變靚D~

暑假已經過咗一半, 仲有唔夠一個月就要開學, 襯有時間梗係要帶兩位小姐去剪頭髮扮靚靚準備開學啦...

家姐由細到大對於剪頭髮都唔抗拒, 因為貪靚囉, 所以每次去剪頭髮都會自動波乖乖坐好.

一直以黎帶倆姊妹去剪頭髮都係去爸爸朋友間髮型屋剪, 但星期日生意比較多, 我哋呢D拍下屁股就走人嘅客仔, 真係唔好意思去打攪人.  最終今次媽媽帶咗佢哋去搵靚仔哥哥, 呢個靚仔哥哥大大話話都幫爸爸媽媽剪頭髮剪咗十年以上有多啦.  :p

你睇家姐幾乖...

家姐剪完就到妹妹, 之前每次帶妹妹去剪頭髮都唔成功, 所以由細到大每次剪頭髮都係爸爸操刀, 近排可能大個女咗, 好多嘢都好肯去嘗試, 變得叻咗.  今次佢見家姐剪完頭髮, 竟然自動自覺準備埋位, 真心覺得妹妹越大越叻叻呢.

哥哥仲話妹妹坐得好定, 完全唔似未剪過頭髮...  ^^

家姐唔肯剪太短~

 妹妹就變咗小丸子~

 剪完頭髮自我感覺非常良好, 大家都以為自己變咗靚女, 哈哈!!

我們的Facebook專頁 - 小b與妹妹b之成長日誌