黃大仙消防局開放日

一直都好想帶小B去消防局參觀, 可惜媽媽後知後覺, 每次都係係FB見人放相先知有開放日, 好彩上星期有媽媽會媽媽報料, 媽媽先無錯過今次機會咋.

今次黃大仙消防局開放日, 見一程巴士就可到達, 雖然爸爸要返工, 但地點唔遠都可以帶小B去玩.

Ready Go..Go..Go...

今日遲了出門, 去到已經2:45, 只見消防局內人山人海, 但門口位置消防車唔太多人影相, 當然快手影幾張先啦.

 已經係最細架消防車了, 但依然顯得小B好細粒.

小B: 我好想坐上去呀...

小B: 唔坐得, 咁爬上去睇下都得瓜, 但媽媽唔夠手長添...

影完消防車, 馬上入局行一圈, 嘩...每個攤位都好多人排隊呀, 最多人排隊就係扮消防員影相喇.

小B: 我型唔型先?!

原本可以換埋對消防Boot影相, 不過排隊人數越來越多, 工作人員為了快手疏散人龍, 最後只餘下消防衫同帽影相.

扮完消防員, 另外一定要去跟救護員影相, 因為可以滿足小B坐電單車嘅慾望嘛, 哈哈~

可惜小B唔習慣跟陌生人影相, 所以影相時變得目無表情.

既然唔鐘意同陌生人影, 咁就不如同消防狗影相啦...

雖然今日唔夠時間玩攤位遊戲, 不過於排隊影相期間, 總算睇到精彩的救火表演. 

差不多4:00, 開放日時間已到尾聲, 工作人員都開始叫人離開了.

下次再有開放日, 一於早D去玩先得.

如果大家都有興趣去玩, 記得密切留意消防處最新活動Update啦.  ^^





倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^