《淘》電子琴架

臨近新年...淘寶成癮, 除了淘得一大堆衫褲用品等之外, 就連電子琴架都淘咗一個返黎.

早前小B生日時姑姐知小B正在上琴班, 所以就送咗個電子琴俾小B, 不過琴架就無貨, 結果個廿四孝爸爸見小B每次玩琴時都要放喺梳化上玩, 就命令我快快上淘寶買個琴架喇.  之前喺琴行問過琴架要$280, 仲要只得一款, 而我喺淘寶搵到呢個Casio都只係RMB39, 可想而知...喺香港買嘢食水有幾深呢~

收貨後爸爸快手就砌好放出黎, 呢個琴架質料非常實在, 唔講真係唔會知道係淘寶貨黎.

其實我屋企真係好細, 要長放個電子琴喺廳真係無乜地方可以再行, 睇黎過兩日年廿八我真係要認真努力咁清屋清玩具先得.

自問呢兩個月我淘得真係好犀利, 差不多每星期都有貨收, 所以收埋呢一轉...真係要停一停忍一忍, 唔可以再亂淘啦~  :p





我們的Facebook專頁 - 小b與妹妹b之成長日誌