我做得到

嘩..嘩..嘩..我的短期目標終於完成, 請以掌聲鼓勵鼓勵!!

對於我這個從前勁抗拒餵人奶的媽媽來說, 能夠足足捱上一個月, 實在難得.  再者自己奶量不多, 時間又不許可, 但我竟然能夠堅持以餵得幾多得幾多的信念來完成目標, 這應該都算對得住自己了.  雖然這一個月裡我曾多次想過放棄, 但幸好最後都能夠完成.

至於之後繼續餵人奶與否, 這個問題實在令我苦惱.  問心...我自己其實是想繼續的, 但我又好想可以有回多點時間, 加上產量不多令我感到好無癮, 可是另一邊廂就是自己不肯認輸的性格而驅使我去繼續, 唉, 你教我該怎樣做喇.  而上班後, 公司又無地方可以泵奶, 我真不想跟同事一起躲進廁所才泵奶呢......始終在廁所泵奶好像有欠衛生嘛.

暫時我應該還是會繼續, 不過已經產量少的我會再度減產, 所以妹妹每日大概就只可食一餐人奶啦.  其實相比起家姐一啖人奶都無得落肚, 妹妹已經算好了, 哈哈~