太婆生日飯

嘩..嘩..嘩..今年係太婆84歲生日呀, 雖然已經算是年老, 但慶幸太婆依然健步如飛, 精神亦亦, 而且最幸福的就是可以四代同堂坐埋一枱嘛, 你說對不對?!

只可惜我哋太婆一向低調, 從來唔鐘意影相, 就算真係要影相都好睇太婆心情.  雖然今日係太婆正日生日, 而且姨婆又從美國老遠回來跟太婆食生日飯, 開心就係開心嘅, 不過太婆就係話唔影相囉, 算...

唔影相都唔緊要啦, 大家一家人開開心心食餐飯就好了, 而太婆整晚最開心的事當然係見到小B同妹妹B啦, 有時真係覺得老人家幾可愛, 到某個時期就會好像返老頑童一樣, 鐘意跟小朋友一起玩一起笑, 總愛黏在小朋友身邊, 哈哈~

講起食飯, 其實我地每逢大時大節有事無事都好, 太公太婆都會指定話去百樂門架, 一黎地點方便兩老, 二黎兩老每朝都會到百樂門飲茶, 已經跟所有部長待應打好晒關係, 所以百樂門已經變成了我們一家嘅飯堂, 只不過...百樂門嘅水準真係每況愈下, 已經由普普通通過得去, 變為今日嘅難入口啦.  從未試過一餐飯, 我哋可以由頭彈到尾, 整晚嘅餸菜都啖而無味, 好像無落鹽一樣, 不過咁...我家妹妹就岩晒胃口喇, 由頭食到尾, 食到肚腩仔都快要爆開了, 超可愛.

妹妹自一歲後, 開始嘗試自行進食, 今日好叻叻咁自己用叉食晒碟蛋糕呀, 請大家以掌聲鼓勵鼓勵....拍拍拍拍拍, 真的不得不讚.

最後食完飯, 小B硬是要去丟$樂園燒銀紙, 幸好今次姨婆喺到, 小B都算聽話啊, 乖乖玩兩局見店員準備落閘收鋪就自動自覺走人, 如果換轉同爸爸黎, 小B一定玩到唔肯走啫.

這是妹妹的第一次, 不過妹妹未係好Enjoy啵, 樣樣都只係望兩眼就走咗去, 難道妹妹咁細就知道要幫媽媽慳$$, 哈哈.

 



倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^