得啖笑

你倆父女今次又攪乜東東?!

一個跌膊...

一個唔知想點...

對住你倆個真係好快斷氣...係笑到斷氣!!

其實爸爸頭頂上戴著的是小B新買那套泳衣的泳帽來, 有人看來好喜歡啵, 下次去游水一於叫爸爸戴來娛樂大家啦, 哈哈~

原來我是車手

嘩哈哈哈...有料爆!!

對於我這個雞手鴨腳, 連左右都未識分+認路白痴的人來說, 竟然是個有車牌之人.

當你們看到這句話之後, 會否馬上流汗, 而且好擔心在街上碰上我呢, 哈哈.

各位請放心...雖然我有車牌, 不過老公好多年前已經下了禁令, 唔准我揸車, 理由係女人揸車好危險喎, 我話佢係歧視就真, 尤其係歧視我, 哼~ 

所以這十年來, 即使有牌, 但揸車次數絕對唔超過十次...

每次當我話想揸車, 老公就會答我, 撞爛架車唔緊要, 但最擔心係我會撞死人(啋啋啋), 仲話坐過我車就更加覺得女人還是做乘客比較適合, 所以我個車牌早早就已經被人否定啦.  如果唔係收到運輸署寄來的續牌通知, 我早就忘記原來自己是有車牌的.

不過亦因為咁...我唔知續唔續牌好囉, 續左又無得揸, 如果唔續, 第日想再揸就要由頭考過, 真苦惱~

尋找美裙子

小B契媽終於有喜訊啦, 落實了今年先註冊明年再擺酒, 作為最好姊姊的我當然註冊及擺酒都要出席啦, 不過小B媽我正為穿什麼裙子而苦惱.  實不相暪, 小B媽我有個壞習慣, 就是每次當好朋友結婚都會跑去買套新衫, 實行打扮得靚靚才去恭賀朋友嘛!!

只可惜...現在要湊住兩個小魔怪, 真的沒時間讓我出街Shopping啦, 所以今次唯有在網上選購嚕.  今次買裙子, 朋友介紹了我到ZALORA這網站購買, 其實對於ZALORA這網站一點都不陌生, 因為時不時都會在facebook有廣告彈出來嘛, 而且我妹之前於這網站買過鞋, 款式及質量都好不錯, 大約4-5天左右就送到你府上, 所以今次買裙子就即管試在ZALORA找找.

其實這裡的裙款真的多得很, 雖然大部份都比較成熟, 好像不太適合我, 但只要耐心找, 總會找到適合自己的心頭好.  今次我就看中了幾條裙子喇, 但還在心大心細要買那一條好, 而最為得我心的有以下這兩條, 不如大家給我一點意見啦!!  :P 

 原本好想買的一條, 可惜已經沒有碼了~

另外, 無意中發現了這條裙...

竟然跟我早前在淘寶購買的差不多款, 就連價錢都相約啊, 似乎以後除了淘寶外, 我又多了一個散財的地方啦, 哈哈~

Enjoy

未到端午節已經熱到暈, 出街意慾近乎零, 放假最好莫過於一家四口宅在家嘆冷氣!

We are happy family....yeah~

我家有個貪靚妹

上星期某晚, 我說小B頭髮長了好多, 前面都快要遮住眼睛, 最後就變成了小B跟爸爸的對話喇.

小B: 唔靚, 要搵哥哥剪頭髮

爸爸: 星期六帶你去剪啦

小B: 唔靚, 要剪頭髮

爸爸: 好, 放假先去剪

小B: 唔靚, 要剪頭髮 (如是者, 說了十萬九千次)

星期六一早食過早餐, 爸爸乖乖帶小B去搵哥哥剪頭髮.  去到Salon, 小B還竟然自己定定的坐著剪 (之前多數要我們抱住), 而且眼睛一直望著鏡中的自己, 超好笑.

