212 Buddies小聚會

剛過去嘅星期六, 原本係小B學校運動會, 但因天雨關係而被迫改期, 結果就造就咗我有時間出席212 Buddies嘅小聚會喇, 好彩小B突然有約跟咗婆婆朋友去街, 媽媽我先可以單獨同妹妹去玩咋!!

今次我地去咗其中一個Buddy嘅屋苑會所, 妹妹意外地俾我想像中活躍, 玩得好開心同好投入, 亦明顯有得玩時係唔太需要媽媽, 只要見到媽媽喺附近就已經安心, 看來媽媽真係要多點帶妹妹去跟212 Buddies玩先得啦.

一去到會所, 妹妹馬上甩繩馬騮上身般四圍走...似係8個212中最百厭嗰個.

最鐘意坐喺呢張玩具台玩玩具, 原本得妹妹一個自己玩, 最後更吸引咗幾位Buddies埋黎.

認真嘅妹妹豬最可愛~

孖辮妹好鍾意同妹妹搶嘢玩, 雖然媽媽有出口叫妹妹唔好搶, 但千萬唔好睇少我哋妹妹呀, 妹妹多數搶贏架.  唉...我哋妹妹確實係牛皇妹一名, 應該係平日喺屋企同家姐訓練得多!  (媽媽要多多管教先得喇)  ~.~

妹妹嘅速度實在太快, 好難影到一張半張正正常常嘅相囉.

有媽媽要早走, 快手影張媽B大合照後先再玩~

臨走前...Buddies們齊齊開餐食餅餅, 妹妹食完竟然主動去問姨姨攞餅餅, 原來為食嘅小朋友係唔會怕羞架, 不過姨姨們都讚妹妹係食得最斯文嗰個, 而且又會主動撩Buddies們嘅爸爸玩, 媽媽真係唔帶過妹妹出黎玩都唔知妹妹跟家姐一樣, 喺屋企同喺街係兩個人黎.  或者我真係要考慮下多D單獨帶妹妹去跟朋友仔玩下先得喇.

其實今次我地只係第2次聚會, 但可能因為每日都有Whatsapp傾計關係, 所以感覺唔陌生之餘仲好親切, 真係好高興認識到你地每一位呀...  ^^





倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^