暑假篇之好朋友來我家

剛過去嘅星期六我咃又約咗同學仔一齊玩啦, 今次係小B第一次有同學仔黎我哋屋企呀, 事前小B表現得好開心好期待, 雖然屋企地方唔大, 玩具唔多, 但其實佢哋只要見個面就已經好開心好滿足, 最好就係喺屋企玩大人仲可以輕輕鬆鬆唔洗捉馬騮嘛, 哈~

一見面已經開心到咁...

返到屋企就更加唔需要我哋理...

原本打算7點左右一齊出街食飯, 不過玩到6點, 3個小朋友突然要午睡, 結果...我哋就打消咗去食泰菜嘅念頭而改叫外賣小菜.

朋輩影響嘅力量真係好大, 原本幾個平日唔願自己食飯嘅小朋友, 你睇今日幾乖乖...

所以話朋友仔對於小朋友黎講都真係好緊要架, 可以互相影響互相勉勵!!

過幾日就係朋友仔4歲生日, 我哋梗係要一齊切蛋糕慶祝啦~

 老友鬼鬼~

下次再見, 應該係K2開學啦!!  :p





我們的Facebook專頁 - 小b與妹妹b之成長日誌