又再一次証明, 我個女真的長大了, 變得對自己外表有要求, 女孩子果真是女孩子, 貪靚指數近乎爆燈!!  ^^

Happy 100 Days

今日妹妹B 100日大啦, 早於星期六我們已為妹妹擺了百日宴慶祝, 感激當晚賞面出席的每一位親朋戚友, 更加多謝你們送上的金器賀禮, 妹妹B有你們的愛錫真是幸福啊!!!!!!!! 

希望妹妹跟這Baby和家姐一樣...日日都笑口常開, 做個開心BB.

由於馬仔哥哥太忙關係, 所以當晚所有相片仍未到手, 幸好還有一張全家福, 哈哈~

哎呀呀呀...唔睇相都唔知, 原來我肥左咁多, 難怪體重一直還未回落到未生前啦, 看來我要努力減減我雙粗腿啦, 唉~

飯後再閱讀

昨晚食飽飯無事幹, 終於拿出了第二份My Little Paper給小B看.

媽媽: 嘩...你亂畫一通架, 究竟你睇唔睇得明?!

小B:我識睇圖畫, 但係我唔識字啵.

好...還是等媽媽跟你一起閱報吧~

今次這份報紙令小B知道到原來樹木是要有水和陽光才可以茁壯成長, 而且花朵又會吸引著昆蟲.

說真的, My Little Paper雖然只得短短幾頁紙, 但每次都能夠令小B從中學習到知識, 媽媽我真心覺得很不錯呢.

希望小B繼續喜歡跟媽媽一起閱報學知識啦...

淘廁板

要小B成功戒片片, 媽媽我就只好先淘一塊廁板.

其實好早以前已經在實惠買了廁板回來, 可惜用了一排, 廁板的軟墊就已經甩掉, 可能是因為經常沾水啦, 其實只要是有公仔的廁板, 我都已經不太喜歡了, 一早都打算把它換掉.

對於廁板我沒有什麼要求, 只要有扶手就已經可以, 當然最好就是不要有公仔啦, 因為好多公仔個樣都是怪怪的...假得很, 我實在接受不了.  幸好最後找到Chicco這塊廁板, 雖然不知是正貨還是翻版, 但我就是喜歡它夠簡單, 夠乾淨.

 9月小B就要入學啦, 還有3個多月時間, 希望小B可以成功快快戒片.

如何教?!

一個超野蠻而且正值Trouble 2的野蠻公主 + 只懂事事維護而且寵壞女兒的爸爸 = 快將激死我這個只想教好女兒的媽媽!! 唉...  -.-"""

爸爸媽媽在育兒方面久久未能配合, 究竟最終又會教出一個怎麼樣的女兒呢?  (這個我真的不敢想像)  但我覺得我該是時候要買些育兒書來看看...否則真的不懂如何教囉, 媽媽們有好介紹給我嘛?!

說實話, 近幾個月小B變得越來越難教, 越鬧越唔聽, 越大越野蠻, 越打越硬頸, 究竟是小B本性如此, 還是因為正值Trouble 2呢?  曾經我問過小B是否有公主病, 但小B竟答我係公主, 但無病, 其實有時都唔知小B明唔明媽媽講乜東東, 當我一輪嘴做常娥講道理時, 究竟小B又明白到多少?!

現在媽媽我對於如何教這隻小魔怪, 真的有好多好多好多個問號. 

我一向最怕小朋友外出時扭計扭到訓地, 幸好小B外出時尚算聽話合作 (唔好小氣..唔該), 但最近小B在家扭計時, 竟然開始出現了這個扭計扭到訓地的情況呀, 而且還會好像便便唔出的模樣, 猛力抓住東西+dum地, 見到都覺得好恐怖.  這個時候...媽媽我通常會選擇先唔理小B, 而當她久久都未能平復時, 我就會嘗試好言相勸哄哄她, 結果依然未能成功我就會開始鬧, 不過當我越鬧, 小B就會越扭, 好像精神病復發一樣, 而婆婆或姨姨見狀就更加會出最後絕招, 就是開門請小B離開, 通常小B被趕走後都會好快平復過來, 當然我們不會真的把她趕出門口啦, 每次她們都只是嚇嚇小B而已, 但如果爸爸知道, 爸爸就會話我們合力蝦小B.  唉...我真的好想小B爸知道, 我們這樣並非是蝦小B, 而是想她要先冷靜下來, 讓她知道每次遇到不順心意的事時並非大哭大鬧就可以解決, 合理的要求我們當然會接受, 但不合理的又怎能夠讓她繼續呢, 可是小B爸往往只懂做順德人去解決, 這樣對小B並非好事啊.

