下水禮

31052014

這個夏天真太熱, 雖然爸爸要上班, 但難得有姨姨, 馬仔哥哥陪, 當然要帶小B去游水啦...  而且小B開始大個女, 去幾遠都已經不成問題, 只要有得玩, 絕對難唔到媽媽我, 加上小B一大早知道有得去游水, 表現都非常配合, 乖女~

我和小B跟哥哥一起由大圍出發到將軍澳會合姨姨, 再吃個豐富早餐就向銀線灣進發啦...

去到沙灘, 小B好心急...連泳衣都未換就猛話要落去游水喇.

雖然小B並非首次到沙灘, 但第一次去沙灘時小B只得半歲大, 而且當時更因為一號風球天陰大風而未有下水, 想不到再去沙灘小B已經兩歲多啦.  原本我和姨姨都好擔心小B會因為怕沙吉腳而唔肯落地, 但似乎我們的擔心都是多餘的, 因為行多兩步, 小B好快就已經習慣了, 適應能力極高, 哈哈~

倆母女先來張合照...

好熱呀..好熱呀..快快落水消消暑.

曬到連眼睛都不見了~

媽媽打算中場休息, 但突然小B好像搬水工人上身般, 不停要媽媽陪出去打水.

驟眼看來, 小B都有丁點睇頭 (我指肉地方面), 哈哈!!

倒呀倒...倒呀倒...

手拖手的畫面, 其實蠻溫馨.

有人覺得自己唔怕沙又唔怕水, 好勁勁囉, 哈哈~

有得玩, 小B可以唔洗飲水唔洗食野, 媽媽怕小B肚餓, 所以一早買定包包, 零食, 只可惜人家唔領情囉, 直至離開沙灘等車之際...有隻餓鬼突然上身.

玩了近三小時, 雖然小B唔願走, 但有人精力已經耗盡了8成, 結果上車後還不到5分鐘就已經快速暈低.