 她時不時都幫我手照顧小B, 見她好錫小B之餘, 小B又好肯跟她, 知道她快將要走, 確實有點捨不得.  可惜我家沒有地方給工人住, 否則想也不用想, 我一定會聘請她.  說真的就連妹妹都好喜歡這位姐姐架, 每次妹妹見到她時都會笑得好開心, 可惜可惜...

原本我有打算將她介紹給朋友, 不過姐姐話, 除了小B和妹妹之外, 她一律不做有小朋友的家庭, 而最後她的新工作亦將會跟以往一樣, 照顧行動不便的老人家.

這是我淘來送給她囝囝的...

 

Tee Shirt和鞋子質量都非常好, 小小心意, 希望姐姐會喜歡啦!!

另外淘了兩對一樣款的拖鞋給小B, 其實我們在家一向好少穿拖鞋 (除了冬天), 只是小B好鐘意跟住出門口倒垃圾, 所以就即管淘兩對拖鞋回來方便她行出行入時穿著.

料子軟又不刮腳, RMB19...真抵買~ 

病病豬

我家小B生病了, 前兩天一家人去食過稻香一蚊雞回家後, 姨姨發覺小B好熱, 一探體溫之下原來有人發燒呀, 幸好38.x度只是低燒而已, 食過兩次退燒藥就已經無事.  原本還以為是發骨節, 應該燒完就無事不用去睇醫生, 誰不知兩天後小B就開始鼻水長流, 結果當然要去睇醫生啦, 免得一拖再拖, 拖到復活節假期還在生病就大件事嘛.  皆因媽媽我安排了好多節目架, 萬一小B還在生病, 那有部份小朋友的節目就要被迫缺席.

這是每次到診所的指定動作...玩車車.  (等得耐, 連笑容都收起了!!)

今次只是傷風, 食過兩次藥, 鼻水已經少了好多好多, 希望復活節前, 小B可以完全康復啦, 免得出席有小朋友的活動時, 惹病其他小朋友嘛. 

睇完醫生行經優之良品, 有個小朋友見到放在門外的玩具蛋, 竟然拿起後就自己行入店內, 還叫媽媽我買給她.  但我又不知何解竟然未有拒絕, 乖乖付錢.  算...見小B拿著玩具蛋笑得那麼開心, 就當是媽媽送給她的復活節禮物吧.  

兩個月

12042014

不經不覺...妹妹B已經兩個月大啦, 但看來眼睛好像依然未有變大啵, 或許妹妹跟爸爸一樣同是小眼晴一族啦.

兩個月, 開心笑一笑!!

記得小B小時候眼睛一樣好細好細, 我曾經有理由相信 + 一度接受了小B可能是矇豬眼一族, 幸好隨著年紀漸大, 小B的眼睛都開始變得大了 (雖然依然是小眼睛, 但不致於被人叫矇豬眼囉), 希望妹妹都不會成為矇豬眼的一群啦, 哈哈.

自個半月左右, 妹妹已經不再是一舊飯啦, 開始跟我們有些少互動, 只要跟她說話, 妹妹就會笑, 如果跟她拍手, 妹妹更會大笑呢, 有時家姐摸摸妹妹, 妹妹又會望著家姐笑笑, 好Sweet Sweet架.

至於妹妹生長方面, 就有待明天去健康院才知結果...  不過上星期婆婆帶妹妹到QE覆診, 姑娘就話妹妹生長得不錯囉, 無論高度, 重量及食奶方面都好好.  初出生時只有6磅3的妹妹, 現在已經有10磅多啦, 奶量更已經增加至5oz一餐呢, 所以明天到健康院, 相信姑娘應該不會說有什麼不合格之類的話.

明天就要去健康院打兩針, 到時聲大如雷的妹妹一定喊到拆天都似.

妹妹: 下...唔係嘛, 要打兩針咁多?!?!

開心果

小時候我喜歡食開心果, 長大後我竟然擁有兩粒開心果!!  希望你倆個日日都可以開心笑一笑啦...Keep Smile~

HiPP 有機小麥餅乾

昨天婆婆話小B變得越來越包包臉, 那其實是因為小B跟媽媽我在一起時由朝食到黑, 如同生大食漬一樣, 莫講話小B變得包包臉, 就連媽媽我自己都越來越Fat啦...  加上小B跟媽媽一樣愛吃零食, 雖然我們向來什麼都給小B吃, 就連街邊魚蛋, 麥當當薯條, 薯片等垃圾食物, 小B好早就通通都已經試過, 但有時...媽媽我還是希望小B可以吃得健康一點.

所以今次想介紹一下這款有機小麥餅乾...

這款小麥餅乾, 嚐起來只有淡淡麥香味和甜味,...  起初還以為小B會不太喜歡, 因為我之前都有買過幾款不同的BB餅乾給小B做零食, 但每次小B都只嚐幾口就放下, 所以我認為小B應該是跟媽媽一樣不喜歡食餅餅的, 可是今次小B嚐了幾口之後, 竟然好像上癮一樣, 不停話要餅餅餅餅, 最後更一口氣吃下5, 6塊餅乾, 要媽媽叫停才肯停.  看來小B都算識食啵, 因為有機餅乾並非平價貨嘛, 哈哈.

唯一缺點... 這是紙盒包裝, 開封後好快就會變淋, 所以一定要自行再用密實袋或膠樽封存.

小B食得開心食得健康...媽媽就當然最放心啦!!

如果你都對有機餅乾有興趣的話, 不妨試試這款HiPP小麥餅.  :P

家傳之玉

嘩...妹妹好幸福呀...竟然收到由我嫲那代傳落黎的玉墜做禮物, 雖知道我嫲於我5歲左右就已經離開了, 但小時候我是由我嫲湊大的, 所以即使小小年紀印象依然好深, 那就証明了即使年紀有多少, 小朋友是真心能夠感受到身邊那些人是愛錫自己的啦, 所以我要好好愛鍚我的一對小寶貝, 免得她們長大以後話媽媽唔鍚她們, 哈哈!!

我對玉石沒有研究, 更加沒有配戴玉器習慣, 不過經我姨丈看過後, 相信這玉墜是不錯的, 所以遲些待妹妹大一點, 我就會幫她戴上.  而且老人家常說小朋友配戴玉器可作定經之用嘛, 雖然我不知道這是否真有效, 但既然這些都是老人家們的心意, 所以我們都有為小B戴上她出世時由親友們送她的玉墜.

不要看這玉墜好像好新似的, 其實這玉墜已經由我姨丈做過手腳啦...原先圍著這玉墜周邊的都是金, 但我就嫌它太老套太俗氣, 一點都不適合小朋友配戴, 所以就叫姨丈幫它改成銀喇, 現在看起來是否感覺潮了一點呢!!

其實最沒想到的是... 由我嫲送給我姑姐的玉墜, 最後竟然會落在妹妹身上, 希望妹妹將來都會好好保存它, 一直將它傳給她的下一代...  ^^