小B唱歌仔

最近媽媽睇得最多嘅短片, 相信應該都係同學仔爸爸Sent俾我嘅呢一段了, 媽媽真心覺得呢兩個小女孩好可愛好得意呢, 所以媽媽每日都會重覆又重覆咁睇幾次, 真係百看不厭架, 哈哈!!

聽完小B同同學仔唱歌後, 大家聽得出歌詞嘛?!  相信同學仔唱得咁清楚, 大家應該好容易聽到啦.

不過...大家又有無發覺到小B喺發音方面嘅問題呢?!

其實小B發音唔清晰嘅問題, 我哋一早就已經發覺到, 不過媽媽有時會諗, 其實小B都係兩歲後先開始講句子, 說話方面算係比較遲, 發音未係太清晰可能都屬正常事, 雖然發音未係字字都好清晰, 但起碼媽媽聽得明白嘛, 而且有時又會清楚到你唔信, 所以我哋就無特別去處理, 相信隨住年紀大D就會好D, 起碼小B唔係表達有問題丫嘛.

但當小B同同學仔一齊唱完歌後, 我發覺同學仔發音真係比小B清楚好多好多好多呀, 而且返學都已經有大半年啦, 但小B發音方面仍未能完全得以改善, 究竟我有無需要去搵言語治療師跟進小B嘅情況呢?!  (聽聞大多小朋友去上幾堂之後就已經可以完全改善, 唔知媽媽們有無呢方面資料可以俾我參考?)

之前家長會時老師都有提及過, 叫我嘗試多D俾原條栗米之類食物小B咬, 這樣會有助訓練口腔肌肉幫助發音, 不過小B就係唔太鐘意用大牙入面咬嘢啵, 就算幾硬都好, 小B都係鐘意用前面咬, 睇黎我要再請教一下老師啦.

或者到學期尾時, 如果小B發音依然維持現狀無改善的話, 我真係要襯暑假時帶小B去上堂糾正了!!  雖然明知這只是小問題, 但最好就當然係可以唔洗去啦...





倆姊妹已經有Facebook Page Anke & Karena - 小b與妹妹b 有興趣的話就入黎Like一Like支持下啦!!  ^^