妹妹B一歲生日趴地 @ 212媽媽會

26.04.2015

期待已久嘅212一歲生日趴地終於圓滿結束, 今次真係辛苦晒每一位有份出力搵場地, 搵Sponcer, 搵攝影師, 拎Sponcer禮物嘅每一位媽媽, 是次小女子終於都有丁點貢獻, 就係去屋企附近間BB Shop拎Sponcer禮物喇, 嘩咔咔咔!!  (唔知以為我好大貢獻, 其實只係順便  ^^) 

原先呢個趴地應該係喺2月舉行, 不過當時正值流感高峰期, 加上臨近生日會之時, 又竟然有差不多半數Buddies都相繼病倒, 結果好多媽媽都話因為BB病而未必出席到嘅情況下, 最終大家就決定改期喇.  生日會早有早開, 遲有遲開, 最緊要就係齊人嘛, 可惜直到今日, 仍有幾位Buddies因病未能參與.

三十多個同年同月同日嘅BB開生日會, 真係好開心好開心好開心呀...
(可惜爸爸於生日會前幾天先知道放唔到假囉, 結果我臨時要單拖出席.  算...就當多個機會讓我跟妹妹獨處吧.)

場地: Party Buddy
地點: 鑽石山 

嘩...場地好大好多野玩呀, 如果小B都有黎的話, 一定玩到唔捨得走.

我哋張馬戲團Banner好正呀, 大家搵到妹妹嘛?!

俾個近鏡你哋搵啦...

今次媽媽們真係好犀利, 搵到好多Sponcer啊...

是日單拖出席活動, 媽媽真係爆累, 雖然有部份媽B都算相熟, 但妹妹就係怕生保嘛, 完全唔肯跟其他人, 就算妹妹肯自己行去玩, 但我都一定唔可以離開太遠, 否則妹妹一見我唔到就會馬上爆喊.  原先媽媽真係好想好想四圍集郵架, 因為212有好多BB都好可愛好靚仔靚女, 只可惜我完全無時間囉.  另外媽媽亦好想增取時間跟媽媽們聯誼一下, 但今日大家都實在太忙啦, 所以未能逐一詳談, 每位媽媽都只係傾幾句而已. 

唉...玩都要痴住媽媽, 有圖有真相.  ~.~

好, 到集體遊戲時間啦~

例牌天然呆!!

知道係玩波波, 終於識笑啦.

一見到波波就瘋狂去搶...

今日影相唔多, 幸好有大會攝影師幫我影呢兩張相.  ^^

今日妹妹於抽獎環節時抽中咗禮物呀, 雖然只係3 Packs濕紙巾, 不過我相信這些都是我們的好運嘛, 希望好運會一直跟隨住我哋啦, 咔咔~

最後送上大合照一張...期待下一個212活動啊!!

倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^