K1班親子新春吊飾

臨近節日, 又係我哋要做親子吊飾嘅時候啦, 不過今次小B完全無動過手, 因為媽媽係喺公司整嘅.  :p

今次真係好彩有軍師協助, 小B先有個咁靚嘅新春吊飾帶番學校佈置課室咋...

似唔似買番黎先, 哈哈!!

 呢部份係媽媽整, 當然軍師都有加入少少意見啦...

 呢部份係軍師整, 但媽媽都有出手協助架...

其實做呢個吊飾唔難, 不過真係好花時間, 當完成後一刻我真係有想過整多幾個掛屋企做裝飾.

而做呢個吊飾亦都算係好環保, 材料只需要兩個廁紙筒, 10個利是封, 絲帶, 兩張顏色紙加一個舊有嘅新春小吊飾就可以合併而成, 絕對配合到學校嘅新春環保吊飾主題.

我家小B見到後...開心之餘亦讚不絕口呢!!

我們的Facebook專頁 - 小b與妹妹b之成長日誌