現在小B就是看準小B爸這個弱點, 對住小B爸時, 小B總是特別無理, 特別扭計, 唉...真的好怕小B爸害她女兒變得更加變本加厲. 

對著受軟唔受硬的小B, 究竟如何教, 怎樣教才是最好呢?!?!?!?!?!?!?!?!?!

My Little Paper 試讀

小B將於9月就會入讀N班, 雖則話就話...教導小朋友讀書識字可以交由老師負責, 但其實做家長的我們又豈能夠完全置身事外呢, 始終教育小朋友的責任不能夠全靠老師嘛.

不過於過去兩年間, 基於媽媽懶惰, 再加上爸爸又只希望小B的童年過得開心, 所以我們都未有做怪獸家長去特別催谷小B學習.  幸好小B自小就迷上看廸士尼DVD及用平版電腦學英文生字, 結果學到的知識及英語都尚算不少, 但媽媽我有感只看DVD及用平版電腦始終對眼睛不好, 所以我想都開始是時候要培養一下小B對閱讀書本或其他兒童刊物方面的興趣啦.

雖然媽媽我沒有特別去買好多圖書或教材給小B, 但姨姨同事就將她囡囡N班時的書本都轉贈了給小B, 所以小B間唔中悶悶地都會拿些書本來看看, 即使只是三分鐘熱度, 但肯看書已經比起不肯看書好得多了.  加上近期Blog界又流行著巧虎這育兒教材, 弄得小B媽我都越來越擔心自己會否令小B落後於起跑線上, 唔理三七二十一, 還是趕緊培養小B閱讀興趣最重要...

就讓我們從My Little Paper開始吧, 是次收到4份以不同動物為題的My Little Paper, 今次我就先讓小B看以下這一份, 因為小B較喜歡的動物是馬馬嘛.

媽媽一拿這份刊物出來, 小B就跟媽媽說要看報紙了(小B稱My Little Paper為報紙).

想不到簡簡單單幾頁紙, 可能色彩繽紛, 小B竟然對它好有興趣呀, 媽媽見狀當然把握時機跟小B一同閱讀啦...

內裡有些少簡單練習似的東西...如畫圈圈, 填顏色, 連線, 認字等, 當然我沒奢望只有兩歲多的小B會懂啦, 所以媽媽只好從旁協助, 邊講邊做, 好讓小B慢慢跟上, 令她明白內容.

還有些卡通圖像連簡單句子, 中英對照, 容易明白.

大家看看小B有多開心...看來她蠻喜歡這份My Little Paper啵.

說實話, 媽媽我真心覺得這份刊物好不錯, 因為從刊物中可讓小B學習知識之餘, 又可以給她執筆訓練大小肌肉嘛. 至於內容, 對於一個兩歲的小朋友來說, 算是豐富啊.  而今日小B更從中學懂了幾個英文生字呢, 讚呀~  

為免小B混淆, 所以媽媽我今日只拿出一份刊物給小B閱讀, 這兩天我還是會繼續先拿這份給小B看, 務求令她不斷重溫剛學會的生字, 待過幾天肯定了她真的記住, 再閱讀其他.

遲些再跟大家分享一下小B對其餘幾份My Little Paper的試讀情況啦...  ^^

反身成功

嘩嘩嘩...又到了要表揚一下妹妹B的時間啦, 呢隻豬仔平時懶懶的, 但經過自己一星期努力嘗試後, 今日(3m2d)終於反身大成功, Yeah~

真想不到, 兩姊妹竟然同樣於3個月時就可以成功反身, 感覺實在太棒了.

