對於奶泵一直沒有研究, 更沒有特別去考究...而朋友不介意地借出了Medela Swing給我, 那就順理成章用它, 沒再去找其他嚕. 原本有另一位朋友話借出Avent手泵給我, 可是大家都忙, 最後還是沒有約出來, 就在沒比較的情況下讓我講講我對我戰友的用後感吧!!
用過單泵後, 終於明白點解同事叫我買雙泵, 因為當一邊正在泵奶時, 另一邊就會不停漏奶, 對於一些窮媽媽來說, 真是滴滴眼淚啊, 起初頭幾次用時, 真的浪費了我不少奶呢, 幸好最後學精了...當一邊泵時, 另一邊就用杯仔來承接著, 那就不怕浪費喇, 但就有點麻煩囉. 若然滿月後我還能繼續人奶路的話, 或許我會多買一套配件, 將它變為雙泵用. 雖然好多人都話當Swing變做雙泵用時, 就會不太夠力, 但我又不想多花金錢去買個新泵嘛, 始終我未能預計自己那一天會完全放棄泵奶, 所以不想投資太多. 其實講力度的話, 我自己覺得還可以啦, 起碼我仍未需要調較到最大, 雖然力度確實有點不夠, 但較得太大的話又會痛喎, 所以我沒怎樣調較呀.
而單泵最大弊處, 就是在時間方面要多付出一半喇...不過由於時間關係, 我已經由一小時內完成變為半小時內, 務求不要塞奶就算. 但未知是否泵奶的時間太短關係, 感覺好像泵極唔清.
整體來說, 我對我戰友的滿意度還算可以, 但如果要我買的話...我寧願試試勁多人讚好用的那兩款韓國泵 - Spectra M1 / Spectra 9 Plus.
我一路都係用雙泵medela, 所以都無得compare, 不過用耐左都覺得ok 啦，唯一係比較嘈，同一定要有plug 先用到。 係屋企時間就係金錢，真係唔可以花成個鐘頭去泵，所以雙泵對我來講係好d
回覆刪除泵奶嘅時間最緊要快, 所以單泵真係唔太適合!!
刪除我之前成日咪母乳區都見人話果隻韓國泵又抵又好用架！
回覆刪除Swing轉單泵我試過，到時又要唸點handsfree，之前用舊爸爸剪兩個lon當handsfree不過又覺得唔穩，同埋我初頭除左用Swing個引奶mode係咁引奶之餘，都要手去按壓，所以最終都淨係用單泵咋~
佢個引奶mode都算ok, 反而一跳左去泵奶之後即刻少左, 咁你係咪不停就咁用引奶mode直到泵完一次呀?
刪除我買電泵之前買咗個手泵,泵到手斷都泵唔到少少,之後買咗個medela雙泵,真係舒服好多
回覆刪除手泵泵到手斷都未泵完, 如果有心泵梗係買電雙泵啦!
刪除我同事話swing轉雙泵夠力喎.
回覆刪除有機會繼續的話, 我又試下先~
刪除我有兩個朋友分別俾左MEDELA SWING MAXI雙泵和SWING單泵我，好明顯單泵轉雙泵係唔夠力。如果你買的話，Spectra M1 / Spectra 9 Plus聽說較好。
回覆刪除我用手泵，因無乜奶，但之后手痛，下次一定用电泵！
回覆刪除