有小朋友嘅我哋, 放假總唔能夠宅喺屋企, 之但係爸爸媽媽又真係好攰好想休息啵, 但媽媽又唔忍心要倆姊妹陪我哋悶喺屋企, 結果近近地就走咗去新城市Hae玩Hae行4粒鐘喇...
Window Shopping呢個活動只能滿足到爸爸媽媽, 絕對唔能夠滿足小B同妹妹, 所以行咗一陣, 小B就已經要求我哋帶佢去公園玩啦, 既然係咁就去Snoopy Land啦.
原本好眼訓好眼訓嘅妹妹, 一去到公園, 整個人馬上生猛起來...
識行識走但企唔定嘅妹妹好難影到靚相, 至於小B就氹到口水乾先影到一千零一張...仲要係唔望鏡頭, 真係吹漲~
鏡頭一轉, 倆姊妹已經唔受控制要去玩lu.
唔好以為爸爸喺度, 媽媽就可以輕輕鬆鬆呀, 其實我地係一人Mark一個架.
最後玩到爸爸頂唔順率先叫走人, 哈哈!!
之後去食個Tea, 行下Ikea再四圍攪攪震...
兩個玩琴玩到唔捨得走...
小B前排開始猛話想學琴, 但媽媽問過幾個朋友, 都建議叫小B 4歲先開始學, 所以請你耐心多等一年吧, 媽媽應承過就一定會俾你學, 只係最怕小B 3分鐘熱度咋.
認真嘅妹妹最可愛...
雖然今日無特別安排節目, 但見到倆姊妹一齊玩, 一齊笑, 爸爸媽媽就已經覺得好滿足啦.
開心就係咁簡單 ^^
倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
我係由細學琴學到大嘅，學琴真係唔好太細個開始，對手指關節成長會有影響，講真四歲都係唔建議，至少六歲會好D，只係宜家D家長乜都要快同琴行有生意一定做，先會四歲都收
回覆刪除係啦, 宜家d人真係好顛, 4歲就已經開始學琴, 其實我都有諗過再大d架, 不過小b好記得呢件事, 所以成日都同我講, 我到4歲就可以學琴, 唯有到時俾佢試下先啦~~~~
刪除一家人一齊過已經好開心啦！
回覆刪除係呀, 簡簡單單, 唔洗特別諗節目, 只要見到佢倆姊妹開心, 我同爸爸就已經好滿足~
刪除不如買個玩具鋼琴仔比小b玩, 從而觀察佢係咪真係有興趣.
回覆刪除btw, 你住邊頭ga其實? 我成日以為你係"九龍人"呢~ ^^
佢生日時, 姨姨本來想買個鋼琴仔俾佢玩架, 但最終佢自己又揀左結他喎, 所以睇黎我都要搵個藉口送個琴俾佢先得喇, 哈哈~
刪除我住大圍架, 不過長時間都係婆婆屋企 :P