轉眼間...我家小B已經3歲啦, 希望繼Trouble 2之後, 唔會出現小檬媽提及過的Naughty 3啦, 因為Trouble 2都已經差點令我招架不住, 若然連Naughty 3都出現的話, 我想我應該好快就會吐血.
首先新一年我希望跟兩個寶貝囡都可以身體健康, 由於自家姐返學以後, 我們三母女就輪流持續發病, 所以今年重點真的希望大家可以身體健康, 無病無痛啊.
另外亦要多謝今日賞面出席小B生日會的朋友仔們....
原先我沒打算要開生日會, 只打算在家中切蛋糕慶祝便算, 不過爸爸媽媽的這班好友真的好有心, 他們每年都會記得我家有個元旦B, 為小B慶祝生日, 有見我們這班朋友仔的小朋友越來越多, 所以媽媽臨急臨忙就叫朋友幫忙Book會所開生日會喇, 可惜...太遲啦, 12月初時朋友屋苑會所已於元旦日Full了, 最後另一朋友非常夠義氣, 因為朋友主動提議叫我們到她家開生日會嘛, 千幾尺大屋果然係唔同, 只係地點稍為遠一點, 哈哈!!
今日出席的有9個小朋友+14個大人, 爸爸媽媽們忙著照顧自己小朋友, 所以無特別去影相.
雖然小朋友們已經見面多次, 但他們竟不像我們大人般老友鬼鬼, 各自各玩, 有時更加會在我們不為意時爭玩具呢, 希望你們長大以後, 會像我們一樣老友鬼鬼就好了.
今次媽媽我托朋友安排了到會, 另外所有飲品就叫爸爸負責, 媽媽則負責靚靚蛋糕, 盡量免除要朋友們幫忙搬搬抬抬, 希望大家都滿意我今次安排. 若然下次再開生日會, 我一定會預先盡備好場地, 免得好像今次一樣臨急臨忙之下要打攪朋友. XD
大家飲飲食食玩了數小時, 終於都到重要時刻...啦~
今次這個蛋糕睇得之餘又食得, 朋友們個個都大讚好味.
倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
小b生日快樂！快高長大，健康活潑，聽教聽話！
回覆刪除多謝EE~~~~
刪除祝小B生日快樂，聰明伶俐，身體健康，好羨慕咁多朋友有小朋友一齊慶祝，我啲朋友一係未婚，一係唔生B
回覆刪除咁你就要約下我啦 ^^
刪除