一到產後房時, 姑娘問我打算餵人奶還是奶粉, 我答兩樣都餵, 但可惜QE只准2選1, 最後我選擇了奶粉, 打算回家後才再餵人奶.
而負責跟我的那位助產士張姑娘亦好好人, 知我有意思餵人奶但又怕埋身, 所以就教我在醫院時先用手擠奶, 好讓上奶容易一點, 但我實在太懶啦, 未有在每餐餵奶前做這個動作, 只是睡夠沒事做時才記得擠奶, 起初第一日得1ml, 即使唧到手軟亦只得好少好少, 所以好快就感到有點心灰, 不過當第2日再來時, 終於可以見到3ml啦... 雖然都係好少, 但見份量多了確實令我更有動力. 或許因為我記得時才擠奶, 未有兩小時進行一次的關係, 加上回家後實在忙得團團轉, 每次隔3-4小時才有時間泵奶, 結果直到今日第10日, 奶量仍只得30-45ml左右, 唉...妹妹已經食90ml一餐啦, 究竟我還有可能追到她每餐的需求嗎? 我已經連續數天一日三大碗魚湯, 不過成績仍未理想, 有經驗的媽媽們可以教我如何再增加奶量嘛? 現在一有時間我就會努力泵奶, 每次大約30-45分鐘不等...比起之前已經算是勤力, 雖知道還有小B不斷在攪攪鎮, 實在分身不了啊!!
我要為自己打氣, 繼續堅持, 繼續努力, 加油加油!!
愛美加油呀，冇窮嘅奶媽架，只要勤力就一定可以致富，我全泵都係一開始一日2-3餐人奶，追左成個月先追到肚B食量咋！
回覆刪除其實我反而好想埋身，覺得好sweet呢，不過果時都因為畀肚B啜損而驚左（睇forum話啜得唔啱先會損），好天真咁唸住泵順先畀肚B啜，就已經返唔到轉頭lu。
如果全泵又泵又餵真係冇時間陪小B架，盡力但唔好畀太大壓力自己，今今次都叫有餵過，已經突破左自己啦 ;)
係呀, 算係突破左, 哈哈!!
刪除努力呀mama! 泵得幾多得幾多!! 唔好比太大壓力自己啊.
回覆刪除放心, 暫時都無俾壓力自己, 只要餵過我都已經心滿意足!!
刪除奶量都係泵同埋飲多D湯水咁, 泵要密D先令身體造奶架~
回覆刪除加油~ 又唔一定要全人奶O既, 互相補下自己輕鬆D都好~~
知道, 我會加油~~~~~~
刪除努力呀，上左奶後可能多到要比小 b 飲，嘻嘻
回覆刪除如果有多又唔錯呀, 反正小b未試過, 哈哈~
刪除你好叻了，今次會餵番 ^^
回覆刪除我生巨龍時又係，試都冇試就放棄，所以從來冇試過餵人奶，我更常常覺得，我下胎都唔會餵，因為太辛苦了....所以你好叻啊，加油，支持你呀 =)
都係因為朋友成日講餵人奶對bb有幾好幾好咁, 我先試踏出呢步咋!!
刪除要多奶主要都係靠泵多D同飲多D湯水，不過多少唔緊要，最緊要你已經試咗，畀咗BB最寶貴嘅嘢
回覆刪除其實我都係咁諗, 起碼已經將最寶貴嘅野俾佢試過!
刪除果時一仔都有咬損我，雖唔嚴重，但都痛，捱了一排先無再損，坐月時埋身加補奶粉，返工后再加泵奶，一仔埋身了6個月到我無奶。
回覆刪除聽聞有款nipple cover(唔記得係未咁叫法)，保護nipple唔好繼續埋身時比bb咬損，但有d BB會唔like隔住餵。
所以，做唔到全人奶媽，盡了力，總之有人奶飲，已經ok !加油!
曾睇過話除了湯水外，還要夠瞓及放輕鬆呀>我果時做唔到，第一胎，什麼都要自己來，好大壓力!
我都好想可以訓多d, 可惜湊住兩個真係唔簡單, 就連泵奶時間都唔可以準時呀, 唉~
刪除泵完奶又要洗，所以我寕願埋身餵，唔夠就補奶粉>>不過健康院姑娘話盡量補少d wow!
刪除已經好叻，對現了自己承諾，我果時用chu chu母乳奶咀，所以小豆子用樽都好似埋身咀形咁吸啜，我好快上奶，早午晚肉，飯，魚湯，訓覺，可能我埋身所以快上奶，之後整個月都全埋身人奶，直到小豆子滿月多少少一覺訓夭光，我半夜懶冇泵奶才奶量下跌，之後也改了奶粉，所以只有堅持，奶媽路不易，特別返工後，加油呀
回覆刪除我都希望自己可以堅持到返工... :-P
刪除加油呀!
回覆刪除