自去年10月開始, 小B雙手一直敏感, 時好時壞, 但每次我哋都無特別因為咁而去睇醫生. 只係有兩次小B咁啱病咗要睇醫生時, 媽媽多口問醫生兩句, 不過因為當時小B雙手已經好得7788, 所以醫生看吧後就只說是敏感而已, 但因咩事而敏感就唔知喇, 只係建議我哋唔好再用酒精搓手液, 其實我哋一直都無用架, 不過我知小B學校有囉, 所以我都有特別同老師講, 唔好再俾小B用. 原本以為停用酒精搓手液後, 事情就會告一段落, 點知小B雙手敏感情況反而更加厲害, 幾乎每隔一至兩星期就會起一次, 但每次搽過醫生開嘅藥膏兩至三日左右就會好起來.
每次敏感時, 小B嘅手指位, 手腕及手背都會長滿粒粒, 而且泛紅, 嚴重時甚至會長出水泡呢...真係見到都心痛, 而小B就已經開始習慣了, 只要一覺手仔痕就會同我講話又敏感, 叫我幫佢搽藥膏.
這是早幾個月前敏感初起嘅手仔...
其實我係咪應該要搵個皮膚科醫生幫小B睇睇, 查明敏感原因呢?!
這是早一星期影嘅手仔, 經過幾個月反覆敏感後, 小B雙手已經變得又皺又鞋啦.
唔知嘅話仲以為係婆婆對手呢, 唉~~~~~~~~
大家有無好嘅皮膚科醫生介紹呀? 如果再係咁敏感, 我哋決定帶小B去睇醫生, 因為一直敏感其實都幾擾人架, 我哋心痛之餘, 小B又覺得痕喎, 總之就唔想大家辛苦啦.
倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
陰公豬，我生完燒腩仔之後都成日有呢個情況出現，今年直情未斷過尾，睇親醫生搽咩藥膏都無用，又係話皮膚敏感就算，我自己就估係免疫系統差咗所以咁，但小B仲咁細又女仔，真係要睇好去呀
回覆刪除我上網睇forum見有d小朋友都係咁, 話係免疫系統差...咁但係我可以點呢, 去睇皮膚科有用嗎?!
刪除唯有多D搽cream保濕，盡量勸佢唔好R啦，同帶佢做多D運動食得健康D，睇吓會唔會有好轉啦，我最近轉咗搽馬油，情況好似好咗少少，但始終斷唔到尾
刪除陰功呀！ 我就無皮膚醫生介紹，但希望小b 快d 好番啦！！ 幫佢查多d lotion 會唔會有用？我記得以前d 人話用莞西浸有用，不過係計對濕疹，唔知同唔同野呢？
回覆刪除http://sharonlambenny.blogspot.hk/2014/07/23-months.html?m=1
回覆刪除陰公囉～一定好痕好辛苦，難為小b
回覆刪除我睇fb谷有個皮膚科醫生，個個都話好好，本來我想同姑豬妹去睇，不過因為遠，所以遲遲都未去，你睇吓要唔要同小b去睇吓
楊志強醫生
醫務所地址：香港中環威靈頓街1號荊威廣場 11樓11/F, Silver Fortune Plaza, 1 Wellington Street, Central, Hong Kong
電話：21099999
Thanks Mui Chu MaMa~
刪除