忍不住要拍拍手讚一下自己, 哈哈!!

Happy MaMa Day!!

11052014

又到了一年一度偉大的母親節啦...

今年已經係屬於我自己的第3個母親節, 感覺未有好特別, 可能兩小姊妹年紀尚少, 未懂給我驚喜, 但能夠成為兩小姊妹的媽媽, 只要她們健健康康, 快快樂樂成長, 媽媽我就已經心滿意足啦, 而且只要她們乖乖聽我話, 那天天都是母親節啊. 

(要把兩姊妹一起影得好實在太有難度, 最好莫過於用連環拍.)

當然我亦會為了這兩小姊妹, 繼續努力學做一個好媽媽, 給她們最好的...  為了自己的孩子, 相信所有媽媽都願意這樣做, 所以我並不偉大.  最偉大的媽媽我會覺得是我媽, 因為我媽為了幫我照顧兩小姊妹, 實在付出了太多心力時間, 而且亦毫無怨言, 所以我媽真的太好啦.

媽咪...母親節快樂~

是日首個慶祝活動, 一家大小去飲茶...

然後再出發到太婆家食晚飯...

是晚我還特地準備了蛋糕, 等小B可以開開心心吹蠟燭呢, 只要我的寶貝開心, 媽媽我就開心了, 媽媽開心婆婆自然都開心, 婆婆開心太婆就一定更加開心啦, 哈哈~

陌生地方, 妹妹好像有點緊張, 整日都緊握著拳頭.

祝各位媽媽...母親節快樂!!

佛誕大出血

原本今日真的好想帶小B到長洲湊湊熱鬧, 但可惜天公不造美, 加上婆婆晚上又有節目, 我們最遲5點就要回家接力湊妹妹, 再者我們三口子又訓到12點才捨得起床, 結果今日時間好不夠用, 最後唯有近近地到海運Shopping便算...

想小B乖乖陪我們Shopping之前, 當然要先滿足她啦.

第一站:冒險樂園, 有人玩到唔捨得走, 結果一出門口就想扭計. 

第二站: 玩具反斗城, 爸爸見小B玩得唔多夠喉, 就帶小B到對面的反斗城反斗一下, 結果一如我所料, 唔買玩具唔肯走.

但面對住各式各樣不同種類的玩具, 小B實在亂得有點不知所措, 到處跑到處跳, 表現超興奮, 最後玩具買唔到, 買一盒m&m就乖乖跟住我們走了, 呵呵.

這個爸爸總是愛玩...難怪大多數小朋友都愛跟他在一起.  ^^

滿足完小B, 我和爸爸終於都可以去Shopping啦, 是日真的大大大出血呢, 看來我們太耐無買東西了, 所以越買越起勁, 最後衫, 褲, 鞋, 袋樣樣齊, 大滿足!!

4代同堂

03052014

妹妹B快將3個月, 今日終於有機會見太嫲, 當然要著條新裙仔去見人啦.

每次爸爸見妹妹著裙, 總是要笑一笑妹妹, 不過又難怪, 皆因妹妹真的長得比較男仔嘛.  就像今日來說...妹妹明明已經著住裙仔去太嫲屋企, 叔公一見妹妹竟然問我這是妹妹還是弟弟, 噢...叫我怎樣答才是呢, 哈哈~

妹妹: 麻煩大家碌大對眼睇睇啦, 我真係女仔黎架!!

妹妹第一次到太嫲家, 跟家姐當年一樣, 要上香拜神食紅雞蛋.  雖然兩次都是已過了滿月一排才回去, 但因為這兩姊妹都是跟他們姓嘛, 所以入屋一定要上香拜神喎.  正所謂各處鄉村各處例, 還是不要理太多, 跟老人家意思去做就好了. 

來一張4堂同代合照吧...  (兩隻小魔怪, 唔知望去邊)

今日表哥仔正日生日...小B祝表哥仔生日快樂, 越大越靚仔!!  ^^