原先我都有打算再買士的車, 不過以前我哋曾經買過部平價士的車俾小B用, 最終用唔夠10次就讓咗俾人, 因為唔好推之餘又唔好坐, 既然妹妹差不多每天都要用到, 咁就不如揀部好少少嘛!!
其實大約一年前左右經媽媽朋友介紹後, 知道Pockit同YOYO嘅BB車係可以摺得好細, 方便攜帶之餘又唔太重身, 我已經心思思想換車架喇... 但爸爸又話唔好放部大車喎, 咁我見倆姊妹都已經開始大, 要我再放金錢投資喺BB車方面, 我又唔太捨得呢, 不過宜家無得揀, 難得婆婆開聲要求, 車就一定要再買.
最後我喺淘寶搵到呢架VOVO, 個款同YOYO係完全一樣架, 但價錢就差幾千囉, 如果主要俾婆婆出入街市用, 我真心唔介意用A貨, 就係咁...我就淘咗一部返黎喇~
收車後都唔算太大...而且仲有條肩帶, 方便揹上身, 車身約重5.8kg, 個人認為尚算可以接受.
我們的Facebook專頁 - 小b與妹妹b之成長日誌
唔肯行。。。都幾麻煩。如果婆婆一個又要抱妹妹又要買餸就真係冇咗佢唔得
回覆刪除妹妹豬同小檬都好肯行，唔鍾意坐。我家妹妹好似乎幾個月已經唔肯坐BB車，一歲未夠已經將BB車收藏好留俾人。好在都叫兩個一齊用，唔係都幾唔抵
你嗰兩個真係乖...我嗰兩個都懶到死架~
刪除最慘係家姐見妹妹坐車, 家姐又會扭要坐埋一份, 總之就麻煩啦!!
有啲後面有個位企㗎。。買果啲嘛
刪除個d超重呀....仲唔方便過我地原本個架大車~
刪除要抱真係唔係易事, 有架平靚正車就幫到婆婆啦
回覆刪除係, 希望唔鐘意用bb車嘅婆婆都會鐘意用呢架bb車啦!!
刪除南瓜妹都係唔肯行，但佢更唔肯坐bb車，只肯抱。超煩。
回覆刪除咁唔惦啵, 我地妹妹唔係肯行但好鍾意坐車, 懶到暈~
刪除唔肯行對婆婆買餸來講，真係一件幾辛苦嘅事，希望架BB車真係幫到佢啦
回覆刪除婆婆宜家日日都有用bb車...買餸即刻變得輕鬆左 :p
刪除