對於餵人奶一事, 究竟我應該繼續還是放棄呢?!
今日已經是產後第19天了, 但自從上星期開始, 奶量就一直無再增加嚕, 每次只維持在30-50ml左右, 而我亦有每天不停飲代茶, 魚湯, 荳奶及多吃飯, 可是就是一直無進展, 結果妹妹一日六餐裡面就只得兩餐是人奶. 雖然我是在沒有壓力下餵人奶的, 但有時為了贏自己, 我還是會跟自己鬥氣, 努力泵奶, 真的好低B呢, 哈哈!!! 不過近幾天我開始有想放棄的念頭啦, 而之前好支持我餵人奶的老公同時都竟然叫我不如放棄...
其實我有想過今次失敗的原因, 大概是因為根本忙得連泵奶時間都沒有吧, 好多時當我一想泵奶, 不是小B扭計要陪玩, 就是妹妹扭抱扭眼訓, 結果一拖再拖. 明明最理想應該是2小時泵一次, 但我就好多時都變為5-6小時才泵一次, 那麼又怎能增加奶量丫, 唉!! 難怪好多媽媽都話第2胎只要盡過力就好了...
暫時短期目標是餵到滿月, 還有十多天, 希望可以頂得住啦!!
上奶增奶湯水唔會令奶量多好多架，因為奶量講供求關係要多泵多啜先得。不過絕對想像到你湊細B又要陪大B真係好難分身，如果set左一個月目標，不如堅持埋佢啦，愛美你得架 :)
回覆刪除湊住兩個真係好快會顛.....
刪除如果老公都有一個月假放, 咁我就輕鬆得多啦!!
刪除我明白呀，我老公放一個月假，都講緊我淨係湊一個，愛美要湊兩個（仲要小B已經唔係食飽就瞓嘅BB），一定辛苦好多！不過既然set左一個目標，為自己為細妹去完成目標，你會覺得自己好叻好堅架！
刪除可能你連休息時間都少所以上唔到奶。完全明白有幾忙，我其實都係一日泵三次，我從來未試過兩小時一次，實在太密了。加油呀，頂硬上！
回覆刪除平均一日只係訓得5個鐘左右, 仲要分幾次加埋, 真係眼訓到暈!!
刪除唔夠瞓都影响奶量架！
刪除其實盡咗力就夠，如果覺得辛苦就唔好夾硬來，寧願爭取多D時間休息同陪兩個女，人都會開心同精神D
回覆刪除知道 ^^
刪除盡左力就夠喇!! 記得你係坐月mama! 你爭取多d 時間休息, 泵奶應變為2nd priority 呀, 加油呀.
回覆刪除知道, 我會盡量多d休息!!
刪除我都唔好你好多，兩個真係好難，我都想放棄。。
回覆刪除你有姐姐同婆婆幫手都唔ok咩?
刪除湊一個已难，更要湊兩個，都知更难！
回覆刪除盡了力便足夠，不要勉强自己！