學校生日會

小B學校沒有每月生日會, 不過當小朋友正日生日當天, 老師就會邀請家長於茶點時段到學校跟小朋友們一起慶祝生日.

早於放聖誕假前, 老師已經跟我提及過此事, 不過小B正日生日當天是假期, 加上2號我又幫小B請了事假, 所以就推遲到5號才進行.  由於另一位同學仔是2號生日, 而她當天亦都請了事假關係, 所以老師便將兩位小朋友安排在5號當天才一起開生日會.  事前我跟同學仔媽媽都有相討過要整野食返學校, 不過我們這些在職媽媽又不擅煮食, 所以最終還是決定買現成糕餅就算了, 超Hae.

我們兩位媽媽準時3點到達學校, 剛好小朋友們午睡醒來排洗中, 我見小B班主任好有愛心地幫女孩子們整理頭髮, 邊紥辮邊帶領著他們唱數字歌.

哎呀...偷影過程被班中小朋友發現了~

當老師帶小朋友回課室之際, 小B終於見到我坐在門口位置, 有人一見到媽媽就馬上走過來問我去佢學校做咩喎, 問完又快速跟回大隊回到課室, 好攪笑~

之後老師再安排我和另一位家長到課室跟兩位小主角慶祝生日, 這時候...小朋友們已經坐在地墊上準備好啦!!

由於老師話小朋友們照樣會食學校安排的茶點, 所以叫我們盡量不要買太多, 最後媽媽我選擇了買迷你果撻, 而同學仔媽媽就買了蛋糕仔和曲奇餅,還有泰國買回來的手信零食.

老師用果撻來代替蛋糕吹蠟燭, 老師叫兩位主角吹蠟燭時, 其他同學在旁起勢吹, 真的好可愛好攪笑呀...

原來今次係小朋友們第一次係學校開生日會呀, 難怪大家都感覺新奇啦, 果然...讀得這間學校的全都是大B, 即是代表N班中學生由9月至12月都無同學仔生日, 噢~

齊齊唱過生日歌, 再由兩位主角帶領祈禱後, 茶點時間就開始嚕.

係老師面前, 果然唔洗媽媽幫手, 叻叻.

雖然只是簡簡單單一齊食茶點, 但能夠到學校一齊參與整件事, 感覺還是覺得不錯的, 而小B見到媽媽出現都有話好開心者, 哈哈~

正所謂知足就會常樂, 雖然媽媽在課室只逗留了約20分鐘, 但媽媽都已經好滿足好滿足啦.

最後待小B上完唱遊堂就拖住媽媽手回家去喇.

P.S: 由於又係第一次學校生日會, 結果媽媽昨晚都係睡不好呢~




倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^