屬於我倆的假期

08042015

復活節假期過後, 妹妹要回婆婆家, 小B都放完假要返學了, 當一切回復正常之際, 老公提議不如我倆多放一天假去做想做的事, 例如拍拖睇戲, 按腳等等...
(因平時放假, 婆婆一定唔會肯放人, 而平日放工實在無多餘時間空出, 所以我倆想拍拖的話就只好選平日, 而且還不要讓婆婆知道啊.  說實的, 平日婆婆一湊二確實好辛苦, 所以到我們放假時, 婆婆想要休息亦好正常, 這點我絕對理解, 亦都百分百明白, 既然係咁就容許我倆扮返工偷偷去開心一天嚕, 哈哈!!)

呢日我同老公如常地帶小B返學, 然後就拿拿聲趕去麥當當買早餐, 再衝上戲院買飛睇早場.

逛野時速7, 內容唔多講, 想睇自己買飛入戲院睇啦.  個人就認為超好睇喇, 因為我同老公都係逛野時速系列粉絲, 當年拍拖時由第3集就已經開始睇啦 (老公自己就有睇第1, 2集), 真係集集都咁精彩, 集集都咁好睇, 只可惜...保羅嘅離開實在令人有點傷感.

睇完戲去海運打個白鴿轉, 買少少妹妹嘅補吸品, 再去嘆個豐富和民Set Lunch...爽呀!!

然後稍作休息又再出動去睇五個小孩的校長, 內容依舊唔多講, 想睇自己買飛入戲院睇, 雖然好感人, 但我又不至於由頭喊到尾囉, 大概喊了一半時間左右啦, 為人父母去睇的一定會懂...

雖然這是個要騙回來才有的假期, 但能夠簡簡單單做幾樣自己想做的事已經足以令我好滿足啦, 做人最緊要是學會知足嘛, 哈哈!!  ^^





倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^