6月之旅

Yeah...Yeah...Yeah...相隔一年八個月, 我們一家落實6月又飛去玩啦!!  今次同行除了我們一家四口之外, 還有婆婆, 亞父, 契婆同契姨姨, 絕對是個新組合呢, 雖然妹妹年絕尚少, 但有婆婆同行嘅關係, 所以媽媽完全唔擔心啵, 只擔心妹妹飲食方面問題而已.

我話過對倆姊妹要公平, 所以小B兩歲前去過旅行, 妹妹同樣都會喺兩歲前去旅行架.

而經過上次一家三口台北之旅後, 小B爸已經下令如果再帶小朋友去旅行的話, 一定要夠Hae, 皆因上次台北之旅行程編得太多太緊密, 日日早出晚歸, 結果去到旅程第3日我同小B爸就相繼病倒, 所以既然今次一家大細去旅行, 地點只可以選近一點和輕鬆一點的地方.  知道小B鍾意游水, 婆婆就想行下食下, 最後就決定去高雄+墾丁喇, 加上今次選擇包車遊, 相信應該可以輕鬆點呱.
 
希望今次又係由我來統籌嘅台灣之旅, 大家都食得開心玩得高興啦...

雖然還有3個月才出發, 但媽媽我一想起就已經好期待好興奮啦, 呵呵~





倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^