Pre-Birthday Lunch @ Hokahoka

6月份...又到了愛美媽媽的生日月, 至於愛美媽媽幾多歲就真係免問喇, 因為我唔認老, 所以往往唔會記住自己幾多歲, 多次要填個人資料時, 我都要慢慢計架, 哈哈!!

一如往年, 保險姐姐一定會請我食生日Lunch, 其實這個保險姐姐是數年前經好友介紹而認識的 (她是我好友的姑奶啊), 當時剛巧想轉保險經紀, 見是熟人親戚, 那就順理成章轉用了她喇.  一直以來...她都做得好好, 跟得好足, 所以我全家人的保險都轉了給她負責.  加上我倆公司又非常近, 所以時不時保險姐姐都會過來找我送禮或食Lunch, 好好笑~

我倆相約食Lunch, 多數是由她來選地點, 而今次她選的就是日本居酒屋Hokahoka喇.  這間居酒屋於去年生日時, 同事已經帶過我來, 不過因為當時才剛懷有妹妹B不久, 所以我未敢放肆食魚生刺身, 結果當同事們都在點刺身定食, 我只好假裝腸胃不適, 點天婦羅烏冬...

今次有機會再來, 當然要選刺生定食啦, 聞說這裡的魚生刺身都好新鮮嘛, 所以一定要試試看.

刺身定食 - 有蒸蛋, 雜菜沙律, 不知名前菜, 麵豉湯, 刺身及白飯, 算是豐富的一個Set, 而份量對於我來說亦剛剛好, Yummy~

蒸蛋超好味, 一打開蓋就聞到蛋香啦, 食完一碗真的想再來多碗.

麵豉湯不算太味精,  飲清光都未見有太口渴情況出現.

刺生有5款共10片, 厚度適中, 不太薄之餘亦非常新鮮, 只是八爪魚有點韌.

如有興趣一試, 記住要先訂位, 因為Lunch時間頗多人, 有的更是日本人呢.

今餐多謝啦!!  ^^