雖然當上媽媽已經3年了, 但我竟然失敗到連獨個兒照顧倆姊妹都不行, 而且還要倚賴婆婆去幫忙照顧, 究竟我真的有資格去當媽媽嗎?!
過去一星期, 因爸爸工作忙, 姨姨去旅行, 亞父返夜更, 所以每日放工後就只得我和婆婆+倆姊妹, 當我放工回家後, 婆婆當然就唔會再理倆姊妹啦, 因為婆婆要開始忙整餸煮飯嘛, 所以我只好像打怪獸般一打二, 沖涼..餵飯..陪玩..做亞四等, 然而最近倆姊妹又真的變得好麻煩好麻煩, 家姐則經常發顛大哭大鬧, 妹妹就扭計精上身扭計扭到暈, 而我就因為向來EQ低, 所以在忍無可忍的情況下只好放聲大罵, 每天弄得家嘈屋閉, 感覺好差好差. 每晚當整個人靜下來時, 回想剛過去數小時的畫面, 總是覺得自己好失敗.
當媽媽的我...既不懂煮飯, 又沒有能力一湊二, 究竟我還可以做咩呢?! 我湊女的失敗過案多的是, 實在連我自己都不好意思去提了, 唉~
接下來我先要慢慢學習去做媽媽應該懂得做的事, 盡量不想再倚賴家人幫忙照顧, 要學好照顧倆姊妹和教育倆姊妹, 希望不要再因自己有情緒而放聲大罵.
嗯...不懂怎樣去用文字表達.
Btw, 我要加油加油加油~~~
倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!! ^^
沒有不懂湊小孩的媽媽，只有沒有心去湊小孩的媽媽。
回覆刪除你已經做得好好架喇！有心為家庭為兩位小朋友付出咁多已經好好～
有邊個話湊兩個小朋友係容易吖？？我非常明白！
只係頭幾年辛苦啲，好快就有好日子架喇！！加油呀！
我真心好佩服d媽媽可以係屋企自己一個湊住兩個, 仲可以單拖帶住兩個出街四圍玩架, 但係我一個人真係應付唔到囉.
刪除好似岩岩個星期日咁, 因為爸爸一早要返工, 得番我同倆姊妹, 係家姐好合作但妹妹好唔合作嘅情況下, 我都選擇左快手快腳帶佢地返婆婆屋企, 因為妹妹唔知扭乜, 又勁痴身喎, 攪到朝早連我同家姐去刷牙都要揹住, 我實在係覺得湊住兩個好辛苦, 但其實呢d都應該係爸爸媽媽嘅責任黎, 不過我就交左個波俾婆婆, 諗番好多好多, 真係覺得自己好多不足嘅地方, 做得好失敗~
對住一個我都有時忍唔住好勞氣, 何況你有兩個, 捱多幾年, 佢地可以兩個自己玩你就可以好輕鬆架啦~~~加油~~~會愈湊愈好架啦~~~~
回覆刪除希望啦 ^^
刪除不要俾太大壓力自己, 當媽媽呢份工作係要慢慢學, 而且學到老!
回覆刪除加油!
有你地嘅support, 感覺即刻好好多!! ^3^
刪除其實照顧兩個又談何容易，所以我都好怕自己一個面對兩個。 隔多一年，妹妹識行識走同姐姐玩應該好好多啦！加油！
回覆刪除我都期待緊呢日快d黎 XD
刪除湊兩件真是否客易,我都變得沒耐性同好易發火.....因為佢地有時真係吾聽話到只好發火叫停......好都要轉下方法去教,但是仲搵緊....
回覆刪除湊仔教仔真係一門好高深嘅學問, 睇黎有排我地學呀~
刪除湊小朋友真係唔簡單，我相信你的好日子好快來的，支持你呀：)
回覆刪除多謝你地嘅支持!!
刪除一個都夠辛苦，二個一定需要人幫手，父母有責任，不過手的確得一對，唔好down咁耐，大大下又好啲，加油呀
回覆刪除呢排確實唔知點解成日都keep住好down...睇黎我要快d調整一下自己心理先得喇, 唉~
刪除畀著我一湊二都實頂唔順，仲要放工咁攰，兩姊妹又咁仲細。其實大家都仲係學習緊做媽媽，遲啲要煩嘅野可能仲多，唔好畀太大壓力自己呀，一齊努力 ^^
回覆刪除嗯...一齊努力, 希望大家都快d有好日子啦~
刪除AMY, 你有勇氣生兩件, 已經証明左你唔失敗啦!!! 只不過係要D 時間, 兩個近係好難頂, 我地EQ又邊會咁高丫... 家下D 細真係好痴身, 唔同以前!
回覆刪除你放開D, 小B扭就唔出聲試下板起塊面由得佢, 睇下治唔治到... 至於個細, 我估都係時間問題, 大左就會同小B一樣乖乖地, 一齊加油!!!
多謝你地咁多位媽媽嘅支持同鼓勵, 我會繼續加油架~
刪除點會呢！兩個囡囡知道媽媽好錫佢架！其實我都覺得你地湊兩個好勁，我對住一個都已經好唔得閒！家姐試下同佢傾下，有時可以叫佢幫下少少忙，等佢有責任感。妹妹就要時間，等佢大少少就會輕鬆啲。雖然好難，但媽媽加油，畀啲耐性！
回覆刪除嗯..我首要就係提升自己嘅EQ, 再俾多D耐性去對住佢地~
刪除大家都係新手媽媽, 從經驗中學習, 唔好覺得自己失敗~ 雖然有時做錯左D野, 都覺得自己做得唔好, 不過一定要CHEER UP, 繼續努力~ 你仲要係有2個寶貝的在職MAMA, 真係一D都唔易做~ 加油呀, 大家一齊努力!!!!
回覆刪除嗯...一齊努力, 加油加油加油!!
刪除不要想太多了。呻完，又再繼續努力啦！加油
回覆刪除無錯...呻完就要努力繼續學湊女!!!!!!!!
刪除加油呀，1對2真係唔容易，特別2個一齊扭，我每個星期日既早上都係1對2，又要煮野俾南瓜妹食，又要餵佢，又要洗碗，仲要睇埋南瓜仔，有時南瓜仔仲要扭我抱，妹妹又唔肯食，攪攪下就等到老公回家。
回覆刪除有時兩個一齊扭我會選擇扮聾...不過忍唔得好耐我就會顛 ~.~
刪除依一代的小朋友咁精靈，我地一打一都唔易，你一打二，更加想像到更難!
回覆刪除煮餸我都麻麻，如果工人放假，我一定叫外賣，但我同自己講，等一仔大d 可以入廚房時，一定要同佢一齊學煮餸，亦要佢學做家務，一來可以幫輕下，二來要佢學識自我照頠啊!
我都打算遲d等佢兩個大d, 然後就學煮餸....希望可以快d煮到一餐正正常常嘅煮家飯俾屋企人食, 哈哈~
刪除