♡親子活動●野餐@單車館公園♡

天氣涼涼地嘅週末, 媽媽突然靈感到想去野餐, 點知爸爸竟然無反對啵, 咁媽媽就梗係嗱嗱臨約朋友一齊去玩啦...

今次我哋揀咗去單車館公園, 成日都見朋友去呢度玩, 估唔到原來地方真係幾好啵, 又大又舒服, 下次一於再去呢度野餐先得!!

一去到梗係食野先啦, 不過小朋友有得玩又點會肯食, 最終我哋都唔理咁多啦, 大人們開餐小朋友們自己玩, 爽呀~

4個小朋友玩, 點都開心過兩姊妹自己玩嘅, 所以宜家一有時間, 我盡量都會約埋朋友一齊玩, 等兩姊妹可以開心過週末.

買咗N年嘅滑板車...終於可以帶去街玩, 我家大小姐好似有姿勢又有實際咁啵~

胃食嘅妹妹就梗係邊玩邊食啦...醒目~

其實去野餐嘅其中一個目的, 都係想爸爸多D跑動, 今次媽媽成功咗啦, Yeah~

 倆姊妹真係好鐘意同爸爸玩, 媽媽今日好輕鬆啊~

 帳篷都可以玩一大餐, 小朋友開心就係咁簡單~

玩咗兩個多小時, 大家都開始現疲態, 我哋又係時候要返婆婆屋企準備迎接忙碌嘅一週嚕.





我們的Facebook專頁 - 小b與妹妹b之成長日誌