不過自我家妹妹出世後, 小B一直覺得自己跟妹妹一樣是BB, 所以飲奶方面又試變得瘋狂, 莫講話用奶樽飲奶, 就連飲少一餐奶都唔肯呢, 直至小B開始返學後才回復正常至早, 晚兩餐奶. 期間婆婆曾經嘗試叫小B不如試用杯來飲奶, 可惜飲了一啖後最終還是要轉回用奶樽, 之後我們免得麻煩就一直再無試用杯飲奶啦, 甚至月初時我更加幫小B換過全批新奶樽呢...
但想了又想, 想了又想, 其實小B已經3歲, 真的該是時候要把這個習慣戒掉才對, 一方面對小B牙齒好之餘, 另一方面我亦唔需要再花錢去換奶樽, 最重要係我可以洗少幾個奶樽嘛, 哈哈. 加上小B已經進化到連飲湯都指定要用奶樽, 有時無煲湯只係滾菜水都話要奶樽, 實在太麻煩太麻煩啦, 所以我終於拿出決心, 決定要幫小B戒奶樽.
於是昨晚我從網上找了一些爛牙相, 蛀牙相給小B看, 以小B愛靚嘅性格, 小B一定接受不了自己會有這樣的牙齒, 加上我再講兩句, 話大個女而且長滿牙齒嘅小朋友, 若然一直用奶樽飲奶飲湯, 牙齒好快就會變成這樣嚕, 結果...小B一睇完相就話唔再用奶樽啦, 而晚上飲奶時亦堅持唔用奶樽, 但用杯飲, 只飲了半杯就唔飲Lu, 既然係咁, 我會一直堅持, 或者可以順道幫小B戒埋奶添啵, 哈哈!!
小B加油, 大個女...你要決心同奶樽Say Goodbye啊~
倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
哈哈，小b 果然貪靚，hannah 都係時候同 straw cup byebye
回覆刪除好彩小b貪靚先咁易攪惦佢咋, 哈哈~
刪除你果然了解小B貪靚嘅性格喎﹗媽媽叻叻﹗
回覆刪除佢嘅貪靚程序真係越黎越嚴重, 可能遲d連出街前都要學大人化完妝先出門口添啵,哈哈!
刪除哈哈，好正呀竟然用爛牙相去勸小B戒奶樽XD
回覆刪除我地都仲未同肚B戒，不過估唔到見到細妹飲奶，家姐更加乜都用樽飲喎，唔通我都要襯早同肚B戒樽？！
會架, 佢見到個妹點就要點, 成日話自己同妹妹一樣係細細個bb喎.
刪除其實戒唔戒奶樽我又覺得唔係咁大問題嘅, 不過我懶得洗咁多者, 而且我見佢宜家都大, 所以就即管試下~
一歲去健康院，姑娘已經同我講1.5歲要戒奶樽，我真係覺得好有難度。睇你的方法，好似唔錯，哈哈。
回覆刪除其實我又唔太建議真係咁早戒, 但家姐已經3歲, 我覺得佢可以用杯飲奶, 所以先幫佢戒咋, 點知一戒奶樽, 連奶都戒埋, 用杯飲, 佢只會飲兩啖過口癮就算~
刪除前排烚奶器坏了，現在無烚奶樽，靜靜雞依排只比鴨咀杯一仔飲奶，又ok喎，但仍要用奶樽開奶，因奶樽有刻度!
回覆刪除爛牙相的方法幾好，試下用來幫一仔戒奶咀先!?
妙計，小豆子都未戒，仲好喜歡奶，早晚都要，我由他，4age la, 會考慮迫佢用杯，最好佢大大下自然戒啦！
回覆刪除