唉...當大家都以為小B好乖好生性之際, 其實小B已經靜俏俏地起革命啦!! 話說妹妹B回家已經差不多兩星期, 起初小B的確表現得好錫妹妹, 好肯幫忙去參與有關妹妹的一切, 例如開奶, 餵奶, 沖涼, 換片等等等等... 可惜近幾天小B開始變了, 雖然偶然還是會參與, 而且仍然好錫妹妹, 但我們察覺到小B在行為上出現了好大變化, 變得呷醋, 變得愛爭寵, 少少事都變得愛大哭大鬧, 完全跟之前判若兩人. 雖然我知道有初生BB回家, 對於一個只有兩歲的家姐仔來說, 出現這些行為都好正常, 但我好多時亦會因為她的無理..野蠻而大聲罵她, 因為我EQ低囉, 而且小B總是愛挑戰我底線嘛, 結果每次總是忍不住口. 雖然事後我確實感到好內疚, 但眼見小B突然變得這麼惡攪..難教, 我真的快要發瘋啦!!
其實我想講我真係無大細超, 倆姊妹都同樣愛錫, 不過爸爸見我近日經常罵小B, 所以覺得我對小B變了, 亦因為這樣, 我的確有點唔高興架. 現在小B爸對住小B時, 就好像黃大仙一樣...有求必應, 其實真的有需要這樣縱容小B嗎? 雖然我知道現在最緊要給多點時間小B去適應這種改變, 而且亦要給她更多的關心與愛心, 但我好怕自己見她亂發脾氣時又會忍唔住呀, 或許我就是個失敗的媽媽吧, 唉...
幸好小B依然緊張妹妹, 未見有蝦妹妹的行為, 看來我要花更多時間去照顧小B的感受才行喇~
昨天, 自問我花多了時間在小B身上, 結果小B情緒又真的好像好一點啵. 雖然小B看似不會呷妹妹醋, 但原來對於小朋友來說, 是沒有一個會不呷醋的, 是我太大意忽略了小B感受, 真的好內疚好內疚好內疚呀..........
是真的會呷醋ga! 自從apple出世, 大家都focus on apple身上, 忽略左apple ge 表哥 - 那時5歲的金豬. 金豬成日都話我地全部人都唔錫佢...所以我其實都好唔開針呢....你都加油. 一定要將件事控制得好好啊!!
回覆刪除加油呀~ 我返而覺得NB 的妹妹只係食同訓, 比較易處理, 反而小B已經懂事, 佢既情緒先係重點要處理呀~
回覆刪除我覺得小B點都會呷醋架, 只係佢抑壓住, 收埋係心度, 我睇過D書, 話如果兩個一齊喊, 要處理左大果個先架, 同埋盡量抽出一D時間係你地兩個, 沒有妹妹的, 就算短短15-30 min 都好 . 等佢知道你地都係咁愛佢~
其實我一開始都無放好多時間係hannah 度，所以佢都對我不聞不問，日子耐左陪佢多d,.傾多d 計佢又會痴下我，我都覺得好 sweet.... 算啦，nb 未識呷醋，我地都係要將注意力放係大女身上先
回覆刪除好同意，始終係小朋友，而且小b 仲咁細，呷醋、爭寵真係在所難免，面對呢d 情況，大人EQ下降都人之常情啊.....
回覆刪除依家唯有教好小b，等佢知道大家都好鍚佢，佢同妹妹都係大家的寶貝.....
加油，我都支持你同小b ~~^^
照顧個大既感受先啦. 橫掂個細既仲未識呷醋...
回覆刪除其實小b已經好乖喇...不過佢地咁細個, 未太識handle 自己既情緒
我朋友個B差唔多兩歲，對住個細妹都係錫嘅但始終仲細，媽咪抱完細妹要抱番自己，甚至指定要我朋友響抱細妹食奶個位抱佢。
回覆刪除其實小B都好叻架啦，始終多一個分薄左父母嘅注意，都要少少時間磨合嘅，最緊要小B仲係錫細妹^^
你剛生完都要時間適應, 唔好太大壓力呀~ 加油!!!
回覆刪除同意樓上各位mama,new born食同訓，真係要多啲理解小b,告訴他二個都錫，姐姐比妹妹仲錫早左二年Tim, trouble two加初做姐姐仔，的確好難架，不過教好小b,妹妹b自然學姐姐，所以真係照顧家姐感受先
回覆刪除愛美媽媽要加油呀﹗只要你畀返多D時間小B佢就明你㗎啦﹗宜家發現都未遲㗎﹗不過有唔開心的話記得要同屋企人或者朋友講呀，舒緩吓D情緒好過谷埋谷埋嘛﹗
回覆刪除加油!始終大既覺得時間上是分簿左,我有一排仲覺得大既好麻煩攪攪震唔想理佢,諗起真係好衰。其實,想吸引我地注意!我地都係比心機同大既多溝通,慢慢習慣!
回覆刪除我都有咁既擔心，所以我會照顧南瓜仔先，有多餘時間先會陪南瓜妹
回覆刪除